2 Bewura 1:4 - EBƆRƐ BE KAWƆL

⁴ Men ya kaŋɛ ewura na fanɛ ma Enyɛnpe Ebɔrɛ na kaŋɛ fanɛ e maaŋ naŋ nya alenfia kikɛ; e beeŋ wu!” Kusɔ nɛ Enyɛnpe Ebɔrɛ na daŋ kaŋɛ na gbagba chap nɛ anebi Elaija daŋ wora.

2 Bewura 1:4 ပူးပေါင်းရင်းမြစ်များ

Jɛnesis 2:17

ama sa maŋ kaŋ ji kedibi nɛ k bee sa kelela nɛ kulubi be kanyiasheŋ na bre be asɔrso, ŋkpal manɛ so, kachɛ kama so nɛ fo baŋ ji loŋ be kedibi na be asɔrso, shɛŋ maaŋ mɔlga fo ashi luwu to. Abaanaaworasheŋ feeŋ wu.”

Jɛnesis 3:4

Ndoŋ nna nɛ kusɔkpaŋ na kaŋɛ eche na: “Abaa, men maaŋ wu.

1 Bewura 14:12

Kumo be kaman nɛ anebi Ahija kaŋɛ Jeroboam be eche na le: “Bɛta a yɔ epe. Fo baŋ luri kade to, fo pibi na beeŋ wu.

1 Bewura 18:2

Ndoŋ nna nɛ Elaija pɛ ekpa n yɔ nɛ e ya wu ewura Ahab. Kumo be jemanɛ so nɛ akoŋgboŋ tɔr Samɛria be kade to,

2 Bewura 1:16

n ya kaŋɛ mo le: “Yiramu! Enyɛnpetale Ebɔrɛ yɛ, Israɛl ka maŋ kɔ Ebɔrɛ so nɛ fo shuŋi mbɔ Baalzebɔb be kegbir nɛ k wɔ Ekrɔn na to fanɛ b ya bishiso a? Ŋkpal fo ka wora le ere so, fo maa ba nɛ fo nya alenfia kikɛ. Feeŋ wu!”

2 Bewura 1:5

Ama mbɔ na ka bɛta m ba ewura na kutɔ le nɛ e daŋ bishi bumo: “Manɛ nna nɛ men bɛta m ba manaŋ loŋ?”

2 Bewura 1:6

Nɛ b yɛ: “Kanyɛn ko e ba tu anyi nseŋ kaŋɛ anyi fanɛ an bɛta m ba kaŋɛ fo le: ‘Manɛ nna nɛ fo lara mbɔ fanɛ b yɔ Baalzebɔb be kegbir nɛ k wɔ Ekrɔn na to n ya bishi so? Fee fɛ fanɛ Ebɔrɛ kikɛ maŋ wɔ Israɛl be kasawule so nna a? Fo maaŋ naŋ nya alenfia ashi fo doro ere to kikɛ: Feeŋ wu!’ ”

2 Bewura 20:1

Jemanɛ ko nɛ kulɔ pɛ ewura Hɛzekaya nɛ a ka gbrɛ nɛ e wu. Ndoŋ nna nɛ Amɔz pibinyɛn anebi Aizaaya yɔ nɛ e ya bɔ mo so nseŋ kaŋɛ mo le: “Enyɛnpe Ebɔrɛ yɛ fo bela ase n lɔŋɛ fo kusɔ kama n yili nɛnɛ, ŋkpal manɛ so, fo maaŋ naŋ nya alenfia. Bela ase a jo luwu.”

2 Bewura 8:10

Nɛ Elaisha malɛ kaŋɛ le: “Enyɛnpe Ebɔrɛ na lara ŋ ŋini ma fanɛ ewura Bɛnhadad beeŋ wu ama mo alɛ beeŋ nya alenfia pɔɛŋ.”

Aŋasa 11:19

Esa kama nɛ e yili mbe kagbene to fanɛ e beeŋ wora kelela beeŋ ji efute tenteŋ, ama esa kama nɛ e yili mbe kagbene to fanɛ e beeŋ wora alubi bre maaŋ ji efute n chɛr kikɛ.

Aŋasa 14:32

Belubiworapo gbagba be asheŋ lubi e naa mur bumo, ama belelaworapo bre be alela e naa kuŋ bumo.

Ezikɛl 18:4

Dimɛdi kikɛ be ŋkpa bɔɔ ma enɔ nna, bekurgepo nɛ bumo be mbia kikɛ. Amoso, esa nɛ e wora kulubi e naaŋ wu kumo be luwu.

Nɔmbɛs 26:65

ama Jefune pibinyɛn Kalɛb nɛ Nun pibinyɛn Joshuwa nawule. Enyɛnpe Ebɔrɛ yɛ bumo be buushi basa na kikɛ beeŋ wu keshishɛrsawule na so.

1 Samuɛl 28:19

Echefo, Enyɛnpe Ebɔrɛ beeŋ shin nɛ Filisti be basa e pɔɔ Israɛl be benapo so, saŋɛ na so, fo nɛ fo mbia beeŋ wu m ba nfe m ba ti ma so.”