2 Tɛsalɔnikaebi 3:1 - EBƆRƐ BE KAWƆL

¹ Ade kikɛ be buushi, bekurgepoana, men baa kule Ebɔrɛ a sa anyi nɛ Enyɛnpe be kubɔya na e nya manaŋ n sɔ kakpa kikɛ n nya kemaŋkura fanɛ kananɛ k daŋ wora menyi kutɔ na.

2 Tɛsalɔnikaebi 3:1 ပူးပေါင်းရင်းမြစ်များ

Nshɛ 138:2

Meeŋ bunyaŋ fo ashi fo bɔrɛlambu cheembi to, nseŋ kpaŋ fo ketre ŋkpal fo kasha nɛ k maa chɛrga na nɛ fo kashenteŋji so, ŋkpal manɛ so, fo maŋ fo ketre nɛ fo atande so a chɔ asɔ kikɛ.

Matiu 9:38

Amoso, men kule Kasɔteŋiwura na nɛ e shuŋi beshumpo ko n ti so nɛ b chala mbe asɔ na.”

Luuk 10:2

Le nɛ e daŋ kaŋɛ bumo: “Kasɔteŋi na shi ga, ama beteŋipo nɛ baaŋ chala loŋ be asɔ na maŋ shi. Amoso, men kule Kasɔteŋiwura na nɛ e shuŋi beshumpo ko n ti so nɛ b chala mbe asɔ na.

Ashuŋ Shunso 12:24

Jemanɛ na so malɛ kikɛ nɛ Ebɔrɛ be kamalga na bee yɔ anishito nɛ bebɛsopoana na bee wora keshi a ti so.

Ashuŋ Shunso 19:20

Ŋkpal le be asheŋgboŋ ere so Enyɛnpe be kubɔya na daŋ sɔ kakpa kikɛ nna nɛ basa damta bee yirda a ti so.

Ashuŋ Shunso 6:7

Ebɔrɛ be kubɔya daŋ baa sɔ kakpa kikɛ nna nɛ Jerusalɛm be bebɛsopoana baa wora keshi a ti so nɛ bɔrɛmatapoana na be bedamta ba yirda.

Romebi 15:30

Amoso, ŋ kurgepoana, mee kpal Enyɛnpe Yesu Kristo so nɛ kasha nɛ Kiyoyu na bee sa na so a kule menyi fanɛ men tu ma a kule Ebɔrɛ kpakpa a sa ma.

1 Kɔrintebi 16:9

ŋkpal manɛ so, kushuŋ lela gboŋgboŋi be ekpa bugi nna n sa ma nɛ n shuŋ, ama basa nɛ b maa sa ma kashuli malɛ shi.

2 Kɔrintebi 1:11

nɛ menyi alɛ e baa ta men be kabɔrɛkule a kule a chɛ anyi to. Ebɔrɛ malɛ beeŋ nu men be kabɔrɛkule damta nɛ menyee kule a sa anyi na n nɛfa anyi nɛ k shin nɛ basa damta e bugi bumo be nnɔ n di Ebɔrɛ na epaŋ ŋkpal anyi so.

2 Kɔrintebi 13:11

To, bekurgepoana, Ebɔrɛ e chɛ menyi to. Men baa kɔ a fin kebaawɔtɔ niŋiso. Men baa du fanɛ kananɛ ŋ kule menyi na nsaa kɔ kɔnɔkoŋwule a wɔtɔ nseŋ naa wɔ kagbenewushi to, nɛ kasha nɛ kagbenewushi be Ebɔrɛ na e baa wɔ menyi to.

Kɔlɔsiebi 4:3

Kubɔya na so nɛ n wɔ kabuti to na.

1 Tɛsalɔnikaebi 1:5

ŋkpal manɛ so, baru lela nɛ an bar menyi na maŋ la kafule be mmalga nna, ama amo nɛ eleŋ nɛ Kiyoyu Cheeŋ na nɛ kashenteŋ nɛ k maŋ kɔ yalayala kikɛ nna. Saŋɛ nɛ an daa wɔ menyi kutɔ na, men nyi kananɛ an be kebaawɔtɔ daa du. Menyi so nɛ an daa du loŋ na.

1 Tɛsalɔnikaebi 1:8

Mannɛ Masɛdonia nɛ Akaya nawule nɛ Enyɛnpe be kubɔya na shi men kutɔ n yɔ, ama kananɛ men yirda Ebɔrɛ na be baru sɔ kaplɛkama, amoso, anyi ere maŋ naa kɔ shɛŋ a kaŋɛ.

1 Tɛsalɔnikaebi 2:1

Bekurgepoana, men gbagba nyi fanɛ anyi be kebɔɔso nɛ an bɔɔ menyi so na maŋ la kebɔɔso fuloŋ.

1 Tɛsalɔnikaebi 2:13

Saŋkama anyee chɔrɔ Ebɔrɛ ga ŋkpal kananɛ men sɔ Ebɔrɛ be kubɔya nɛ an daŋ bar menyi na so. Men sɔ kubɔya na fanɛ Ebɔrɛ peya. Kashenteŋ malɛ nna fanɛ Ebɔrɛ be kubɔya nna, kumo alɛ e wɔ menyi beyirdapo to a shuŋ na.

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.

1 Tɛsalɔnikaebi 5:17

a kule Ebɔrɛ saŋkama.

1 Tɛsalɔnikaebi 5:25

Bekurgepoana, men baa kule Ebɔrɛ a sa anyi alɛ gba.

2 Timoti 2:9

Baru lela na malɛ so nɛ mee ji awurfoŋ ere hale a wɔ ŋgbuliŋ to fanɛ esa nɛ e wora kulubi ko na. Ama esa malɛ kikɛ maaŋ tiŋ n wɔtɔ Ebɔrɛ be kamalga bre kegbuleŋ.