2 Kɔrintebi 9:10 - EBƆRƐ BE KAWƆL

¹⁰ Ebɔrɛ nɛ e bee sa bedɔpo asɔ duuso nɛ baa duu nseŋ naa sa menyi kusɔ jiso koŋwule na e naaŋ sa menyi asɔ duuso kikɛ n shin nɛ a wora keshi n ti so nseŋ shin nɛ men nya kasɔteŋi damta ashi men be kelela to.

2 Kɔrintebi 9:10 ပူးပေါင်းရင်းမြစ်များ

Jɛnesis 47:19

Amoso wora kusɔ ko nɛ an sa maŋ wu fo anishito ŋko n shin nɛ anyi be nsawule e baa dese jiga loŋ. Amoso tɔ anyi nseŋ sa anyi asɔ duuso nɛ an duu, saŋɛ na so anyi nɛ anyi be nsawule kikɛ beeŋ ki ewura Fɛɛro peya.”

Aŋasa 11:18

Belubiworapo maa nya tɔnɔ kikɛ, ama esa nɛ e bee wora kelela bre maaŋ paŋ kumo be tɔnɔ kikɛ.

Kaŋinichiŋgeliŋ 11:6

Baa wule a koso kachipurdidi n ya kaa duu fo asɔduu nsaa pere kenishi a shuŋ a tɔr epeŋi. Ŋkpal manɛ so fo maaŋ tiŋ m pin fanɛ kachipurso peya na ŋko kaaseso peya na e naaŋ wora n lar tɔnɔ n sa fo.

Aizaaya 55:10

Ma mmalga du fanɛ bunyaŋ nɛ bɔrɛchu nɛ a bee shi awɔlpa to a ba, a shin nɛ kasawule so bee nya kayul nna. Kananɛ bunyaŋ nɛ bɔrɛchu bee shin nɛ basa bee nya a ji nsaa nya asɔduuso a du na,

Hoziya 10:12

Le nɛ meeŋ kaŋɛ bumo: Men fin nsawule popɔr n dɔ n duu kashenteŋji be asɔduuso. Loŋ nɛ menyeeŋ teŋi nɛfa ŋkpal men ka bee shuŋ ma so. Jemanɛ nɛ k daga fanɛ men ta men be amu n sa men Nyɛnpe Ebɔrɛ na fo. Nɛ men wora loŋ, ma alɛ beeŋ chulgi ma nɛfa n wurge menyi so.

Matiu 6:1

“Men baa da so nɛ men maa shuŋ men be kabɔrɛshuŋana basa be anishito nɛ b baa wu menyi. Nɛ mannɛ aloŋ, men maaŋ nya kechɔrɔ kikɛ ashi men Tuto nɛ e wɔ ebɔrɛso na kutɔ.

2 Kɔrintebi 9:12

Ŋkpal manɛ so, kushuŋ nɛ menyee wora ere maa sa Ebɔrɛ be basa asɔ nɛ a daga bumo nawule nna, ama ekpa damtaana so gba nɛ k bee shin nɛ basa bee bɔla a chɔrɔ Ebɔrɛ.

2 Kɔrintebi 9:6

Men baa nyiŋi fanɛ esa kama nɛ e bee duu asɔ miiriso, beeŋ teŋi miiriso be asɔ nna nɛ esa kama malɛ nɛ e bee duu asɔ damaso beeŋ teŋi asɔ damaso nna.

Galeeshaebi 3:5

Men ka bee bɛ mbra na so so nɛ Ebɔrɛ bee sa menyi mbe Kiyoyu na nsaa wora emamachisheŋ menyi to nna ŋko men ka bee nu baru lela na nsaa yirda kumo na so nɛ e bee wora loŋ a?

Ɛfesesebi 5:9

Ŋkpal manɛ so, esa baa wɔ kefulto na to, alelasheŋ be yiri kikɛ nɛ asheŋ niŋiso nɛ kashenteŋ e naa lar mo to.

Filipaiebi 1:11

Nɛ menyi alɛ baa wɔ loŋ be kebaawɔtɔ to, kashenteŋ be edalelasheŋ nɛ a shi Yesu Kristo nawule kutɔ e naaŋ bɔlɔ menyi to nɛ basa e ta kemaŋkura nɛ epaŋ be kedi n sa Ebɔrɛ.

Filipaiebi 4:17

Mannɛ fanɛ mee sha kechɛto nna so nɛ mee malga le ere, ama nɛfa nɛ mee sha fanɛ Ebɔrɛ e ta n ti menyi so so.

1 Tɛsalɔnikaebi 3:12

Enyɛnpe na e shin nɛ men be abar be kasha nɛ basa kikɛ be kasha e baa wora keshi menyi to a ti so n ya fo kananɛ anyee sha menyi na.

1 Tɛsalɔnikaebi 4:10

Kashenteŋ nɛ menyee ŋini beyirdapo nɛ b wɔ Masɛdonia kikɛ na men be kasha. Amoso, an kurgepoana, men pere kenishi n nya kasha nɛ k beeŋ baa chɔ kumo nɛ men kɔ ere.