2 Tɛsalɔnikaebi 1:11 - EBƆRƐ BE KAWƆL

¹¹ Amoso nɛ anyee kule anyi be Ebɔrɛ saŋkama a sa menyi fanɛ e shin nɛ men be kebaawɔtɔ e baa du fanɛ kananɛ e tre menyi fanɛ men ba kaa kɔ na. Anyee kule mo fanɛ e ta mbe eleŋ na n shin nɛ men be kelela be kasha na e wora kashenteŋ n shin nɛ men be yirda be kushuŋ na e bɔlɔ so nyam.

2 Tɛsalɔnikaebi 1:11 ပူးပေါင်းရင်းမြစ်များ

Nshɛ 138:8

Fo, Enyɛnpe Ebɔrɛ na beeŋ wora m bɔlɔ kusɔ kama nɛ fo nase kumo be kɔnɔ so. Fo kasha nɛ k maa chɛrga na wɔtɔ nna mbaanaayɔ; amoso, jande sa maŋ kini anyi, fo basa n lɛ.

Nshɛ 48:14

“Ebɔrɛ ere e la anyi be Ebɔrɛ mbaanaayɔ. Mo alɛ beeŋ baa juŋkpar anyi saŋkama.”

Nshɛ 51:18

Enyɛnpe Ebɔrɛ, jande, shin nɛ asheŋ e nyalɛ Zayɔn to, nɛ b pɔr Jerusalɛm be egbal na.

Nshɛ 68:20

Saŋkikɛ fee kuŋ anyi nna, nsaa mɔlga anyi ashi luwu to.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Aizaaya 25:9

Jemanɛ na kaŋ fo, ekama beeŋ kaŋɛ le: “Mo e la anyi be Ebɔrɛ! An ta anyi be yirda n deŋi mo so, nɛ e mɔlga anyi. Mo e la Enyɛnpe Ebɔrɛ na! An ta anyi be yirda n deŋi mo so, nɛ anyi be ŋgbene fuli nɛ an nya kagbenewushi ŋkpal e ka mɔlga anyi so.”

Aizaaya 55:7

Kumu kpakpasowuraana, men lar menyi be asheŋ lubi to nseŋ chɛrga menyi be nfɛra lubi nɛ menyee fɛ na. Men bɛta m ba Enyɛnpe anyi be Ebɔrɛ na kutɔ, mo e la ewɔrwupo nsaa nya manaŋ a ta alubi a paŋ na.

Aizaaya 66:9

Kumo be kaman nɛ Enyɛnpe Ebɔrɛ na naŋ kaŋɛ: “Men sa maa fɛ fanɛ meeŋ shin nɛ ma basa be kakurgeachɛ e fo nɛ m maaŋ shin nɛ b tiŋ ŋ kurge bumo.”

Danɛl 3:17

Hale nɛ b ta anyi n lɛ edɛ to gba, anyi be Ebɔrɛ nɛ anyee shuŋ na beeŋ tiŋ m mɔlga anyi ashi amo to nɛ fo enɔ to.

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Zakareya 4:7

Kusɔ kama nɛ k du fanɛ kebee a kagle fo to beeŋ foe fo anishito. Feeŋ lɔŋɛ bɔrɛlambu na m pɔr. Kachɛ nɛ feeŋ ta lalaloge be berkishi m mɔ kapɔr na so na, basa na kikɛ beeŋ boŋ to awɔrso ŋ kaŋɛ le: “Ebɔrɛ e nɛfa kumo! Ebɔrɛ e nɛfa kumo!”

Maak 4:28

Kasawule na e naa shin nɛ asɔ na bee kɔr a wora. Sososo kedibi popɔrbi na e naa lar nɛ k ba daŋ n wora bibi.

Luuk 12:32

Ma basa, men maŋ shi, ama men sa maa lɔ kufu. Ŋkpal manɛ so, men Tuto be keparso nna nɛ e yili kumo fanɛ e beeŋ ta mbe kuwura na n sa menyi.

Romebi 1:9

Ebɔrɛ nɛ n ta ma kagbene kikɛ nyam a bɔ mo Pibinyɛn be baru lela na gbagba e la ma shɛdajipo a nyi menyi be asheŋ ka baa wɔ ma kagbene to ashi ma kabɔrɛkule to saŋkikɛ.

Romebi 11:29

Ŋkpal manɛ so, Ebɔrɛ be kakɛ nɛ mbe ketre esa a sa mbe kumu maa chɛrga.

Romebi 15:14

Ŋ kurgepoana, ma alɛ gba baa nyi geeŋ fanɛ alelasheŋ e baŋ bɔlɔ menyi alɛ gbagba to nseŋ naa nyi fanɛ men kɔ kanyiasheŋ kikɛ nɛ men gbagba e tiŋ ŋ ŋini abar asheŋ.

Romebi 8:30

Amoso, Ebɔrɛ tre bumo nɛ e lara n yili na nna. Bumo nɛ e tre na malɛ kikɛ nɛ e shin nɛ b ji n lar. Bumo nɛ e shin nɛ b ji n lar malɛ kikɛ nɛ e shin nɛ mo nɛ bumo nya mbe kemaŋkura na.

1 Kɔrintebi 1:8

E beeŋ baa wɔtɔ menyi eleŋ to loŋ n ya fo lalaloge na, saŋɛ na so menyeeŋ ji n lar ashi Ebɔrɛ be anishito saŋɛ nɛ an Nyɛnpe Yesu Kristo beeŋ naŋ ba na.

Ɛfesesebi 1:16

nsaa nyiŋi menyi ashi ma kabɔrɛkuleana to a kule an Nyɛnpe Yesu Kristo be Ebɔrɛ, Etuto nɛ kemaŋkura wɔ mo so ga na,

Ɛfesesebi 1:5

Ŋkpal mbe kasha so, mo ere Ebɔrɛ na yili kumo nna dra dra na kikɛ fanɛ e beeŋ bɔla Yesu Kristo to m bar anyi mo gbagba kutɔ fanɛ mbe mbia. Kusɔ nɛ k baa par mo nseŋ naa la kusɔ nɛ e yili nna na.

Ɛfesesebi 1:9

nseŋ naŋ bugi wulo be kesheŋ naseso nɛ e yili fanɛ e beeŋ bɔla Kristo so n shin nɛ loŋ e wora na n sa anyi.

Filipaiebi 1:6

Amoso, m baa nyi fanɛ Ebɔrɛ nɛ e baŋ fara le be kushuŋ lela menyi to ere beeŋ shin nɛ k baa wɔ menyi to loŋ n ya loge nɛnɛ kachɛ nɛ Kristo Yesu beeŋ naŋ ba na.

Filipaiebi 2:13

Ŋkpal manɛ so, Ebɔrɛ e wɔ menyi to a shuŋ saŋkikɛ a shin nɛ menyee sha Ebɔrɛ nsaa tiŋ a nu a sa mo gbagba be aparsheŋ.

Filipaiebi 3:14

Amoso, m baŋ niŋi tinini nna a yɔ nɛ n ya ji ŋkpa be tɔnɔ nɛ Ebɔrɛ kpal kumo so a bɔla Kristo Yesu so a tre basa esoso fanɛ b ba sɔ na.

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

2 Tɛsalɔnikaebi 1:5

Kede ere e naaŋ ŋini Ebɔrɛ be demu be keji ka du cheembi, ŋkpal manɛ so, ade kikɛ e shin nɛ men daga mbe kuwura nɛ men kpal kumo so a ji awurfoŋ na.

2 Tɛsalɔnikaebi 2:14

Baru lela nɛ an malga n sa menyi na to nɛ Ebɔrɛ bɔla n tre menyi. E tre menyi nna nɛ menyi alɛ e ba nya an Nyɛnpe Yesu Kristo be kemaŋkura na.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

Kelaraŋŋini 3:4

Men kraa kɔ basa gbrɛbi ko ashi Saadis to nɛ eyurpi kama maŋ gbiti bumo be asɔbuuso na. Bumo alɛ beeŋ tu ma n nite m buu asɔ fuful, ŋkpal manɛ so, b daga loŋ.

Kelaraŋŋini 5:10

Fo ta bumo ŋ ki an be Ebɔrɛ be kuwura to ebi nɛ bɔrɛmatapoana nɛ b baa shuŋ mo nɛ b ba ji kuwura kasawule so.”