2 Kɔrintebi 9:7 - EBƆRƐ BE KAWƆL

⁷ Kanaŋkama nɛ ekama fɛ mbe kagbene to fanɛ e beeŋ sa, e sa nsaa maa shin nɛ k naa besa mo ŋko a wora fanɛ b kaa bee tintiŋ mo na, ŋkpal manɛ so, esa nɛ e bee sa kagbenefuliso nɛ Ebɔrɛ bee sha.

2 Kɔrintebi 9:7 ပူးပေါင်းရင်းမြစ်များ

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

1 Kronikɛls 29:9

Ewura Deevid nɛ basa na kikɛ be ŋgbene daŋ fuli bumo ga nna nɛ b ji eyur ŋkpal ŋkɛ nɛ b daŋ bugi ŋgbene n sa Enyɛnpe Ebɔrɛ na so.

Ɛksodɔs 25:2

“Kaŋɛ Israɛlebi na fanɛ b bar ma ŋkɛ ashi bumo be kagbene to nɛ fo sɔ amo n sa ma.

Ɛksodɔs 35:5

‘Men lara kusɔ kama be kakɛ m bar Enyɛnpe Ebɔrɛ na. Esa kama nɛ e yili kumo mbe kagbene to fanɛ e beeŋ bar Enyɛnpe Ebɔrɛ kakɛ, e bar shuwa ŋko gbiti ŋko danyaŋ

Aŋasa 11:25

Fo baa bugi enɔ a kɛ feeŋ dii dama. Chɛ beko to nɛ beko malɛ e chɛ fo to.

Aŋasa 22:9

Esa kama nɛ e bee bugi kagbene a kɛ beeŋ nya nɛfa, ŋkpal mo nɛ betirpo ka bee barga mbe kusɔ jiso to so.

Aizaaya 32:5

Ewura nɛ mbe benimuana maaŋ naŋ sa bewulpo bunyaŋ ŋko n sa basa jiga fanɛ beyu kemaŋkura be eyilikpa.

Aizaaya 32:8

Ama esa nɛ ekama bee sa bunyaŋ bre bee ji kashenteŋ nna nsaa yil kusɔ nɛ k niŋi so a wora asheŋ.

Ashuŋ Shunso 20:35

M bɔla kusɔ kama to ŋ ŋini menyi fanɛ kebaashuŋ le ere nɛ anyee chɛ bepɔshipo to nsaa nyiŋi Enyɛnpe Yesu gbagba be mmalga nɛ e kaŋɛ na: ‘Kakɛ kɔ kagbenefuli a chɔ kesɔ.’ ”

Romebi 12:8

Nɛ kumo alɛ naa la basa be keleŋto, fo baa wora loŋ. Ekama malɛ nɛ e bee barga mbe kanya to a sa beko e baa bugi kagbene a wora loŋ. Ekama nɛ e la ejuŋkparpo e baa shuŋ ga nɛ emo nɛ mo alɛ naa wu basa kuwɔr e baa bugi kagbene a wora loŋ.

2 Kɔrintebi 8:12

Ŋkpal manɛ so, nɛ esa baŋ bugi kagbene n yili kumo fanɛ e beeŋ sa, kumo ere kusɔ nɛ amodoŋwura kɔ so nɛ Ebɔrɛ beeŋ yili n sɔ loŋ be kakɛ na, mannɛ kusɔ nɛ e maŋ kɔ so.

Ditɛronɔmi 15:14

Men bugi ŋgbene n sa bumo mbolpɔ nɛ ayu nɛ yabra belbelso nɛ Enyɛnpe Ebɔrɛ na ta n nɛfa menyi na be ako.

Failimɔn 1:14

Ama m maa sha kelar fo kaman n wora kusɔ nɛ k maaŋ par fo nɛ fo gbagba be kelela e ki fanɛ tintiŋ be kusɔ, ama kusɔ nɛ k shi fo gbagba be kagbene to.

Jeems 5:9

Ŋ kurgepoana, men sa maa bile asheŋ a sa abar nɛ Ebɔrɛ e kaŋɛ fanɛ men wora kulubi. Men keni, a ka gbrɛbi nɛ an kikɛ be Demujipo na e tu anyi.

1 Pita 4:9

Men baa sɔ abar men peana nsaa maa muni to.