2 Bewura 10:11 - EBƆRƐ BE KAWƆL

¹¹ Kumo be kaman nɛ Jehu mɔ Ahab be basa nɛ b ka a wɔ Jizreel na kikɛ. Mbe ekrachiana nɛ mo teri kpakpasoana nɛ bɔrɛmatapoana na be ekama gba daa maŋ ka.

2 Bewura 10:11 ပူးပေါင်းရင်းမြစ်များ

1 Bewura 14:10

Ŋkpal kusɔ nɛ fo wora ere so meeŋ mur fo kuwurji nseŋ mɔ fo kaman to ebi nɛ b la benyɛn nɛ benimu nɛ mbia kikɛ. Meeŋ mur fo kanaŋ nɛ b ki fanɛ kananɛ anabin bee chɔɔ a mur na.

1 Bewura 15:29

Baasha ka baŋ ji kuwura nɛ e mɔ Jeroboam be kanaŋ to be basa kikɛ, nɛ kusɔ nɛ anebi Ahija nɛ e shi Shilo na daŋ kaŋɛ fanɛ, Jeroboam be kanaŋ to be esa kama maaŋ pete na bɔlɔ so.

1 Bewura 16:11

Zimri ka baŋ ki ewura, epul na to nɛ e mɔ Baasha be kanaŋ kikɛ. E daŋ mɔ mo kurgepo nɛ mo teriana kama nɛ b la enyɛn kikɛ nna.

1 Bewura 18:19

Kaŋɛ Israɛlebi na kikɛ nɛ b ba kebeegboŋ nɛ baa tre Kamɛl na ase m ba tu ma. Keta Baal be agbirwuraana alfa ana nɛ adunu nɛ kegbirche Ashira be agbirwuraana alfa ana nɛ baa tu ewurche Jɛzebel a ji na m ba!”

1 Bewura 18:40

Nɛ Elaija ponte ŋ kaŋɛ le: “Men pɛ Baal be agbirwuraana na. Men sa maŋ shin nɛ bumo be ekama e shile!” Nɛ basa na pɛ bumo kikɛ n yɔ Kishɔn be lɔr na to nɛ anebi Elaija shin nɛ b mɔ bumo kikɛ ndoŋ.

1 Bewura 21:22

Kananɛ n wora Nebat pibinyɛn ewura Jeroboam nɛ Ahija pibinyɛn ewura Baasha na, nɛ mee shin nɛ n wora fo alɛ gba, ŋkpal fo ka wɔtɔ ma agbo to nseŋ shin nɛ ma basa Israɛlebi luri kulubi to so.’

1 Bewura 21:29

“Fo gbagba ere wu kananɛ Ahab bar mbe kumu kaseto n sa ma nna na, amoso, m maaŋ shin nɛ jɛrbi e tu mo ama mo pibi be jemanɛ so nɛ meeŋ shin nɛ jɛrbi e ba mbe kanaŋ kikɛ so.”

1 Bewura 22:6

Ndoŋ nna nɛ ewura Ahab tre anebiana alfa ana, m bishi bumo le: “N ya kɔ Ramɔfebi kena ŋko n sa maŋ yɔ?” Nɛ bumo alɛ kaŋɛ le: “Ya kɔ kumo, ŋkpal manɛ so Enyɛnpe Ebɔrɛ na beeŋ shin nɛ fo kɔ n sɔ kumo.”

2 Bewura 10:12

Jehu ka lar Jizreel a yɔ Samɛria, n ya fo kakpa nɛ baa tre Mbolpɔkpapo be keeyi to na,

2 Bewura 23:20

E daŋ mɔ agbirwuraana na nna n deŋi kakpa nɛ baa shuŋ agbir na be ebɔrɛsureana so, nseŋ chɔɔ edimɛdi be awibi n deŋi bɔrɛsure kikɛ so. Kumo be kaman nɛ e bɛta n yɔ Jerusalɛm.

2 Bewura 9:7

Ama a daga fo ka mur ewura Ahab nɛ e la fo nyɛnpe na be laŋ to ebi kikɛ ŋ gberge bumo kusoe ŋkpal mbe eche Jɛzebel ka mɔ mbe anabiana nɛ mbe nyɛrbi so.

2 Bewura 9:9

Kananɛ m baŋ wora Israɛl be ewura Jeroboam nɛ mbe kanaŋ nɛ ewura Baasha nɛ mbe kanaŋ na gbagba nɛ meeŋ wora Ahab malɛ gba.

2 Kronikɛls 22:7

Ahaziya be keya bɔɔ Joram so na, e daŋ da mo n lɛ. E ka ba Joram kutɔ na, nɛ mo nɛ Joram ya tu Nimshi pibinyɛn Jehu nɛ Enyɛnpe Ebɔrɛ lara fanɛ e mur Ahab be kuwurji na.

2 Kronikɛls 22:8

Jehu ka bee wora kusɔ nɛ Ebɔrɛ kaŋɛ mo na, nɛ e wu Juda be bejuŋkparpoana nɛ Ahaziya mo wɔpabiana nɛ b daŋ tu mo m ba nɛ b ba bɔ Joram so na. Nɛ Jehu mɔ Ahaziya mo wɔpabiana na nɛ benimuana na be beko

Job be kawɔl 18:19

Bumo ere maaŋ naa kɔ mbia ŋko kaman to ebi nɛ esa beeŋ keni bumo so n nyiŋi bumo.

Nshɛ 109:13

Ebɔrɛ e shin nɛ mbe kanaŋ nɛ kaman to ebi kikɛ e mur kuraa; nseŋ shin nɛ b teŋ bumo be atre so hale mbaanaayɔ.

Nshɛ 125:5

Enyɛnpe Ebɔrɛ na baa gberge kumukpakpasowuraana kusoe, e beeŋ gberge bekama nɛ b yige mbe ekpaana n lɛ gba kusoe. Kayurwushi e baa wɔ Israɛl be basa so!

Aŋasa 13:20

Esa kama nɛ e bee tu benyiashempo a nite bee ki enyiashempo nna, ama esa nɛ mo nɛ bewulpo bee wora asheŋ bre bee luri tɔrɔ to nna.

Hoziya 1:4

Ndoŋ nna nɛ Enyɛnpe Ebɔrɛ kaŋɛ Hoziya le: “Nase fo kebia na be ketre Jizreel, ŋkpal manɛ so k maaŋ chɛr ko nɛ m ba gberge Jehu nɛ e la Israɛl be ewura na be kanaŋ to ebi kusoe, ŋkpal basa nɛ b mɔ ashi Jizreel be ketaŋɛ to na so. Meeŋ mur mbe kuwurji be kanaŋ,

Joshuwa 10:30

Nɛ Enyɛnpe Ebɔrɛ shin nɛ Israɛlebi naŋ kɔ m pɔɔ kumo malɛ nɛ kumo be ewura so. B daŋ mɔ ekama nna. Esa kikɛ daŋ maŋ ji efute. Kananɛ b daŋ wora Jɛriko be ewura na gbagba chap nɛ b wora ndoŋ be ewura na gba.

Joshuwa 11:8

Nɛ Enyɛnpe Ebɔrɛ ta bumo m bɔɔ Israɛlebi na enɔ nseŋ shin nɛ b pɔɔ bumo so n ju m buu bumo so ŋ kɔ bumo n ya fo Misrefɔf Mayim nɛ Sidɔn ashi kelargato be esoso be kaba so, n ta loŋ n ya fo Mispa be ketaŋɛ nɛ k wɔ epeŋilarkpa na, m mɔ bumo kikɛ.

Joshuwa 15:56

nɛ Jezreel nɛ Jokdiim nɛ Zanua

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.

Kelaraŋŋini 20:10

Ndoŋ nna nɛ b ta alubipo mo nɛ e daŋ fule bumo na n lɛ n wɔtɔ edɛ mo nɛ jɛrbi wɔ amo to a chɔɔ na be kepa to, kakpa nɛ b daŋ ta kusɔbɔya na nɛ anebi fɛpo na n lɛ to na. Baaŋ tɔrɔ bumo ga kapa nɛ kanyɛ mbaanaayɔ.