2 Tɛsalɔnikaebi 1:7 - EBƆRƐ BE KAWƆL

⁷ Mo e naaŋ sa anyi nɛ menyi nɛ menyee ji awurfoŋ ere ewushi kachɛ nɛ Enyɛnpe Yesu beeŋ lara mbe kumu ŋ ŋini durnya saŋɛ nɛ mo nɛ mbe emalaika lempo beeŋ shi ebɔrɛso m ba nɛ edɛ chɔɔso

2 Tɛsalɔnikaebi 1:7 ပူးပေါင်းရင်းမြစ်များ

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Ɛksodɔs 3:2

Ndoŋ nɛ Enyɛnpe Ebɔrɛ be malaika lar mo so fanɛ edɛ be adondulombi na ashi kupumbi ko to. Mosis daŋ wu kupumbi na ka bee suse edɛ ama kumo alɛ daa maa chɔɔ a mur.

Aizaaya 57:2

Bekama nɛ b wɔ kebaawɔtɔ lela to bee nya kayurwushi nɛ ewushi ashi luwu to nna ŋkpal b ka daa wora Ebɔrɛ kasonu so.

Aizaaya 66:15

Keni, Enyɛnpe Ebɔrɛ na kɔ edɛ nna a ba. E beeŋ ta mbe gbaŋɛturko nɛ k bee kpa edɛ na m bɔla kawuliwuli so m ba. E nya agbo nna ga a ba nɛ e ba ta edɛ ŋ gberge mo doŋana kusoe.

Ezikɛl 1:13

Asɔbɔya keniso na daa du fanɛ mbulpi nɛ a bee suse nna a nite saŋkikɛ, nsaa nyɛrga a kpa edɛ fanɛ bɔrɛ ka bee nyɛkpɛ na.

Danɛl 7:9

Kumo be kaman nɛ n wu b ka ta nwurputi n nase, nɛ esa nɛ e maŋ kɔ sososo nɛ lalaloge na chena nwurputi na be kuko so. Mbe piŋi daŋ fuli nna parr fanɛ kebɔrɛjembubi nɛ mbe emin malɛ du fanɛ ateebi. Mbe kuwurputi na daa suse edɛ nna nsaa deŋ kusɔ ko nɛ kumo be aya bel m pere fanɛ ajanwulɛ na so.

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Matiu 16:28

Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu ma, Nyiŋgbasa Pibinyɛn ka ba fanɛ Ewura nna pɔɛŋ.”

Matiu 25:31

Nɛ Yesu naŋ kaŋɛ: “Saŋɛ nɛ ma, Nyiŋgbasa Pibinyɛn beeŋ shi ma kemaŋkura to nɛ emalaika kikɛ e ba na, meeŋ ba chena ma kemaŋkura be kuwurputi na so.

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Matiu 26:64

Ndoŋ nna nɛ Yesu kaŋɛ mo: “Loŋ nɛ fo yɛ na. Ma alɛ bee kaŋɛ menyi nna, yili kabre a yɔ menyeeŋ wu ma, Nyiŋgbasa Pibinyɛn ka tase Elempo na be jisoso nseŋ naŋ wu ŋ ka shi awɔlpa to a ba.”

Maak 14:62

Nɛ Yesu kaŋɛ: “Ma nna. Menyi alɛ beeŋ wu ma, Nyiŋgbasa Pibinyɛn ka tase Elempo na be jisoso nseŋ naŋ wu ŋ ka shi awɔlpa to a ba.”

Maak 8:38

Esa kama nɛ e kpal anishinyɔr so a maaŋ tiŋ ŋ kaŋɛ kabre be bɔrɛkinipoana ere nɛ alubiworapoana ere ma nɛ ma mmalga be asheŋ, e baa nyi fanɛ saŋɛ nɛ ma, Nyiŋgbasa Pibinyɛn beeŋ keta n Tuto be kemaŋkura nɛ emalaika cheembi na m ba na, anishinyɔr beeŋ pɛ ma alɛ gba ŋkpal amodoŋwura so.”

Luuk 16:25

Nɛ Eebraham kaŋɛ mo le: ‘M pibi baa nyiŋi saŋɛ nɛ fo daa wɔ ŋkpa to a ji fo ebel na nsaa nyiŋi kananɛ Lazɔrɔs malɛ daŋ ji awurfoŋ na. Ama naniere e luri ebel to nɛ fo alɛ luri ebesa to.

Luuk 17:30

To, loŋ gbagba be kebaawɔtɔ nɛ basa beeŋ baa kɔ kachɛ nɛ ma, Nyiŋgbasa Pibinyɛn beeŋ lara ma kumu ŋ ŋini durnya ere na.

Baru lela nɛ Jɔn kute na 1:3

Mo so nɛ Ebɔrɛ bɔla n to kusɔ kikɛ. Kusɔ toso kikɛ maŋ wɔtɔ nɛ Ebɔrɛ maŋ bɔla Kamalga na so n to.

Baru lela nɛ Jɔn kute na 1:51

Kumo be kaman nɛ e kaŋɛ bumo kikɛ: “Kashenteŋ nɛ mee kaŋɛ menyi na fanɛ menyeeŋ wu ebɔrɛso ka bugi nɛ Ebɔrɛ be emalaika bee dii a gbelge a ba ma, Nyiŋgbasa Pibinyɛn so.”

Ashuŋ Shunso 1:11

nseŋ bishi bumo: “Galiliebi, manɛ e ba nɛ men yil a keni esoso loŋ? Yesu koŋwule nɛ Ebɔrɛ shin nɛ e lar menyi kutɔ a yɔ ebɔrɛso ere beeŋ naŋ bɛta loŋ gbagba chap m ba kananɛ men wu mo nɛ e bee yɔ ebɔrɛso ere.”

Ashuŋ Shunso 3:19

Amoso, men lar menyi be alubi to nseŋ bɛta m ba Ebɔrɛ kutɔ nɛ e kpra menyi be alubi kikɛ n lɛ.

Romebi 8:17

To, nɛ anyi alɛ baa la mbia bre, kumo ere anyeeŋ nya enɛfa nɛ e kɔ a jo mbe basa na. Kumo be kaman nɛ anyi nɛ Kristo e naaŋ nya kusɔ nɛ Ebɔrɛ kɔ a sa mo na, ŋkpal manɛ so, nɛ an baa tu Yesu a ji mbe awurfoŋ na fanɛ kananɛ e daŋ ji na, anyi alɛ beeŋ naŋ tu mo n nya mbe kemaŋkura na.

1 Kɔrintebi 3:13

Kachako kanaŋkamaso nɛ ekama be kushuŋ du, k beeŋ lar efuli. Kumo be kamɔnchɛ na e naaŋ ŋini kusɔ kama, ŋkpal manɛ so, edɛ e naaŋ wora kusɔ kama ŋ keni nɛ ekama e pin ekama be kushuŋ to.

2 Kɔrintebi 4:17

Kabre nawule be etɔrɔbi ere beeŋ kaŋ bar anyi kemaŋkuragboŋ nɛ k maŋ kɔ ekar nsaa bɔ etɔrɔ ere ga.

Ɛfesesebi 1:2

An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Kɔlɔsiebi 1:16

ŋkpal manɛ so, Ebɔrɛ shin nɛ mo Pibi to asɔ kikɛ, amo nɛ a wɔ ebɔrɛso nɛ amo nɛ a wɔ kasawule so, amo nɛ basa beeŋ tiŋ n wu nɛ amo nɛ basa maaŋ tiŋ n wu, kuwurjiana nɛ eleŋana, esoso be kenimujipoana nɛ bejuŋkparpoana. Ebi na e to amo kikɛ nɛ b baa bunyaŋ mo.

1 Tɛsalɔnikaebi 3:13

Loŋ nɛ e beeŋ shin nɛ yirda kpakpaso e baa wɔ men be ŋgbene to nɛ men maaŋ baa kɔ kulubi kikɛ, ama menyeeŋ baa du cheembi ashi an be Ebɔrɛ Etuto na be anishito saŋɛ nɛ an Nyɛnpe Yesu Kristo nɛ bumo nɛ b la mo peya na kikɛ beeŋ ba na.

2 Timoti 2:12

Nɛ anyi maŋ pɔ aba nseŋ kraa ji kanyiti, anyi nɛ mo e naaŋ ji kuwura basa so. Ama nɛ an kini mo, mo alɛ gba beeŋ kini anyi.

Taites 2:13

An baa wɔ amo to nsaa jo kachɛ nɛ b nɛfa nɛ anyi be tama wɔ kumo so na. Kumo be kamɔnchɛ nɛ an be Ebɔrɛ Gboŋ, Emɔlgapo Yesu Kristo na be kemaŋkura beeŋ lar efuli.

Hibruwebi 10:27

Kusɔ nɛ k baŋ ka n daga kaŋana e la fanɛ b baa tama kasogberge nɛ edɛ wuloŋwuloŋ nɛ a beeŋ chɔɔ Ebɔrɛ mo doŋana kikɛ m mur na.

Hibruwebi 12:29

Ŋkpal manɛ so, anyi be Ebɔrɛ na du fanɛ edɛ chɔɔso nna a mur basa.

Hibruwebi 4:1

Amoso, ŋkpal Ebɔrɛ be kewushi na to be keluri be kɔnɔ naseso na ka kraa dese so, men shin nɛ an baa da so nɛ kumo be saŋɛ kaŋ fo, b maaŋ wu anyi be ekama ka paŋ keluri kumo to.

Hibruwebi 4:11

Amoso, men shin nɛ an wora ania ga n luri kewushi na to nɛ esa kama maaŋ ta kasomaanu m bɛ bedarapo na be aya so n foe ekpa.

Hibruwebi 4:9

Amoso, k bee ŋini fanɛ kewushi ko nɛ kachɛ shunusopo peya na kraa jo Ebɔrɛ be basa nna na.

Hibruwebi 9:28

To, loŋ koŋwule na nɛ b daŋ ta Kristo gba n lara sarga kela koŋwule pati nɛ e kpra basa damta be alubi ashi bumo so. Mo alɛ beeŋ naŋ bɛta kela nyɔsopo n lar m ba, ama kede bre, mannɛ alubi be kekpara so nɛ e bee ba, e kɔ kumɔlga nna a ba nɛ e ba sa bumo nɛ baa jo mo na kikɛ.

1 Pita 3:22

Mo, Yesu Kristo koŋwule na e yɔ ebɔrɛso n ya kaa tase Ebɔrɛ be jisoso, kakpa nɛ ebunyampo bee chena, a ji emalaika kikɛ nɛ bejuŋkparpoana kikɛ nɛ eleŋana kikɛ so kuwura na.

2 Pita 3:7

Kamalga koŋwule na so nɛ naniere be esosoana nɛ kasawule ere wɔtɔ a jo edɛ be keta m mur kumo na. A bee jo demujiachɛ nna, kachɛ nɛ bɔrɛkinipoana beeŋ mur na.

Juud 1:7

Men baa nyiŋi nde mo nɛ baa tre Sodɔm nɛ Gomɔra nɛ nde mo nɛ a daŋ taga amo to na gba be asheŋ. Ndoŋebi gba daa wora kesakalea be asheŋ nɛ alubi kama nɛ a maŋ daga dimɛdi ka wora nna. B wɔ edɛ mo nɛ a maa duŋ kikɛ na to nɛ k bee ŋini anyi kananɛ Ebɔrɛ beeŋ gberge bekama nɛ baa wora asheŋ fanɛ loŋ be basa na kusoe.

Kelaraŋŋini 1:7

Men keni mo nɛ awɔlpa kulti a ba na, kenishi kama malɛ beeŋ wu mo n ta bumo nɛ b ta kusɔ n da mo m mɔ na n ti so nɛ kasawule ere so be basa kikɛ e shu ŋkpal mo so. Kumo be loŋ bre maŋ kɔ emɔrɔ. Amɛn.

Kelaraŋŋini 14:10

amodoŋwura beeŋ nuu Ebɔrɛ be agboso be nsa nɛ b maŋ ta shɛŋ n cha amo to na nseŋ duga amo n wɔtɔ Ebɔrɛ be agbo be kawiebi to na gba. Baaŋ ta edɛ nɛ jɛrbi n wɔtɔ mo ebesa to, emalaika cheembiana na nɛ Kpakpafɔlbi na be anishito.

Kelaraŋŋini 14:13

Ndoŋ nna nɛ n nu ebɔl ka shi ebɔrɛso ŋ kaŋɛ ma le: “Sibɛ le n nase: Kagbenefuli la bekama nɛ b wɔ Enyɛnpe to nseŋ wu naniere mbaanaayɔ na peya nna.” Nɛ Kiyoyu Cheeŋ na kaŋɛ: “Kashenteŋto, baaŋ wushi ashi bumo be kegben ere to, ŋkpal manɛ so, bumo be aworbi beeŋ ba bɛ bumo so n yɔ.”

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.

Kelaraŋŋini 21:4

E beeŋ kpra anishichubi kikɛ ashi bumo be anishito, luwu maaŋ naa wɔtɔ, luwu so be kagbenejija nɛ kushu maaŋ naa wɔtɔ, ebesa malɛ gba maaŋ naa wɔtɔ, ŋkpal manɛ so, amo be saŋɛ nɛ sososo be asheŋ kikɛ beeŋ choŋ.”

Kelaraŋŋini 22:16

Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”

Kelaraŋŋini 22:6

Nɛ malaika na kaŋɛ ma le: “Mmalga ere la kashenteŋ nna nɛ baaŋ tiŋ n yirda amo. Amo alɛ so nɛ Enyɛnpe Ebɔrɛ malɛ ta mbe Kiyoyu na n sa mbe anebi nseŋ shuŋi mbe malaika fanɛ e ba ŋini mbe anya asɔ nɛ a maaŋ naŋ chɛr nseŋ wora na kikɛ.

Kelaraŋŋini 22:9

nɛ e kaŋɛ ma le: “A maŋ daga fanɛ fo wora loŋ. Ma alɛ gba la fo nɛ fo niopibiana anebiana nɛ bumo nɛ baa ta kawɔl ere to be mmalga a wɔtɔ bumo be ŋgbene to na bumo barkasa kenya nna. Ebɔrɛ e daga fanɛ fo baa maŋ mo so.”

Kelaraŋŋini 6:11

Ndoŋ nna nɛ b ta epiŋi fuful n sa bumo be ekama nseŋ kaŋɛ bumo fanɛ b baa kraa jo gbrɛ pɔɛŋ nɛ bumo braana anya nɛ bumo kurgepoana mo nɛ basa beeŋ mɔ fanɛ kananɛ b daŋ mɔ bumo alɛ gba na nyam e ya ba abar so.