2 Tɛsalɔnikaebi 2:17 - EBƆRƐ BE KAWƆL

¹⁷ e baa leŋ menyi to nɛnɛ nsaa sa menyi eleŋ nɛ men baa wora asheŋ lela kikɛ nsaa malga mmalga lela.

2 Tɛsalɔnikaebi 2:17 ပူးပေါင်းရင်းမြစ်များ

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Aizaaya 51:3

Ma, Enyɛnpe Ebɔrɛ na beeŋ lolo basa nɛ b wɔ Jerusalɛm be alambure to na n wushi bumo kagbene. Jerusalɛm ka ki fanɛ keshishɛrsawule a dese ere gba, meeŋ shin nɛ k ki fanɛ kambɔl nɛ n daŋ nase kumo ketre Iden na. Saŋɛ na so kagbenefuli nɛ kagbenewushi beeŋ baa wɔ ndoŋ, nɛ basa e baa boŋ nshɛ a kpaŋ ma nsaa di ma epaŋ.”

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 62:7

B sa maŋ sa Enyɛnpe Ebɔrɛ na ewushi kikɛ, ama e bɛta Jerusalɛm nna n yili kumo be eyilikpa, nseŋ shin nɛ k ki kadegboŋ nɛ durnya to be basa kikɛ bee kpaŋ kumo na nna.

Aizaaya 66:13

Kananɛ ebinio bee lolo mbe kebia na nɛ ma alɛ gba beeŋ baa lolo menyi ashi Jerusalɛm to.

Romebi 1:11

M baa sha kewu menyi gbrɛ nna n shin nɛ men nya abɔrɛsheŋ be nɛfa nɛ a bee bɔla Ebɔrɛ be Kiyoyu na so a ba anyi so na. Loŋ e naaŋ shin nɛ men nya eleŋ kebɛso na to n ti so.

Romebi 15:13

Ebɔrɛ nɛ e bee sa anyi tama na e shin nɛ kagbenefuli nɛ kagbenewushi e bɔlɔ menyi to ashi menyi be keyirda mo ere to, saŋɛ na so menyi be tama beeŋ bɔla Kiyoyu Cheeŋ na be eleŋ to m bɔlɔ menyi to felɛlɛ n ya kaa wurge.

Romebi 16:25

Kemaŋkura e baa wɔ Ebɔrɛ nɛ e beeŋ shin nɛ men baa kɔ menyi be yirda na to a yil kpakpa ŋkpal baru lela nɛ m bɔ n sa menyi m malga Kristo be kubɔya na be asheŋ na so nɛ ŋkpal kashenteŋ be wulo nɛ k daŋ ŋana dra dra na kikɛ so.

1 Kɔrintebi 1:8

E beeŋ baa wɔtɔ menyi eleŋ to loŋ n ya fo lalaloge na, saŋɛ na so menyeeŋ ji n lar ashi Ebɔrɛ be anishito saŋɛ nɛ an Nyɛnpe Yesu Kristo beeŋ naŋ ba na.

2 Kɔrintebi 1:21

Ebɔrɛ koŋwule na malɛ e naa shin nɛ anyi nɛ menyi kikɛ bee yili kpakpa ashi Kristo to. Mo e nɛfa anyi n yili

Kɔlɔsiebi 2:7

a yil fanɛ kananɛ nliŋi bee pɛ ndibi to a yil na ŋ kraa pin mbe asheŋ a ti so m baa yirda kashenteŋ na kikɛ nyam, fanɛ kananɛ b ŋini menyi na nɛ men baa wɔtɔ a chɔrɔ Ebɔrɛ.

1 Tɛsalɔnikaebi 3:13

Loŋ nɛ e beeŋ shin nɛ yirda kpakpaso e baa wɔ men be ŋgbene to nɛ men maaŋ baa kɔ kulubi kikɛ, ama menyeeŋ baa du cheembi ashi an be Ebɔrɛ Etuto na be anishito saŋɛ nɛ an Nyɛnpe Yesu Kristo nɛ bumo nɛ b la mo peya na kikɛ beeŋ ba na.

1 Tɛsalɔnikaebi 3:2

An shuŋi mo nna fanɛ e ya leŋ menyi to nseŋ chɛ menyi to nɛ men baa wɔ men be yirda na to. Loŋ e naaŋ shin nɛ men be ekama e sa maŋ foe ekpa ŋkpal etɔrɔ ere so.

2 Tɛsalɔnikaebi 2:16

An Nyɛnpe Yesu Kristo gbagba nɛ Ebɔrɛ an Tuto nɛ e sha anyi nseŋ bɔla mbe kuwɔr be kakɛ so a leŋ anyi to mbaanaayɔ nsaa sa anyi tama lela na

2 Tɛsalɔnikaebi 3:3

Ama Enyɛnpe bre maa chɛrga mbe asheŋ to kikɛ. E beeŋ sa menyi eleŋ nseŋ pete menyi ashi kulubi to.

Hibruwebi 13:9

Men sa maŋ shin nɛ keŋini be nnaŋ to nɛ a wɔtɔ ere e fule menyi kikɛ nɛ men foe ekpa. Ebɔrɛ be kuwɔr be kakɛ e daga kebaaleŋ menyi be ŋgbeneana to, mannɛ edaŋkaresheŋ be ekpaana be ajibi nɛ a maŋ kɔ tɔnɔ n sa basa nɛ b ji amo na.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

1 Jɔn 3:18

Ma mbi shasoana, men sa maŋ shin nɛ an baa kɔ mmalga ŋko nnɔ nawule a sha basa, men shin nɛ an baa kɔ aworbi nɛ kashenteŋ a sha basa.

Juud 1:24

Men shin nɛ an baa di Ebɔrɛ mo nɛ e beeŋ tiŋ ŋ keni menyi so nɛ men sa maŋ tɔr na epaŋ. Mo e naaŋ tiŋ n chɛ menyi to nɛ men yige alubi be kebaawora nseŋ tiŋ n yili mbe anishito cheembi n wu mbe kemaŋkura kagbenefuliso