2 Kɔrintebi 9:13 - EBƆRƐ BE KAWƆL

¹³ Ŋkpal menyi alɛ be kushuŋ lela nɛ men shuŋ ŋ ŋini basa nɛ men la ere so, basa beeŋ chɔrɔ Ebɔrɛ ŋkpal men ka ta kasonu n ti men be shɛda mo nɛ menyee ji a kaŋɛ Kristo be baru lela na be asheŋ na so nɛ kananɛ menyee sha kebaakɛ bumo nɛ basa kama men be kanya to be asɔ na so.

2 Kɔrintebi 9:13 ပူးပေါင်းရင်းမြစ်များ

Nshɛ 50:23

Sarga nɛ k bee bar ma kemaŋkura e la kagbene nɛ k bee ji a chɔrɔ. Men wora ma kasonu nɛ ma, menyi be Ebɔrɛ na e ŋini menyi kumɔlga be ekpa.

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

Matiu 9:8

Basa na ka wu kusɔ nɛ k wora na nɛ kufu pɛ bumo nɛ b di Ebɔrɛ epaŋ ŋkpal e ka ta le be eleŋ n sa basa so.

Luuk 6:46

Manɛ e ba nɛ menyee tre ma Enyɛnpe, Enyɛnpe, nsaa maa wora kusɔ nɛ mee kaŋɛ menyi?

Baru lela nɛ Jɔn kute na 15:8

Kusɔ nɛ k bee bar n Tuto na kemaŋkura e la men ka bee nya asɔrso damta, loŋ e naa ŋini men ka la ma bebɛsopo.

Ashuŋ Shunso 11:18

B ka nu kamalga na nɛ b yige bumo be kebaraso na nseŋ di Ebɔrɛ epaŋ ŋ kaŋɛ: “Kumo ere, Ebɔrɛ sa nnyamase gba ekpa nɛ b tiŋ n lar bumo be alubi to n nya ŋkpa na.”

Ashuŋ Shunso 4:21

Nɛ nshɛr na to ebi naŋ fiɛ bumo so ga n ti so nseŋ yige bumo nɛ b yɔ. B daa maŋ wu ekpa nɛ b daa beeŋ bɔla so n tiŋ ŋ gberge bumo kusoe, ŋkpal manɛ so, basa kikɛ daa di Ebɔrɛ epaŋ nna ŋkpal kusɔ nɛ k wora na so.

Romebi 10:16

Ama mannɛ Israɛlebi kikɛ e sɔ baru lela na, ŋkpal manɛ so, le nɛ anebi Aizaaya daŋ bishi Enyɛnpe na: “Enyɛnpe, wanɛ e yirda anyi be kubɔya na?”

Romebi 12:8

Nɛ kumo alɛ naa la basa be keleŋto, fo baa wora loŋ. Ekama malɛ nɛ e bee barga mbe kanya to a sa beko e baa bugi kagbene a wora loŋ. Ekama nɛ e la ejuŋkparpo e baa shuŋ ga nɛ emo nɛ mo alɛ naa wu basa kuwɔr e baa bugi kagbene a wora loŋ.

Romebi 15:31

Men baa kule Ebɔrɛ fanɛ Judiya be efuli so be basa nɛ b maŋ kɔ yirda na maaŋ ya wora ma shɛŋ nseŋ naŋ kule mo fanɛ kushuŋ nɛ mee yɔ nɛ n ya shuŋ Jerusalɛm ere beeŋ par Ebɔrɛ be basa ndoŋ.

Romebi 16:26

Naniere bre, ŋkpal asɔ nɛ anebiana na sibɛ n nase na so so, kashenteŋ na dii efuli nna. Ŋkpal Ebɔrɛ nɛ e wɔ ŋkpa to na saŋkikɛ be kusɔ nɛ e yili na so, kusɔ kama bugi to nna n dese a sa efuli kama so ebi, saŋɛ na so, baaŋ yirda nseŋ nu n sa Ebɔrɛ.

2 Kɔrintebi 10:5

Amo nɛ an kɔ a jija emɔrɔana nɛ kamoowu be kusɔ kama nɛ k bee kuŋ esa kepin Ebɔrɛ be ekpa nseŋ naa kɔ amo a pɔɔ nfɛra fɛso lubiana so a shin nɛ a bee nu a sa Kristo.

2 Kɔrintebi 2:12

Ŋ ka daŋ ba Trowas be kade to nɛ m ba bɔ Kristo be baru lela na, n wu fanɛ kashenteŋto Enyɛnpe bugi kushuŋ na be ekpa.

2 Kɔrintebi 8:4

Bumo gbagba be kasha so nɛ b kule anyi ga fanɛ baa sha fanɛ bumo alɛ gba e nya ekpa nna n tiŋ n chɛ Ebɔrɛ be basa to.

2 Kɔrintebi 9:14

Amoso, b baa kule Ebɔrɛ a sa menyi, bumo be nfɛra wɔ menyi so nna ŋkpal Ebɔrɛ be kuwɔr be kakɛgboŋ damta nɛ Ebɔrɛ ta n sa menyi na so.

Galeeshaebi 1:24

Amoso, b daŋ di Ebɔrɛ epaŋ nna ŋkpal ma so.

1 Timoti 6:12

Pere kenishi a kɔ yirda to be kolu lela na. Baa kɔ ŋkpa nɛ k maŋ kɔ ekar nɛ b tre fo n wɔtɔ kumo to saŋɛ nɛ fo yili basa damta to n ji fo shɛda na to.

1 Timoti 6:13

Ebɔrɛ nɛ e bee sa kusɔ kikɛ ŋkpa nɛ Yesu Kristo nɛ e yili Gomena Pɔnshes Pailat be anishito n ji shɛda lela na be anishito nɛ n yil a kaŋɛ fo fanɛ fo baa nu a sa asɔ nɛ ŋ ŋini fo na kikɛ

Hibruwebi 10:23

Men shin nɛ an baa kɔ anyi be shɛda na to kpakpa nsaa maa gbuŋgbuŋ to, ŋkpal manɛ so, esa nɛ e nase kɔnɔ n sa anyi na maa yɛ asheŋ a chɛrga kɔnɔ kikɛ.

Hibruwebi 13:16

Menyi alɛ e sa maŋ teŋ kebaawora kelela nɛ kebaata menyi be asɔana a chɛ abar to so, ŋkpal manɛ so, loŋ be esarga e naa par Ebɔrɛ.

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

Hibruwebi 4:14

An ka kɔ bɔrɛmatapo nimuso nɛ baa tre mo Yesu, Ebɔrɛ Pibinyɛn, nɛ e yɔ Ebɔrɛ gbagba be anishito na so, men shin nɛ an baa kɔ anyi be yirda nɛ anyee ji kumo be shɛda na be asheŋ to kpakpa.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.

Ruf be kawɔl 2:19

Ndoŋ nna nɛ mo shache Nawomi bishi mo: “Nnɛ nɛ fo yɔ kabre n ya shishi? Nnɛ nɛ fo ya shuŋ? Ebɔrɛ e nɛfa enyɛn kama nɛ e shu fo so le ere!” Nɛ Ruf kaŋɛ mo shache Nawomi esa nɛ e ya shuŋ mbe ndɔ to na be asheŋ. E yɛ: “Kanyɛn nɛ n yɔ mbe ndɔ to na be ketre e la Bowas.”