2 Bewura 1:9 - EBƆRƐ BE KAWƆL

⁹ Nseŋ shuŋi benapo be enimu nɛ benapo adunu epul to fanɛ b ya bar anebi Elaija. Nɛ benapo be enimu na ya wu Elaija nɛ e tase kebee be esoso nseŋ kaŋɛ mo le: “Ebɔrɛ be esa, ewura yɛ, fo gbelge m ba, e bee sha k kewu fo.”

2 Bewura 1:9 ပူးပေါင်းရင်းမြစ်များ

1 Bewura 17:18

Ndoŋ nna nɛ ekulpoche na kaŋɛ anebi Elaija le: “Ebɔrɛ be esa, manɛ nna nɛ fo wora ma le? Fo ba nfe nna nɛ fo ba kaŋɛ Ebɔrɛ alubi nɛ n wora saŋɛ na so ma kebia beeŋ wu a?”

1 Bewura 18:10

Enyɛnpe fo Ebɔrɛ na be ketre so nɛ mee kaŋɛ fo na fanɛ ewura Ahab nite durnya ere be kaplɛkama a fin fo. Efuli kama malɛ nɛ b fin fo n yɔ, nɛ kumo be ewura kaŋɛ fanɛ e maŋ wu fo mbe efuli so, ewura Ahab bee shin nɛ e bɔ nna fanɛ e maŋ wu fo kashenteŋto.

1 Bewura 18:4

amoso Jɛzebel ka daa mɔ Enyɛnpe Ebɔrɛ be anebiana na, Obadaya e daŋ ta bumo be basa kalfa n ya ŋana abeelaŋ anyɔ to nsaa sa bumo ajibi nɛ nchu ndoŋ. E daŋ barga bumo to basa adununu nna n wɔtɔ kebeelaŋ kama to.

1 Bewura 18:42

Ahab ka yɔ nɛ e ya ji, nɛ Elaija dii kebeegboŋ nɛ baa tre Kamɛl na be esoso n ya murgi n ta kumu n wɔtɔ aya to ŋ kule Ebɔrɛ.

1 Bewura 19:2

Ndoŋ nna nɛ Jɛzebel shuŋi fanɛ b ya kaŋɛ Elaija kubɔya ere. E yɛ: “Ta a ba echefo saŋɛ ere so nɛ ŋ ka maŋ wora fo kusɔ nɛ fo wora agbirwuraana ere gbagba n tal to, kumo ere agbir na e mɔ ma.”

1 Bewura 22:8

Nɛ ewura Ahab kaŋɛ le: “Ekoŋwule ko kraa wɔtɔ nɛ anyeeŋ tiŋ n wu mo, mo e la Imla pibinyɛn Mikaya ama ŋ kishi mbe asheŋ ga ŋkpal manɛ so kusɔ kama nɛ e wu ŋ kaŋɛ ma maa walɛ.” Nɛ Jehoshafat kaŋɛ: “Sa maŋ kaŋ kaŋɛ loŋ!”

2 Bewura 2:25

Kede be kaman nɛ Elaisha dii n yɔ kebee nɛ baa tre Kaamɛl na so, nseŋ yili ndoŋ m bɛta n yɔ Samɛria be kade to.

2 Bewura 4:25

Ndoŋ nna nɛ e ta n yɔ Elaisha kutɔ ashi kebeegboŋ nɛ baa tre Kaamɛl na so. Elaisha ka wu mo nɛ e kraŋ shi kufɔ e ba, nɛ e kaŋɛ mbe kayɛrbi Gehazi le: “Keni, kache nɛ e shi Shunɛm na e naa ba na!

Jɛremaya 35:4

m ba bɔrɛlambu na to. Kumo be kaman nɛ ŋ keta bumo n luri anebi Hanan nɛ mo tuto daa la Igdaliya na be bebɛsopo be ebu to. Ebu na daa wɔ Shallum pibinyɛn, Maaseia nɛ e daa la bɔrɛlambu na to be beshumpo na be enimugboŋ ko na be ebu be awɔlto nna nɛ k mata benimuana na be beko be peya.

Eemɔs 7:12

Kede be kaman nɛ bɔrɛmatapo Amaziya kaŋɛ Eemɔs le: “Ta fo ebɔrɛdareana n shile anyi so! Bɛta n yɔ Juda be kasawule so n ya ka wora fo kenebiya be kushuŋ ndoŋ nsaa nya fo kusɔ jiso kumo to.

Matiu 14:3

Mo, Hɛrɔd gbagba e daŋ shin nɛ b pɛ Jɔn ŋ kre nseŋ ta mo n wɔtɔ kabuti to. Hɛrɔd daŋ wora loŋ nna ŋkpal Hɛrodias mo sipo Filip be eche so.

Matiu 26:68

nɛ beko malɛ bee kpa mo etaŋana nsaa kaŋɛ mo: “Kristo, pin esa nɛ e ŋmɛa fo ere!”

Matiu 27:29

Kumo be kaman nɛ b ta ewidibi be ayabi n wora kuwurwuro m buu mo nseŋ ta kekpabi malɛ n wɔtɔ mbe enɔjiso to nseŋ gbir mbe anishito a wora mo eyurto a kaŋɛ le: “Juwebi be Ewura, anyee chɔrɔ fo.”

Maak 15:29

Basa nɛ b daa choŋ gba daa maŋ bumo be amu so nna a tege Yesu a kaŋɛ: “Aha, fo yɛ feeŋ bure bɔrɛlambu na nseŋ pɔr kumo nchɛ asa be kefɛato.

Maak 15:32

Men shin nɛ an keni Kristo, Israɛlebi be Ewura na ŋko e beeŋ tiŋ ŋ gbelge ashi kedibi largato na so m ba nɛ an yirda mo a.” Nɛ bumo nɛ b gbir m mata ndibi largatoana so n ti mo so na gba daŋ tege mo.

Luuk 9:54

Mbe bebɛsopo Jeems nɛ Jɔn ka wu loŋ nɛ b bishi mo: “Enyɛnpe, fee sha fanɛ an kaŋɛ fanɛ edɛ e shi ebɔrɛso m ba mur bumo a?”

Hibruwebi 11:36

Ŋkpal yirda so b daŋ wora beko eyurto nna nseŋ kuya bumo so nseŋ daŋ pɛ bede malɛ ŋ kre n ta bumo n ti ebuana.

1 Samuɛl 19:21

Sɔɔl ka nu loŋ na nɛ e naŋ shuŋi mbɔ damta ko ndoŋ nɛ bumo alɛ gba fara a wu abɔrɛsheŋ a malga. Nɛ e naŋ shuŋi mbɔ be katuŋ sasopo, nɛ bumo alɛ gba ya wora loŋ koŋwule na.