2 Bewura 1:15 - EBƆRƐ BE KAWƆL

¹⁵ Ndoŋ nna nɛ Enyɛnpe Ebɔrɛ be malaika ba kaŋɛ Elaija le: “Sa maa lɔ kufu, tu mo a yɔ.” Nɛ Elaija koso ŋ gbelge n tu benapo be enimu na n yɔ ewura na kutɔ

2 Bewura 1:15 ပူးပေါင်းရင်းမြစ်များ

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

1 Bewura 18:15

Ndoŋ nna nɛ anebi Elaija kaŋɛ le: “Enyɛnpetale Ebɔrɛ nɛ mee shuŋ ere be ketre to, meeŋ yɔ n ya wu ewura Ahab kabre.”

2 Bewura 1:14

Edɛ daŋ shi esoso nna m ba chɔɔ benapo be benimu anyɔ nɛ bumo be basa nɛ b juŋkpar m ba mɔ, ama jande, wu ma ere kuwɔr!”

2 Bewura 1:3

Ndoŋ nna nɛ Enyɛnpe Ebɔrɛ be malaika kaŋɛ anebi Elaija nɛ e shi Tishbe na fanɛ e ya shɛr Ewura Ahaziya be mbɔ na to nseŋ bishi bumo le: “Manɛ nna nɛ menyee yɔ Ekrɔn nɛ men ya wu kegbir nɛ baa tre Baalzebɔb na? Menyee fɛ nna fanɛ Ebɔrɛ kikɛ maŋ wɔ Israɛl be efuli so nɛ men ya wu mo a?

Nshɛ 27:1

Enyɛnpe Ebɔrɛ na e la ma kefulto, mo alɛ e naa mɔlga ma; amoso maaŋ ŋana esa kikɛ. Enyɛnpe Ebɔrɛ na du fanɛ ekuŋkpagboŋ nna a kuŋ ma; amoso maa lɔ kufu.

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Jɛremaya 1:17

Jɛremaya, wora shiriya n ya kaŋɛ basa na kusɔ kama nɛ ŋ kaŋɛ fo kenishipereso na. Sa maa ŋana bumo, nɛ mannɛ aloŋ meeŋ shin nɛ kufu nɛ k chɔ loŋ a pɛ fo jemanɛ nɛ feeŋ baa wɔ bumo to na.

Jɛremaya 15:20

Meeŋ shin nɛ fo ki fanɛ epal be egbal lempo basa kutɔ. Baaŋ kɔ fo ama b maaŋ tiŋ m pɔɔ fo so. Meeŋ baa wɔ fo kutɔ a kuŋ fo nɛ shɛŋ shɛŋ maaŋ wora fo.

Ezikɛl 2:6

Ama fo ere, dimɛdi pibi, sa maa ŋana bumo ŋko bumo be mmalga. Sa maa lɔ kufu ŋkpal b ka beeŋ kplaŋ fo so nseŋ wora fo yɛryɛrbi so. K beeŋ baa du fanɛ fo ka wɔ ewi to ŋko nna to nna. Ama sa maa ŋana basa nɛ b kini ma nseŋ pal kaman n sa ma na ŋko n shin nɛ b baa ta kufu a da fo.

Matiu 10:28

Men sa maa ŋana basa nɛ baa kaa tiŋ a mɔ men be eyur ere ŋkaa maaŋ naŋ tiŋ m mɔ men be ayoyu na. Esa nɛ e daga kaŋana e la emo nɛ e beeŋ tiŋ n jija esa be eyur nɛ mbe kiyoyu kikɛ ashi Setani be edɛ to.

Hibruwebi 11:27

Yirda so nɛ e daŋ lar Ijipt to nseŋ daa maŋ ŋana ewura na be agbo na. E daa kɔ mbe yirda na to nna kpakpa fanɛ e ka wu esa nɛ b maa wu kenishiso na.