2 Bewura 1:10 - EBƆRƐ BE KAWƆL

¹⁰ Nɛ Elaija malɛ kaŋɛ le: “Nɛ n la Ebɔrɛ be esa kashenteŋ nna, kumo ere Ebɔrɛ e shin nɛ edɛ e shi esoso m ba chɔɔ fo nɛ fo basa ere kikɛ m mɔ!” Epul to nɛ edɛ shi esoso m ba chɔɔ benapo be enimu na nɛ mbe benapo na kikɛ m mɔ.

2 Bewura 1:10 ပူးပေါင်းရင်းမြစ်များ

1 Bewura 22:28

Nɛ anebi Mikaya kaŋɛ le: “Fo baŋ bɛta m ba nɛ alenfia bre, kumo ere mannɛ Enyɛnpe Ebɔrɛ na e malga n sa ma!” Nseŋ kilgi ŋ kaŋɛ jimaŋ na le: “Men sa maŋ kaŋ teŋ kusɔ nɛ ŋ kaŋɛ ere so.”

2 Bewura 1:11

Kumo be kaman nɛ ewura na naŋ shuŋi benapo be enimu pɔtɛ ko nɛ mbe benapo adunu nɛ bumo alɛ naŋ yɔ Elaija kutɔ n ya kaŋɛ mo le: “Ebɔrɛ be esa, ewura yɛ fo gbelge m ba naniere, e bee sha kewu fo.”

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Job be kawɔl 1:16

Kabɔ na kraa malga nna nɛ enyɔsopo shile m ba kaŋɛ le: “Bɔrɛ nyɛkpɛ nna m ponte mbolpɔ na nɛ mbolpɔkpapoana na m mɔ. N nawule e nya n shile m ba nɛ m ba kaŋɛ fo kusɔ nɛ k wora.”

Nshɛ 105:15

E yɛ: “Men sa maŋ kaa tɔrɔ bejuŋkparpo nɛ n lara na, ŋko ma anebiana!”

Nshɛ 106:18

Kumo be kaman nɛ edɛ suse n chɔɔ kumukpakpasowuraana nɛ b daa bɛ bumo so na kikɛ m mur.

Danɛl 3:22

Ŋkpal ewura na ka kaŋɛ kenishipereso fanɛ b lɔŋɛ n foŋ edɛ na to nɛ a baa tushi alegaiso na so, edɛ na be kuwuloŋ daŋ beeŋ benapo nɛ b ta mbrantiɛbia na n ya lɛ amo to na nna m mɔ.

Danɛl 3:25

Nɛ ewura naŋ kaŋɛ le: “Nɛ manɛ nna nɛ mee wu benyɛn ana ka na edɛ na to nɛ shɛŋ shɛŋ maŋ naŋ kre bumo be eyur, nɛ bumo be eyur malɛ maŋ chɔɔ, nɛ esa nasopo na du fanɛ Ebɔrɛ be malaika?”

Danɛl 6:24

Kumo be kaman nɛ ewura na ponte ŋ kaŋɛ fanɛ b ya pɛ basa nɛ b debɔr Danɛl na kikɛ, nseŋ ta bumo nɛ bumo b beche nɛ mbia kikɛ n lɛ ebuluŋ be kemaŋ na to. Ama pɔɛŋ nɛ b fo kemaŋ na be kaseto na, nɛ ebuluŋ na tiŋ ŋ kpɛa bumo kikɛ to n we.

Levitikɔs 10:2

Epul to nɛ Enyɛnpe Ebɔrɛ na shin nɛ edɛ ba buu bumo so n chɔɔ bumo m mɔ.

Nɔmbɛs 11:1

Israɛlebi na fara nna a fubel a bile asheŋ ŋkpal awurfoŋ nɛ b daa ji so. Enyɛnpe Ebɔrɛ ka nu bumo be nfubel na nɛ e nya agbo nseŋ shin nɛ edɛ ba bumo to m ba chɔɔ bumo be keeyi na to be ekarso.

Nɔmbɛs 16:35

Kede be kaman nɛ Enyɛnpe Ebɔrɛ na shin nɛ edɛ wuloŋ wuloŋ ko ba chɔɔ benyɛn alfa anyɔ nɛ adunu nɛ b ta eduwu n ya ka lara sarga na m mɔ.

Matiu 21:41

Nɛ b yɛ: “E beeŋ shin nɛ basa lubi na e wu luwu lubi nseŋ naŋ ta kudɔ na m ber basa pɔtɛ paa, bumo nɛ baaŋ chuge asɔrso na amo be jemanɛ na nsaa ta kudɔ na wura peya a sa mo.”

Luuk 9:54

Mbe bebɛsopo Jeems nɛ Jɔn ka wu loŋ nɛ b bishi mo: “Enyɛnpe, fee sha fanɛ an kaŋɛ fanɛ edɛ e shi ebɔrɛso m ba mur bumo a?”

Ashuŋ Shunso 12:19

Nɛ Hɛrɔd sa kɔnɔ fanɛ basa e fin mo, nɛ b fin mo ŋ gben. Nɛ e shin nɛ b bishi bekumpo na mbe asheŋ nɛnɛ nseŋ shin nɛ b mɔ bumo. Kumo be kaman nɛ Hɛrɔd shi Jerusalɛm n yɔ Sizariya n ya wora nchɛnnyɔ ndoŋ.

Hibruwebi 12:29

Ŋkpal manɛ so, anyi be Ebɔrɛ na du fanɛ edɛ chɔɔso nna a mur basa.

Kelaraŋŋini 11:5

Nɛ ekama baa sha ketɔrɔ bumo, edɛ beeŋ shi bumo be nnɔ to m ba mur bumo doŋana. Kananɛ esa kama nɛ e beeŋ baa sha ketɔrɔ bumo beeŋ wu nna na.