2 Tɛsalɔnikaebi 1:3 - EBƆRƐ BE KAWƆL

³ Bekurgepoana, a daga an ka bee chɔrɔ Ebɔrɛ saŋkama ŋkpal menyi so. An kɔ ekpa nɛ an chɔrɔ mo ŋkpal kananɛ men be yirda bee wora keshi a ti so so. Kananɛ men be ekama bee sha mo braana na gba bee ti so.

2 Tɛsalɔnikaebi 1:3 ပူးပေါင်းရင်းမြစ်များ

Job be kawɔl 17:9

Basa niŋiso beeŋ baa wora kusɔ nɛ k daga, ŋkpal loŋ so baaŋ baa nya eleŋ a ti so.

Nshɛ 84:7

Fo basa bee nya eleŋ nna a ti so, n ya fo fanɛ ekama ka beeŋ baa tiŋ a ba Ebɔrɛ na be anishito ashi Zayɔn be kebee na so.

Nshɛ 92:13

Baaŋ mur achin ashi fo, Enyɛnpe Ebɔrɛ na be laŋ to, nseŋ nyalɛ ashi anyi be Ebɔrɛ na be bɔrɛlambu to.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Luuk 15:32

Nɛ kananɛ fo sipo ere ba le ere, a daga fanɛ an ji anyi be amu kagbenefuliso, ŋkpal manɛ so, fo sipo ere daŋ wu nna nseŋ naŋ ba ŋkpa to, e daŋ foe nna, ama an naŋ wu mo.’ ”

Luuk 17:5

Kachako Enyɛnpe Yesu be beshuŋipo na kaŋɛ mo le: “Ti anyi so yirda.”

Baru lela nɛ Jɔn kute na 15:2

Keyabi kama nɛ k chɔɔ ma so ŋkaa maa sɔr shɛŋ, e bee ku kumo nna a lɛ nɛ keyabi kama malɛ nɛ k bee sɔr e bee lɔŋɛ kumo so nna nɛ k tiŋ n sɔr ga n ti so.

Romebi 1:8

Men shin nɛ n fara m bɔla Yesu Kristo so n chɔrɔ ma Ebɔrɛ ŋkpal menyi kikɛ so. Ŋkpal manɛ so, durnya ere to ebi kikɛ baa ji kananɛ menyi be yirda du be asheŋ nna.

1 Kɔrintebi 1:4

Saŋkikɛ mee chɔrɔ Ebɔrɛ nna ŋkpal mbe kuwɔr be kakɛ mo nɛ e bɔla Kristo Yesu so n wu menyi na so.

2 Kɔrintebi 10:15

Anyi alɛ maa kpal kushuŋ mo nɛ basa pɔtɛ shuŋ so nna a puchi a baŋ anyi be amu so. Anyi be tama kikɛ e baa la fanɛ nɛ men be yirda baa wora keshi a yɔ anishito, kakpa nɛ an wɔ menyi to a shuŋ na malɛ beeŋ baa wora keshi a ti so.

Ɛfesesebi 5:20

Saŋkikɛ men baa chɔrɔ Ebɔrɛ Etuto na ŋkpal kusɔ kikɛ so ashi an Nyɛnpe Yesu Kristo be ketre to.

Filipaiebi 1:7

Saŋkama men be asheŋ baa wɔ ma kagbene to nna, amoso, k baŋ dii efuli nna fanɛ meeŋ baa fɛ le be nfɛra ere a yɔ men be kaplɛa so. Ŋkpal manɛ so, men kikɛ tu ma nna n nya kuwɔr be kakɛ nɛ Ebɔrɛ sa ma naniere ashi ma kabuti ere to nɛ saŋɛ nɛ n daa wɔ ma kumu a wɔtɔ a kɔ a fin baru lela na be kelela nseŋ naa malga a ŋini basa fanɛ kashenteŋ wɔ Kristo to na.

Filipaiebi 1:9

Ma kabɔrɛkule nɛ mee kule a sa menyi e la fanɛ Ebɔrɛ e shin nɛ men be kasha e baa wora keshi a ti so ashi kashennyi nɛ kenya lakal ashi asheŋ to to.

1 Tɛsalɔnikaebi 3:12

Enyɛnpe na e shin nɛ men be abar be kasha nɛ basa kikɛ be kasha e baa wora keshi menyi to a ti so n ya fo kananɛ anyee sha menyi na.

1 Tɛsalɔnikaebi 3:6

Timoti ka shi menyi kutɔ m ba, mo alɛ bar anyi menyi be yirda nɛ kasha be kubɔya lela. E kaŋɛ anyi men ka bee nyiŋi an be asheŋ a fin kewu anyi fanɛ kananɛ anyee fin kewu menyi na.

1 Tɛsalɔnikaebi 3:9

Naniere anyeeŋ tiŋ n chɔrɔ Ebɔrɛ ŋkpal menyi so. Anyee chɔrɔ anyi be Ebɔrɛ na ŋkpal kagbenefuli nɛ e sa anyi ŋkpal menyi so na so.

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.

2 Tɛsalɔnikaebi 2:1

To, bekurgepoana, an Nyɛnpe Yesu Kristo be kebɛta m ba na nɛ anyi be kechala a wɔ mo kutɔ na malɛ be asheŋ nde:

2 Tɛsalɔnikaebi 2:13

Bekurgepoana, a daga an ka chɔrɔ Ebɔrɛ saŋkama ŋkpal menyi nɛ Enyɛnpe bee sha na so. Ŋkpal manɛ so, Ebɔrɛ fara nna n lara menyi nɛ men nya kumɔlga ashi Kiyoyu Cheeŋ na to nseŋ ki Ebɔrɛ be basa cheembi a wɔ keyirda kashenteŋ na to.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

2 Pita 1:13

Ŋkpal manɛ so, mee fɛ fanɛ ŋ ka kraa wɔ eyur ere to ere bre, a daga fanɛ m baa nyiŋi menyi asheŋ na kikɛ a leŋ menyi to.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.