2 Kɔrintebi 9:14 - EBƆRƐ BE KAWƆL

¹⁴ Amoso, b baa kule Ebɔrɛ a sa menyi, bumo be nfɛra wɔ menyi so nna ŋkpal Ebɔrɛ be kuwɔr be kakɛgboŋ damta nɛ Ebɔrɛ ta n sa menyi na so.

2 Kɔrintebi 9:14 ပူးပေါင်းရင်းမြစ်များ

2 Samuɛl 13:29

Ndoŋ nna nɛ nyɛrbi na bɛ kusɔ nɛ Absalɔm kaŋɛ bumo na so nseŋ mɔ Amnɔn. Nɛ ewura na be mbinyɛnbi nɛ Absalɔm tre na kikɛ ta bumo be ekurma nɛ enyɔma n shile n choŋ ŋ ka mo ndoŋ.

Aŋasa 11:26

Basa bee sho bumo nɛ baa ti ajibi so a yili fanɛ amo be yawu e di pɔɛŋ nɛ b fa na kɔnɔ nna, nsaa chɔrɔ bekama nɛ baa fa amo saŋkikɛ na.

Luuk 16:9

Ade kikɛ be kaman nɛ Yesu kaŋɛ le: “To, ma e kaŋɛ menyi na fanɛ men baa ta durnya to be kanya a ji basa keteri, saŋɛ na so, nɛ a ba loge, menyeeŋ nya kowu ashi bumo kutɔ nɛ kumo be kebaawɔtɔ maŋ kɔ ekar na n ya kaa wɔtɔ.

Romebi 1:11

M baa sha kewu menyi gbrɛ nna n shin nɛ men nya abɔrɛsheŋ be nɛfa nɛ a bee bɔla Ebɔrɛ be Kiyoyu na so a ba anyi so na. Loŋ e naaŋ shin nɛ men nya eleŋ kebɛso na to n ti so.

2 Kɔrintebi 1:11

nɛ menyi alɛ e baa ta men be kabɔrɛkule a kule a chɛ anyi to. Ebɔrɛ malɛ beeŋ nu men be kabɔrɛkule damta nɛ menyee kule a sa anyi na n nɛfa anyi nɛ k shin nɛ basa damta e bugi bumo be nnɔ n di Ebɔrɛ na epaŋ ŋkpal anyi so.

2 Kɔrintebi 8:1

To, an kurgepoana, naniere anyee sha fanɛ men pin kuwɔr be kakɛ mo nɛ Ebɔrɛ sa Masɛdonia be asɔriana na be asheŋ nna.

2 Kɔrintebi 9:13

Ŋkpal menyi alɛ be kushuŋ lela nɛ men shuŋ ŋ ŋini basa nɛ men la ere so, basa beeŋ chɔrɔ Ebɔrɛ ŋkpal men ka ta kasonu n ti men be shɛda mo nɛ menyee ji a kaŋɛ Kristo be baru lela na be asheŋ na so nɛ kananɛ menyee sha kebaakɛ bumo nɛ basa kama men be kanya to be asɔ na so.

2 Kɔrintebi 9:15

Anyee chɔrɔ Ebɔrɛ ga ŋkpal mbe kakɛ gboŋgboŋi nɛ esa maaŋ tiŋ n ji kumo be asheŋ ere so.

Filipaiebi 1:8

Ŋ ka kaŋɛ fanɛ men kikɛ be asheŋ wɔ ma kagbene to ere, Ebɔrɛ e la ma shɛdajipo fanɛ kasha damta nɛ ŋ kɔ a sa menyi na kikɛ la Kristo Yesu be kasha nna.

Filipaiebi 2:26

Ŋkpal manɛ so, e baŋ pere kenishi nna a sha kenaŋwu menyi kikɛ. Kumo be kaman, mbe kagbene baŋ jija mo nna ŋkpal men ka nu fanɛ e daa lɔ so.

Filipaiebi 4:1

Amoso, ŋ kurgepoana, mee sha men be asheŋ ga nsaa sha kewu menyi. Menyi e naa shin nɛ ma kagbene bee fuli ma, menyi alɛ nseŋ naa la ma kegben be tɔnɔ. N teriana, amoso nɛ a daga fanɛ men baa kɔ Enyɛnpe na to a yil kpakpa na.

1 Timoti 1:14

An Nyɛnpe bugi kagbene n wu ma kuwɔr ga nseŋ sa ma yirda nɛ kasha ashi Kristo Yesu to.