2 Kɔrintebi 9:12 - EBƆRƐ BE KAWƆL

¹² Ŋkpal manɛ so, kushuŋ nɛ menyee wora ere maa sa Ebɔrɛ be basa asɔ nɛ a daga bumo nawule nna, ama ekpa damtaana so gba nɛ k bee shin nɛ basa bee bɔla a chɔrɔ Ebɔrɛ.

2 Kɔrintebi 9:12 ပူးပေါင်းရင်းမြစ်များ

2 Kɔrintebi 1:11

nɛ menyi alɛ e baa ta men be kabɔrɛkule a kule a chɛ anyi to. Ebɔrɛ malɛ beeŋ nu men be kabɔrɛkule damta nɛ menyee kule a sa anyi na n nɛfa anyi nɛ k shin nɛ basa damta e bugi bumo be nnɔ n di Ebɔrɛ na epaŋ ŋkpal anyi so.

2 Kɔrintebi 1:5

Ŋkpal manɛ so, kananɛ an baa tu Kristo a ji mbe awurfoŋ damta na, loŋ koŋwule na nɛ anyee bɔla Kristo so a nya keleŋto damta gba.

2 Kɔrintebi 8:4

Bumo gbagba be kasha so nɛ b kule anyi ga fanɛ baa sha fanɛ bumo alɛ gba e nya ekpa nna n tiŋ n chɛ Ebɔrɛ be basa to.

2 Kɔrintebi 9:1

Kashenteŋto, naniere a maŋ naŋ daga ŋ ka naŋ sibɛ menyi ŋ kaŋɛ kechɛ Ebɔrɛ be basa to be kushuŋ ere be asheŋ.

Filipaiebi 2:25

Mee fɛ nna fanɛ a daga fanɛ n naŋ shin nɛ Epafrodaites e bɛta n yɔ menyi kutɔ. E la ŋ kurgepo nɛ m barkasa eshumpo nɛ m barkasa ekɔpo nɛ mo koŋwule na naa la men be kabɔ nɛ men shuŋi mo fanɛ e ba kaa chɛ ma to ashi ma asheŋ tirso to na.

1 Jɔn 3:17

Ama esa kama nɛ e kɔ durnya ere to be asɔ nseŋ wu fanɛ mo niopibi daga kechɛto, mo alɛ nseŋ ti mbe kagbene a maŋ chɛ mo to, nuso nɛ Ebɔrɛ be kasha bee wora a chena esa na wura to?