2 Jɔn 1:12 - EBƆRƐ BE KAWƆL

¹² Ŋ kraa kɔ asɔ damta nɛ ŋ kaŋɛ menyi, ama m maa sha kesibɛ amo kawɔl to. Kusɔ nɛ mee tama e la fanɛ meeŋ ba bɔɔ menyi so nɛ ma nɛ menyi e chena m malga, saŋɛ na so an kikɛ be ŋgbene beeŋ fuli anyi parr.

2 Jɔn 1:12 ပူးပေါင်းရင်းမြစ်များ

Nɔmbɛs 12:8

Ma nɛ mo ere bee wu abar nna nsaa malga abar kutɔ. Mannɛ aŋasa to nɛ mee malga mo kutɔ. E nyi kananɛ ma kapɔr du kikɛ! Amoso men maŋ kɔ ekpa nɛ men malga ŋ gbiti ma kayɛrbi Mosis!”

Baru lela nɛ Jɔn kute na 15:11

Ŋ kaŋɛ menyi kesheŋ ere nna nɛ kagbenefuli nɛ mee sa na e baa wɔ menyi to, saŋɛ na so, menyi be ŋgbene beeŋ fuli menyi m baŋ so.

Baru lela nɛ Jɔn kute na 16:12

Ŋ kraa kɔ asɔ damta nɛ ŋ kaŋɛ menyi, ama nɛ ŋ kaŋɛ amo naniere, a beeŋ wora keshi n sa menyi.

Baru lela nɛ Jɔn kute na 16:24

Hale m ba fo mbre, men maŋ naŋ ta ma ketre ŋ kule shɛŋ. Men kule nseŋ nya nɛ menyi be ŋgbene e fuli menyi m baŋ so.

Baru lela nɛ Jɔn kute na 17:13

Naniere mee ba fo kutɔ nna na, ama ma alɛ kraa wɔ durnya ere to nna nsaa kaŋɛ asheŋ ere kikɛ na, saŋɛ na so baaŋ nya kagbenefuli nɛ mee sa na m baŋ so.

Baru lela nɛ Jɔn kute na 3:29

Kejafɔ mo kul e wɔ eche nɛ baa kre kejafɔ na. Kejafɔ mo teri na bre bee kaa yil nna nseŋ kaŋ kusoe a jo saŋɛ nɛ e beeŋ nu mo teri kejafɔ mo kul na be ebɔl nɛ mbe kagbene e fuli mo ga. Le e naa shin nɛ kagbenefuli bee bɔlɔ ma alɛ gba to.

Romebi 15:24

n yili kumo nna fanɛ ŋ kaa yɔ Speen be efuli so, meeŋ wu menyi. Ŋ kaŋ wu menyi m moɛ gbrɛ nɛ n shin nɛ men chɛ ma to ashi ma enite na to.

2 Timoti 1:4

M baŋ nyiŋi fo anishichubi na be asheŋ, m baa sha kewu fo nna nɛ ma kagbene e fuli ma.

Failimɔn 1:22

Kumo be kaman, lɔŋɛ ebu ko n yili ma, ŋkpal manɛ so, ŋ kɔ tama fanɛ Ebɔrɛ beeŋ nu men kikɛ be kabɔrɛkule nseŋ lara ma n sa menyi.

Hibruwebi 13:19

Kusɔ nɛ m baa sha keŋini menyi nɛ men baa wora ga a ti so e la fanɛ men baa kule Ebɔrɛ nɛ e shin nɛ n nya ekpa manaŋ n yɔ menyi kutɔ.

Hibruwebi 13:23

Mee sha fanɛ men pin fanɛ b lara an kurgepo Timoti ashi kabuti to. Amoso, nɛ e kaŋ wule m ba nfe, ma nɛ mo e naaŋ ba wu menyi.

1 Jɔn 1:4

Anyi alɛ naa sibɛ kawɔl ere nna nɛ anyi be ŋgbene e fuli anyi parr.

3 Jɔn 1:10

Amoso, ŋ kaŋ ba, meeŋ lara asheŋ nɛ e bee wora na kikɛ efuli. Meeŋ malga mbe mmalga lubi nɛ e kɔ a na a ji ma asheŋ na kikɛ. Ade malɛ be buushi, mo gbagba kini kesɔ bekurgepoana na, mo alɛ nsaa maa sa bumo nɛ baa sha kechɛ bumo to na ekpa nseŋ naa wɔtɔ a ju loŋ be basa na ashi asɔri to.