2 Bewura 1:3 - EBƆRƐ BE KAWƆL

³ Ndoŋ nna nɛ Enyɛnpe Ebɔrɛ be malaika kaŋɛ anebi Elaija nɛ e shi Tishbe na fanɛ e ya shɛr Ewura Ahaziya be mbɔ na to nseŋ bishi bumo le: “Manɛ nna nɛ menyee yɔ Ekrɔn nɛ men ya wu kegbir nɛ baa tre Baalzebɔb na? Menyee fɛ nna fanɛ Ebɔrɛ kikɛ maŋ wɔ Israɛl be efuli so nɛ men ya wu mo a?

2 Bewura 1:3 ပူးပေါင်းရင်းမြစ်များ

1 Bewura 11:33

Meeŋ wora loŋ nna, ŋkpal manɛ so Sɔlɔmɔn kini ma nsaa shuŋ Sidɔn be kade be kegbir nɛ baa tre Astat na nɛ Mowab be efuli so be kegbir nɛ baa tre Chemɔsh na nɛ Ammɔn be efuli so be kegbir nɛ baa tre Mɔlɛk na. Sɔlɔmɔn kini kenu n sa ma, nseŋ kini ma mbra be kebɛso nɛ kebaawora asheŋ niŋiso fanɛ kananɛ mo tuto ewura Deevid daa wora na.

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

1 Bewura 18:1

Saŋɛ so nɛ ewule tɔr na be kafɛ sasopo to, nɛ Enyɛnpe Ebɔrɛ kaŋɛ anebi Elaija le: “Ta fo kumu n ya ŋini ewura Ahab pɔɛŋ nɛ n shin nɛ bɔrɛ e ba.”

1 Bewura 18:36

Kaaseso be saŋɛ nɛ baaŋ lara sarga na ka fo, nɛ anebi Elaija yɔ bɔrɛsure na ase n ya kule Ebɔrɛ ŋ kaŋɛ le: “O Enyɛnpe, Eebraham nɛ Aizek nɛ Jeekɔb be Ebɔrɛ, shin nɛ basa ere e pin fanɛ fo e la Israɛl be Ebɔrɛ nɛ ma alɛ la fo kayɛrbi nsaa bɛ fo kɔnɔ so a wora asheŋ ere kikɛ.

1 Bewura 19:5

Kumo be kaman nɛ e dese kedibi na be kifito a di. Epul to nɛ Ebɔrɛ be malaika ba tiŋi mo ŋ kaŋɛ le: “Koso n ji ajibi.”

1 Bewura 19:7

Ndoŋ nna nɛ Enyɛnpe be malaika na naŋ bɛta m ba mo kutɔ kela nyɔsopo m ba tiŋi mo ŋ kaŋɛ le: “Koso n ji, mannɛ aloŋ, fo enite na beeŋ nu fo.”

1 Bewura 21:17

Ndoŋ nna nɛ Enyɛnpe Ebɔrɛ kaŋɛ anebi Elaija nɛ e shi Tishbe be kade to na le:

2 Bewura 1:2

Kachako nɛ Israɛl be efuli so be Ewura Ahaziya shi mbe laŋ be kuchoŋi be esoso ashi Samɛria be kade to n tɔrto nseŋ doro ga. Ŋkpal loŋ so e daŋ shuŋi mbɔ Ekrɔn be kade to nna fanɛ b ya bishi Filistiebi be kegbir nɛ baa tre Baalzebɔb na ŋ keni e beeŋ nya alenfia ŋko e maaŋ nya?

2 Bewura 1:6

Nɛ b yɛ: “Kanyɛn ko e ba tu anyi nseŋ kaŋɛ anyi fanɛ an bɛta m ba kaŋɛ fo le: ‘Manɛ nna nɛ fo lara mbɔ fanɛ b yɔ Baalzebɔb be kegbir nɛ k wɔ Ekrɔn na to n ya bishi so? Fee fɛ fanɛ Ebɔrɛ kikɛ maŋ wɔ Israɛl be kasawule so nna a? Fo maaŋ naŋ nya alenfia ashi fo doro ere to kikɛ: Feeŋ wu!’ ”

2 Bewura 1:8

Nɛ b yɛ: “E daŋ buu piŋi nɛ b ta asɔbɔya be kawɔl n lɔŋɛ nna nseŋ ta kawɔl be kreso ŋ kreto.” Ndoŋ nna nɛ ewura na kaŋɛ le: “Kumo ere Elaija nna na!”

2 Bewura 5:15

Kede be kaman nɛ Neeman nɛ basa nɛ mo nɛ bumo daŋ yɔ ndoŋ na kikɛ bɛta m ba anebi Elaisha kutɔ nɛ Neeman kaŋɛ le: “Naniere nɛ m pin fanɛ Ebɔrɛ kikɛ maŋ naa wɔtɔ ama Israɛl be Ebɔrɛ ere nawule. Amoso jande, sɔ ma kakɛ ere.”

2 Bewura 5:8

Anebi Elaisha ka nu loŋ, nɛ e ta ebɔl n sa ewura na ŋ kaŋɛ le: “Manɛ nna nɛ fo kagbene jija fo loŋ? Shin nɛ kanyɛn na e ba ŋ kutɔ, nɛ ŋ ŋini mo fanɛ anebi wɔ Israɛl be efuli so!”

Nshɛ 76:1

Ekama nyi Ebɔrɛ be asheŋ ashi Juda be efuli so, nɛ mbe ketre malɛ bee nya kemaŋkura Israɛl to.

Aizaaya 8:19

Ama basa beeŋ kaŋɛ menyi fanɛ men yɔ bekpalpo nɛ belejipo nɛ baa gbar a jugeto na kutɔ n ya bishi so n nu abɔya nɛ a wɔtɔ. Baaŋ kaŋɛ le: “Basa bee yili bumo nɛ b wɔ ŋkpa to be katelamu to nna a bishi abɔya ashi ayoyu nɛ bubuni kutɔ.”

Jona 2:8

Basa nɛ baa shuŋ agbir paŋ Ebɔrɛ be kuwɔrwu.

Maak 3:22

Mbraŋinipoana be beko nɛ b daŋ shi Jerusalɛm na daŋ ba kaŋɛ fanɛ: “E kɔ mbuibi lubi be ewura Biyɛlzibel mo to nna. Mo e naa sa mo eleŋ nɛ e kɔ a ju mbuibi lubi na.”

Ashuŋ Shunso 8:26

Nɛ Enyɛnpe be malaika ko kaŋɛ Filip: “Ta a ba kapaso, bela ase ŋ koso n yɔ ekpa nɛ k shi Jerusalɛm a yɔ Gaaza na.” Basa maŋ naa nite ekpa na so ga.

1 Samuɛl 17:46

Kabre be kachɛ ere, Enyɛnpe Ebɔrɛ beeŋ ta fo m bɔɔ ma enɔ nɛ m pɔɔ fo so ŋ ku fo kumu ere, nseŋ ta Filisti be benapo be eyurana n sa mbuibi nɛ kupuŋ to be asɔbɔya nɛ b ji. Saŋɛ na so nɛ durnya kikɛ e pin fanɛ Ebɔrɛ wɔ Israɛlebi kutɔ.