2 Tɛsalɔnikaebi 3:15 - EBƆRƐ BE KAWƆL

¹⁵ Men sa maŋ ta mo ŋ ki men doŋ, ama men fiɛ mo so fanɛ ekurgepo.

2 Tɛsalɔnikaebi 3:15 ပူးပေါင်းရင်းမြစ်များ

Nshɛ 141:5

Shin nɛ fo basa niŋiso e baa ŋini ma ekpa; ŋ kaŋ wora n foe nɛ b gberge ma kusoe. M maaŋ shin nɛ basa lubi e maŋkura ma kikɛ, ŋkpal manɛ so, mee kule Ebɔrɛ nna a gbiti bumo.

Aŋasa 25:12

Kenu enyiashempo be kasotoji du fanɛ shuwa be akonde, ŋko abitasɔ nna.

Aŋasa 9:9

Kusɔ kama nɛ fo kaŋɛ enyiashempo, bee sa mo kanyiasheŋ nna a ti so. Kusɔ kama malɛ nɛ fo kaŋɛ basa nɛ baa wora asheŋ niŋiso, bee sa bumo kenyi nna a ti so.

Matiu 18:15

Nɛ fo kurgepo baŋ wora kulubi n da fo so, yɔ mo kutɔ n ya kaŋɛ mo mbe kulubi na fo nɛ mo nawule. Nɛ e baŋ nu n sa fo, kumo ere fo naŋ nya fo kurgepo m mata fo kumu nna na.

1 Kɔrintebi 4:14

M maa sibɛ asɔ ere nna a sa menyi nɛ n ta anishinyɔr m pɛ menyi, ama mee sibɛ amo nna nɛ n niŋi menyi ekpa ŋkpal men ka la ma mbia shaso so.

1 Kɔrintebi 5:5

men ta loŋ be esa na m bɔɔ Setani enɔ, saŋɛ na so, mbe eyur beeŋ jija nɛ mbe kiyoyu bre e nya kumɔlga kachɛ nɛ Enyɛnpe beeŋ ba na.

2 Kɔrintebi 10:8

Hale nɛ m puchi eleŋ nɛ Enyɛnpe sa anyi fanɛ an ta a chɛ menyi to nɛ men baa yɔ anishito, mannɛ fanɛ an ta n jija menyi na so n ti so gba, k maaŋ pɛ ma anishinyɔr kikɛ.

2 Kɔrintebi 13:10

Amoso nɛ m maŋ wɔ menyi kutɔ nsaa sibɛ menyi na, saŋɛ na so, ŋ kaŋ ba, m maaŋ ta ma eleŋ nɛ Enyɛnpe ta n sa ma fanɛ n ta a chɛ menyi to nɛ men baa yɔ anishito na, mannɛ fanɛ n ta kumo n jija menyi a ŋmenyaŋ menyi na.

Galeeshaebi 6:1

Ŋ kurgepoana, nɛ men be ekama baŋ tɔr kulubi to, menyi nɛ Kiyoyu Cheeŋ na bee juŋkpar na e bar men be amu kaseto n chɛ mo to nɛ e lar alubi na to. Ama nɛ menyee wora loŋ, men baa de men be amu so nɛ menyi alɛ gbagba e sa maŋ luri kechɔŋkeni to n tɔr.

1 Tɛsalɔnikaebi 5:14

Anyee kule menyi bekurgepoana, men fiɛ betɔlpoana na so nseŋ leŋ befupo to n chɛ bepɔshipo malɛ gba to a ji bumo kikɛ kanyiti.

2 Tɛsalɔnikaebi 3:13

Bekurgepoana, men sa maŋ shin nɛ kelela be kewora e baa gben menyi.

2 Tɛsalɔnikaebi 3:6

Bekurgepoana, naniere anyee fiɛ menyi so Enyɛnpe Yesu Kristo be ketre to fanɛ men baa gelge ekurgepo kikɛ nɛ e wɔ ntɔl be kebaawɔtɔ to a maa bɛ keŋini nɛ an sa menyi na so.

Taites 3:10

Esa kama nɛ e bee ta basa be amu a ŋmɛa abar a shin nɛ baa barga abar, fiɛ amodoŋwura so ale anyɔ, nɛ e kraŋ kini a wora loŋ, fo shin nɛ fo nɛ mo e sa maŋ naa kɔ shɛŋ.