2 Tɛsalɔnikaebi 3:2 - EBƆRƐ BE KAWƆL

² Men baa kule Ebɔrɛ a sa anyi nɛ e baa pete anyi basa lubi be yiri kikɛ to. Ŋkpal manɛ so, mannɛ basa kikɛ e kɔ yirda.

2 Tɛsalɔnikaebi 3:2 ပူးပေါင်းရင်းမြစ်များ

Matiu 17:17

Nɛ Yesu bishi bebɛsopo na: “O menyi mbreebi, nuso be basa lubi e la menyi nɛ men maŋ kɔ yirda ere bre? Nuso be kechɛr nɛ menyee sha fanɛ n chɛr menyi kutɔ? Nɛ nuso be kanyiti nɛ menyee sha fanɛ n naŋ ta ŋ keta menyi? Men bar kebia na ma kutɔ nfe.”

Matiu 23:23

Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Menyee kaa lara men be eposɔ fanɛ albasa nɛ egabu nɛ ashiibi gba so be kudukudusopo a sa Ebɔrɛ, ama men kini kewora mbra na to be asɔ nɛ a juŋkpar na, amo e la kebaaji asheŋ nɛ amo be ekpa so nɛ kebaawu kuwɔr nɛ kebaayɛ asheŋ a wora amo na. Le be asɔ ere e daga fanɛ men baa wora nsaa maa gal amo nɛ a ka na gba a lɛ.

Luuk 18:8

Ma e kaŋɛ menyi na fanɛ e beeŋ keni bumo be asheŋ na to amo be ekpa so manaŋ n sa bumo. Ama nɛ fanɛ ma, Nyiŋgbasa Pibinyɛn na kaŋ ba durnya to, meeŋ nya basa nɛ b kɔ yirda na a?”

Ashuŋ Shunso 13:45

Juwebi na ka wu jimaŋ na nɛ yurkishi luri m bɔlɔ bumo to nɛ b malga ŋ gbiti kusɔ nɛ Pɔɔl daa malga na nseŋ tege mo.

Ashuŋ Shunso 13:50

Nɛ Juwebi na we n wɔtɔ kadegboŋ na to be benimu nɛ bebunyampocheana nɛ baa bunyaŋ Ebɔrɛ na nɛ b fara a tɔrɔ Pɔɔl nɛ Baanabas n ju bumo bumo be kasawule so.

Ashuŋ Shunso 14:2

Nɛ Juwebi nɛ b kini Yesu na we n wɔtɔ nnyamase na nɛ b fara a kishi bekurgepoana na.

Ashuŋ Shunso 17:5

Ama kayurbesa daŋ pɛ Juwebi na ga nɛ b chala basa fuloŋ tɔlpo ko ashi kubɔrbi so nseŋ nya jimaŋ ko n ta kade na kikɛ to n wɔtɔ awɔrgboŋ ko to nseŋ ya mel Jeesɔn pe a fin kepɛ Pɔɔl nɛ Sailas m ba sa basa na.

Ashuŋ Shunso 25:27

Ŋkpal manɛ so, a maŋ daga fo ka shin nɛ kabutipo yɔ loŋ, a maŋ sibɛ shɛŋ a ŋini ekama kulubi nɛ e wora.”

Ashuŋ Shunso 28:24

Beko daŋ yirda mbe kamalga na nɛ beko malɛ kini keyirda kumo.

Romebi 10:16

Ama mannɛ Israɛlebi kikɛ e sɔ baru lela na, ŋkpal manɛ so, le nɛ anebi Aizaaya daŋ bishi Enyɛnpe na: “Enyɛnpe, wanɛ e yirda anyi be kubɔya na?”

Romebi 15:31

Men baa kule Ebɔrɛ fanɛ Judiya be efuli so be basa nɛ b maŋ kɔ yirda na maaŋ ya wora ma shɛŋ nseŋ naŋ kule mo fanɛ kushuŋ nɛ mee yɔ nɛ n ya shuŋ Jerusalɛm ere beeŋ par Ebɔrɛ be basa ndoŋ.

1 Kɔrintebi 15:32

Saŋɛ nɛ n daa wɔ Ɛfeses na basa daa sa a sa ma tɔrɔ nna fanɛ ma nɛ asɔbɔya lubi ka daa kɔ na. To, nɛ fanɛ bubuni maa tiŋi luwu to nna, manɛ be tɔnɔ nɛ n nya? Nɛ bubuni baa maa tiŋi ashi luwu to, kumo ere kusɔ nɛ abɔrɛsibɛ na bee kaŋɛ na bɔla nna na fanɛ: “Men shin nɛ an baa ji nsaa nuu anyi be kepar, ŋkpal manɛ so, anyi maŋ nyi ŋko echefo anyeeŋ wu.”

Ditɛronɔmi 32:20

Kumo be kaman nɛ e kaŋɛ le: ‘M maaŋ naŋ chɛ bumo to kikɛ, nseŋ keni kusɔ nɛ k beeŋ wora ŋgbene kpakpasowuraana nɛ b maa ji kashenteŋ ere.

1 Tɛsalɔnikaebi 2:18

An daa naa sha kenaŋ bɛta n yɔ menyi kutɔ nna, ama Setani maŋ yige anyi kikɛ. Ma Pɔɔl gbagba fin ekpa kanaŋkama ŋ gben.

2 Timoti 4:17

Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.