2 Kɔrintebi 8:8 - EBƆRƐ BE KAWƆL

⁸ Mannɛ fanɛ mee nase kamalga ko nna a sa menyi, ama mee wora menyi nna a keni nsaa ta men be kasha a ber basa ko be kagbene koŋwule be kebaawɔtɔ so nɛ m pin fanɛ men be kasha na la kashenteŋ peya nna a.

2 Kɔrintebi 8:8 ပူးပေါင်းရင်းမြစ်များ

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

1 Kɔrintebi 7:12

Basa nɛ b ka malɛ kikɛ, le nɛ ŋ kɔ a kaŋɛ bumo, ma e naa kaŋɛ, mannɛ Enyɛnpe, fanɛ ekurgepo kama nɛ e kɔ eche mo nɛ e maŋ la eyirdapo, nɛ eche na bee sha mo nɛ mbe kebaawɔtɔ, ekurgepo na e sa maŋ kaŋ kini mo.

1 Kɔrintebi 7:25

To, naniere men shin nɛ an keni bumo nɛ b maŋ naŋ luri kakil to na be asheŋ to. Enyɛnpe maŋ ta kamalga naseso nɛ k bee yɔ bumo be kaplɛa so n sa ma, ama meeŋ kaŋɛ menyi kusɔ nɛ ma nɛ n la esa nɛ baaŋ tiŋ n yirda ŋkpal Enyɛnpe na be kuwɔr so na gbagba be nfɛra bee kaŋɛ ma.

1 Kɔrintebi 7:6

Asheŋ nɛ mee kaŋɛ ere maa ŋini fanɛ mee sa menyi mbra nna fanɛ men luri kakil to, ama m baa kaŋɛ nna fanɛ nɛ men wora loŋ, k maŋ lubi.

2 Kɔrintebi 6:6

An bɔla an be kebaawɔtɔ nɛ k maŋ kɔ eyurpi so nɛ anyi be kanyiasheŋ so nɛ anyi be kanyitiso nɛ anyi be kebaala basa so ŋ ŋini fanɛ an la Ebɔrɛ be beshumpo nna ashi Kiyoyu Cheeŋ nɛ kashenteŋ be kasha to.

2 Kɔrintebi 8:10

Kusɔ nɛ ma nfɛra bee sa ma ashi kesheŋ ere to nde fanɛ: Kusɔ nɛ k walɛ fanɛ men wora e la fanɛ men loge kusɔ nɛ men fara kewora kafɛnde na. Menyi e baa la bumo nɛ b baa maŋ juŋkpar n wora kusɔ na nawule, ama bumo nɛ b juŋkpar n sha kewora kumo gba.

2 Kɔrintebi 8:24

Amoso, men ŋini bumo kasha, saŋɛ na so asɔriana na kikɛ beeŋ wu kumo geeŋ nseŋ pin fanɛ mannɛ jiga nna nɛ anyee puchi menyi so.

2 Kɔrintebi 9:2

Ŋkpal manɛ so, n nyi kananɛ men bugi kagbene a sha kechɛto, ma alɛ bee ji men be loŋ be njɔŋ a sa Masɛdoniaebi a kaŋɛ bumo fanɛ kafɛnde kikɛ nɛ menyi nɛ men wɔ Akaya ere fara n wora shiriya. Loŋ be kagbene koŋwule be kushuŋ malɛ sa galeŋga nfɛra nɛ b fara a wora kusɔ ko.

2 Kɔrintebi 9:7

Kanaŋkama nɛ ekama fɛ mbe kagbene to fanɛ e beeŋ sa, e sa nsaa maa shin nɛ k naa besa mo ŋko a wora fanɛ b kaa bee tintiŋ mo na, ŋkpal manɛ so, esa nɛ e bee sa kagbenefuliso nɛ Ebɔrɛ bee sha.

Ɛfesesebi 4:15

Ama anyeeŋ baa la basa nɛ baa ji abar kashenteŋ kashaso, loŋ na nɛ anyeeŋ yɔ anishito ashi kebɛso na to n duli Kristo nɛ e la an be kumu na ekpa kama so nyam.

Ɛfesesebi 6:24

Ebɔrɛ be kuwɔr be kakɛ e baa wɔ bekama nyam nɛ b kɔ kasha nɛ k maa loge a sha an Nyɛnpe Yesu Kristo na so.

Hibruwebi 10:24

Men shin nɛ an baa nyiŋi a leŋ abar to a wɔtɔ kasha nɛ aworbi lela to.

Joshuwa 24:14

Kumo be kaman nɛ Joshuwa naŋ kaŋɛ: “Amoso, men baa ŋana Enyɛnpe Ebɔrɛ na nsaa shuŋ mo nɛnɛ kashenteŋto. Men ta men nananyɛnana be agbir nɛ b daa shuŋ saŋɛ nɛ b daa wɔ Yufreetes be lɔr be kaba ndoŋ nɛ Ijipt be kasawule so na kikɛ n lɛ nsaa shuŋ Enyɛnpe Ebɔrɛ na nawule.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.