2 Tɛsalɔnikaebi 3:5 - EBƆRƐ BE KAWƆL

⁵ Enyɛnpe na e ŋini menyi be ŋgbene Ebɔrɛ be kasha nɛ Kristo be kanyiti na.

2 Tɛsalɔnikaebi 3:5 ပူးပေါင်းရင်းမြစ်များ

1 Bewura 8:58

E chɛ anyi to n shin nɛ an baa nu a sa mo nsaa bɛ mbe mbra nɛ keŋini nɛ e ta n sa an nananyɛnana na so.

1 Kronikɛls 29:18

Enyɛnpe Ebɔrɛ nɛ fo la an nananyɛn Eebraham nɛ Aizek nɛ Jeekɔb be Ebɔrɛ na, shin nɛ fo basa e baa kɔ kakɛ be ŋgbene nsaa ji kashenteŋ a sa fo loŋ mbaanaayɔ.

Nshɛ 119:36

Shin nɛ ma kagbene e kilgi a sha kebaawora fo mbraana kasonu a chɔ kebaasha kedamaya.

Nshɛ 119:5

Ekpa kikɛ so, n daa sha ketiŋ m bɛ fo mbraana so kashenteŋto nna!

Nshɛ 40:1

N ta kanyiti nna n jo Enyɛnpe Ebɔrɛ na fanɛ e chɛ ma to, nɛ e nu ma kekule nseŋ chɛ ma to.

Aŋasa 3:6

Baa nyiŋi Enyɛnpe Ebɔrɛ na ashi kusɔ kama nɛ fee wora to, nɛ e baa lɔŋɛ ekpa nɛ fee bɔla so kananɛ k daga a sa fo.

Jɛremaya 10:23

Enyɛnpe Ebɔrɛ, n nyi fanɛ anyi edimɛdi maŋ kɔ anyi be ŋkpa so be eleŋ.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Nfabel 3:26

Amoso, a daga fanɛ anyi e baa wora kanyiti a jo Enyɛnpe Ebɔrɛ na nɛ e mɔlga anyi.

Romebi 5:5

Ebɔrɛ bɔla Kiyoyu Cheeŋ nɛ e la Ebɔrɛ be kakɛ nɛ e kɔ a sa anyi na so nna n ta mbe kasha m bɔlɔ anyi be ŋgbene to.

Romebi 8:25

Ama nɛ an baa tama kusɔ nɛ anyi maŋ naŋ wu bre, kumo ere, kanyiti nɛ an kɔ a jo kumo.

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

1 Kɔrintebi 8:3

Ama ekama nɛ e bee sha Ebɔrɛ, kumo ere Ebɔrɛ nyi amodoŋwura.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Ditɛronɔmi 30:6

Ade be kaman, Enyɛnpe menyi be Ebɔrɛ na beeŋ sa menyi nɛ men be kaman to ebi ŋgbene nɛ a kɔ kasonu; saŋɛ na so, menyeeŋ tiŋ n sha mo nɛ menyi be ŋgbene kikɛ nseŋ naŋ chena kasawule na so.

1 Tɛsalɔnikaebi 1:10

nɛ e shin nɛ e tiŋi luwu to na fanɛ e shi ebɔrɛso m ba. Mo koŋwule Yesu na e naa mɔlga anyi ashi Ebɔrɛ be agbo nɛ k bee ba na to.

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

1 Tɛsalɔnikaebi 3:11

Kusɔ nɛ anyee kule e la fanɛ anyi be Ebɔrɛ Etuto na gbagba nɛ an Nyɛnpe Yesu e bugi ekpa n sa anyi nɛ an nya m ba bɔɔ menyi so.

2 Timoti 4:8

Naniere bre ma kejinlar be kakɛ e ka a jo ma nɛ n sɔ. Kumo be kamɔnchɛ Enyɛnpe nɛ e maa ji demu a puni na beeŋ ta kumo ŋ kɛ ma. Mannɛ n nawule, ama e beeŋ ta kumo ŋ kɛ bekama nɛ b kɔ kasha a jo mbe kelar m ba na gba n ti so.

Taites 2:13

An baa wɔ amo to nsaa jo kachɛ nɛ b nɛfa nɛ anyi be tama wɔ kumo so na. Kumo be kamɔnchɛ nɛ an be Ebɔrɛ Gboŋ, Emɔlgapo Yesu Kristo na be kemaŋkura beeŋ lar efuli.

Hibruwebi 9:28

To, loŋ koŋwule na nɛ b daŋ ta Kristo gba n lara sarga kela koŋwule pati nɛ e kpra basa damta be alubi ashi bumo so. Mo alɛ beeŋ naŋ bɛta kela nyɔsopo n lar m ba, ama kede bre, mannɛ alubi be kekpara so nɛ e bee ba, e kɔ kumɔlga nna a ba nɛ e ba sa bumo nɛ baa jo mo na kikɛ.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

1 Pita 4:1

To, ŋkpal Kristo ka ji tɔrɔ mbe eyur to so, menyi alɛ gba e leŋ menyi be amu to a kɔ loŋ be kagbene, ŋkpal manɛ so, ekama nɛ e ji tɔrɔ mbe eyur to lar alubi to nna na.

2 Pita 3:12

a keni Ebɔrɛ be kachɛ na ekpa n shin nɛ k ba manaŋ. Kumo be kachɛ na, esosoana beeŋ chɔɔ edɛ m mur nɛ kuwuloŋ na e ŋalga esoso be asɔana na.

1 Jɔn 4:19

Ebɔrɛ e daŋ kesha anyi so shin nɛ anyi alɛ kɔ kasha na.

Kelaraŋŋini 1:9

Kachako b shin nɛ ma Jɔn, men kurgepo nɛ an kikɛ bee ji awurfoŋ nsaa la kuwura na to be basa a kɔ kanyiti a yil to ŋkpal Yesu so na ya kaa wɔ kepla nɛ baa tre Patmɔs na so ŋkpal ŋ ka daŋ malga Ebɔrɛ be kamalga na nseŋ daŋ ji Yesu be shɛda so.

Kelaraŋŋini 13:10

Ekama nɛ k dese fanɛ e yɔ kenyaya to, e beeŋ yɔ kenyaya to. Ekama nɛ k dese fanɛ tokobi nɛ baaŋ ta m mɔ mo, tokobi nɛ baaŋ ta m mɔ mo. Kede e naa ŋini fanɛ a daga fanɛ Ebɔrɛ be basa e baa kɔ kanyiti nɛ yirda.