2 Bewura 1:17 - EBƆRƐ BE KAWƆL

¹⁷ Amoso ewura Ahaziya daŋ wu nna, nɛ kusɔ nɛ Enyɛnpe Ebɔrɛ bɔla anebi Elaija so ŋ kaŋɛ na bɔlɔ so. Ahaziya daa maŋ kɔ mbinyɛnsobi amoso e ka wu mo sipo Joram e daŋ sɔ mo so n ji kuwura jemanɛ nɛ Jehoshafat pibinyɛn Jehoram daŋ ji Juda be kuwura be kafɛ nyɔsopo to na.

2 Bewura 1:17 ပူးပေါင်းရင်းမြစ်များ

1 Bewura 17:16

Ŋkpal kɔnɔ nɛ Enyɛnpe Ebɔrɛ daŋ bɔla anebi Elaija so n nase na so, nyifu nɛ a wɔ katishaŋ na to na daa maŋ loge nɛ ŋku nɛ a daa wɔ kɔlba na to na gba daa maŋ loge.

1 Bewura 22:38

Kepa nɛ k wɔ Samɛria nɛ esakale bee bɛr kumo to na nɛ b daŋ ya fɔr ewura Ahab be gbaŋɛturko na be ŋklaŋ na n wɔtɔ. Nɛ njɔnɔ dente mbe ŋklaŋ nɛ a wurge kasawule na n ji nɛ kusɔ nɛ Enyɛnpe Ebɔrɛ kaŋɛ na bɔlɔ so chap.

1 Bewura 22:42

Ewura Jehoshafat daŋ fo nfɛ adesa nɛ anu nna pɔɛŋ nseŋ ki Juda be ewura ama nfɛ adunyɔ nɛ anu nɛ e daŋ chena Jerusalɛm n ji kuwura. Mo nio e daa la Shilhi pibiche Azuba.

1 Bewura 22:51

Ewura Jehoshafat ka ji Juda be kuwura be kafɛ kuduashunusopo to nɛ Ahab malɛ pibinyɛn Ahaziya ki Israɛl be ewura nseŋ ji kuwura Samɛria to nfɛ anyɔ.

2 Bewura 1:18

B sibɛ kusɔ kama nɛ ewura Ahaziya daŋ wora jemanɛ nɛ e daa ji kuwura na be asheŋ kikɛ n wɔtɔ Israɛl be bewura be adrasheŋ be nwɔl to.

2 Bewura 10:17

B ka fo Samɛria na, nɛ Jehu mɔ Ahab mo kurgepoana kikɛ. E daa maŋ shin nɛ bumo be ekoŋwule gba ji efute. Kusɔ nɛ Enyɛnpe Ebɔrɛ bɔla anebi Elaija so ŋ kaŋɛ na daŋ bɔlɔ so nna kashenteŋto.

2 Bewura 3:1

Juda be efuli so be ewura Jehoshafat ka ji kuwura be kafɛ kuduaburwasopo be jemanɛ nɛ Ahab malɛ pibinyɛn Joram ki Israɛl be ewura nseŋ ji kuwura Samɛria be kade to nfɛ kuduanyɔ.

2 Bewura 9:36

B ka ya bɔ Jehu kesheŋ ere be baru nɛ e kaŋɛ le: “Kananɛ Enyɛnpe Ebɔrɛ bɔla mbe kayɛrbi Elaija so ŋ kaŋɛ fanɛ njɔnɔ e naŋ ji Jɛzebel be eyur ashi Jizreel be kasawule so na gbagba e wora na.

2 Kronikɛls 17:1

Ewura Asa pibinyɛn Jehoshafat e daŋ sɔ mo tuto so n ji kuwura nseŋ bela mbe kumu ase nɛnɛ nɛ e kɔ Israɛl kena.

Ditɛronɔmi 34:5

Ndoŋ nna nɛ Enyɛnpe Ebɔrɛ na be kayɛrbi, Mosis, wu ashi Mowab be kasawule so ndoŋ fanɛ kananɛ Enyɛnpe Ebɔrɛ kaŋɛ na.