2 Tɛsalɔnikaebi 3:6 - EBƆRƐ BE KAWƆL

⁶ Bekurgepoana, naniere anyee fiɛ menyi so Enyɛnpe Yesu Kristo be ketre to fanɛ men baa gelge ekurgepo kikɛ nɛ e wɔ ntɔl be kebaawɔtɔ to a maa bɛ keŋini nɛ an sa menyi na so.

2 Tɛsalɔnikaebi 3:6 ပူးပေါင်းရင်းမြစ်များ

Matiu 18:17

Nɛ e baŋ kini kenu n sa bumo, kaŋɛ asɔriebi na kikɛ. Nɛ e baŋ kini kenu n sa bumo alɛ gba, kumo ere, fo shin nɛ e ki fanɛ kanyamase ŋko lamposɔpo fo kutɔ.

Romebi 16:17

Ŋ kurgepoana, mee fiɛ menyi so nna fanɛ men baa de basa nɛ baa shin nɛ kebarga to bee ba basa to nseŋ naa lar keŋini nɛ men daŋ nya na be kaman a wɔtɔ a bar asheŋ ko m ba kaa kagle basa yirda be ekpa na so. Amoso, men baa gelge bumo.

1 Kɔrintebi 11:2

Saŋkikɛ mee chɔrɔ menyi nna ŋkpal men ka bee nyiŋi ma kusɔ kama to nɛ kananɛ men baa kɔ keŋini mo nɛ n ta n sa menyi na to so.

1 Kɔrintebi 5:4

Men kaŋ ba shɛr an Nyɛnpe Yesu Kristo be ketre to nɛ ma alɛ wɔ menyi to ashi kiyoyu na to nɛ Yesu Kristo be eleŋ wɔ menyi to na,

1 Kɔrintebi 5:9

Kawɔl mo nɛ n daŋ juŋkpar n sibɛ menyi na to, ŋ kaŋɛ menyi fanɛ menyi nɛ basa kama nɛ b kɔ kesakalea be kebaawɔtɔ e sa maa to jina kikɛ.

2 Kɔrintebi 2:10

Nɛ esa baŋ wora kulubi nɛ men ta m paŋ mo, ma alɛ gba ta m paŋ amodoŋwura na. Nɛ kusɔ nɛ ma alɛ baŋ ta m paŋ, nɛ ketampaŋ be kesheŋ ko malɛ baa wɔtɔ nna na, n ta nna m paŋ ashi Kristo be anishito ŋkpal menyi so.

Ɛfesesebi 4:17

Amoso, ma kamalga mo nɛ ŋ kɔ a sa menyi nsaa fiɛ menyi so ashi Enyɛnpe na be ketre to e la fanɛ men sa maŋ naa wɔtɔ fanɛ basa nɛ b maŋ nyi Ebɔrɛ nɛ b kɔ nfɛra fuloŋ a wɔtɔ na.

Kɔlɔsiebi 3:17

Kusɔ kama nɛ k shi men be nnɔ to ŋko nɛ menyee wora, men shin nɛ amo kikɛ e daga esa nɛ e yil Yesu Kristo be katelamu to be kushuŋ nɛ men baa chɔrɔ Ebɔrɛ Etuto na ŋkpal Yesu Kristo so.

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.

1 Tɛsalɔnikaebi 4:11

Ekama e pere kenishi a fin kananɛ e beeŋ baa du boeŋ a maa luri basa be asheŋ to nsaa keni mbe kumu so fanɛ kananɛ an daŋ kaŋɛ menyi na.

1 Tɛsalɔnikaebi 5:14

Anyee kule menyi bekurgepoana, men fiɛ betɔlpoana na so nseŋ leŋ befupo to n chɛ bepɔshipo malɛ gba to a ji bumo kikɛ kanyiti.

2 Tɛsalɔnikaebi 2:15

Amoso, bekurgepoana, men baa kɔ men be amu to kpakpa a kɔ kashenteŋ nɛ an ta abɔrɛsheŋ be kemalga nɛ kawɔl be kesibɛ ŋ ŋini menyi na to kpakpa.

2 Tɛsalɔnikaebi 3:7

Menyi gbagba e baa nyi a ka daga men ka bee kute anyi to. An ka daa wɔ menyi kutɔ, an daa maŋ kɔ ntɔl.

1 Timoti 5:21

Ebɔrɛ nɛ Kristo Yesu nɛ emalaika nɛ b lara n yili na be anishito nɛ n yil a kaŋɛ fanɛ fo nu n sa le be keŋiniana ere nsaa maŋ kpal fo ka nyi esa ko be kebaawɔtɔ so a ji mo ŋkpɛatoso be demu.

1 Timoti 6:5

nɛ basa be kebaaji abar emɔrɔ fanɛ bumo nɛ b maŋ kɔ nfɛra a maŋ naa nyi kashenteŋ be ekpa na ŋkpal b ka bee tama fanɛ abɔrɛsheŋ to nɛ baaŋ bɔla n nya amansherbi so.

2 Timoti 3:5

Baaŋ ba kaa kɔ abɔrɛsheŋ na ketreso nsaa kini amo be eleŋ. Baa gelge loŋ be basa!

2 Timoti 4:1

Ebɔrɛ nɛ Kristo Yesu nɛ e beeŋ ji bumo nɛ baaŋ baa wɔ ŋkpa to nɛ bumo nɛ b wu na demu be anishito nɛ n yil nsaa kpal mbe kenamba na nɛ mbe kuwura na so a kaŋɛ fo fanɛ

2 Jɔn 1:10

Esa kama nɛ e ba men kutɔ nsaa maŋ bar le be keŋini ere, men sa maŋ chɔrɔ mo ŋko n sɔ mo n wɔtɔ men peana,