2 Kɔrintebi 8:6 - EBƆRƐ BE KAWƆL

⁶ Amoso, an kule Taites mo nɛ e teŋ fara le be kushuŋ ere na ga nna fanɛ e baa kraa wɔ kumo to loŋ a chɛ menyi to n ya loge men be le be kasha be kushuŋgboŋ ere.

2 Kɔrintebi 8:6 ပူးပေါင်းရင်းမြစ်များ

Ashuŋ Shunso 24:17

Ŋ ka lar Jerusalɛm kumo be nfɛ damta nde kabre, nɛ n naŋ bɛta n ta amansherbi nɛ n ya kɛ ma basa nseŋ lara sarga.

Romebi 15:25

Naniere bre, ma aya kraa wɔ Jerusalɛm be ekpa to nna ŋkpal Ebɔrɛ be basa nɛ b wɔ ndoŋ so.

2 Kɔrintebi 12:18

Taites nɛ n daŋ kule fanɛ e yɔ menyi kutɔ nseŋ shuŋi ekurgepo mo na fanɛ e shuŋi mo n yɔ. To, menyee fɛ fanɛ Taites e daŋ ji menyi so nna ŋko nuso? Ma nɛ Taites kikɛ maŋ kɔ nfɛra koŋwule nɛ kebaawɔtɔ koŋwule nna a?

2 Kɔrintebi 2:13

Ama ma kagbene daa maŋ dese ma kuraa ŋkpal ŋ ka daa maŋ tu an kurgepo Taites na so. Amoso, n daŋ kela ndoŋebi na nna nseŋ yɔ Masɛdonia.

2 Kɔrintebi 8:10

Kusɔ nɛ ma nfɛra bee sa ma ashi kesheŋ ere to nde fanɛ: Kusɔ nɛ k walɛ fanɛ men wora e la fanɛ men loge kusɔ nɛ men fara kewora kafɛnde na. Menyi e baa la bumo nɛ b baa maŋ juŋkpar n wora kusɔ na nawule, ama bumo nɛ b juŋkpar n sha kewora kumo gba.

2 Kɔrintebi 8:19

Ade malɛ be kaman mo nɛ asɔriana na kikɛ lara fanɛ e tu anyi n nite anyi be kasha be kushuŋ be enite nɛ anyee nite ere to nɛ an maŋkura Enyɛnpe gbagba na nseŋ naŋ ŋini ekama kananɛ an bugi kagbene a chɛ basa to.

2 Kɔrintebi 8:23

Taites bre, m barkasa nna nɛ ma nɛ mo bee shuŋ nɛ an chɛ menyi to. Ama bekurgepo mo nɛ b tu mo a yɔ na bre, asɔriana na be katelamu to nɛ b yil a yɔ menyi kutɔ na a sa Kristo na kemaŋkura.

2 Kɔrintebi 8:4

Bumo gbagba be kasha so nɛ b kule anyi ga fanɛ baa sha fanɛ bumo alɛ gba e nya ekpa nna n tiŋ n chɛ Ebɔrɛ be basa to.

2 Kɔrintebi 9:5

Amoso nɛ n wu fanɛ a daga fanɛ n shin nɛ bekurgepoana ere e juŋkpar ma n yɔ men kutɔ n ya shin nɛ men bela men be kakɛ gboŋgboŋi nɛ men nase kɔnɔ fanɛ menyeeŋ sa na n yili. Saŋɛ na so, kakɛ na beeŋ baa yil fanɛ kashaso be kakɛ, mannɛ fanɛ kanyaŋso be kakɛ.

Filipaiebi 4:18

Men teŋ sa ma kusɔ kama nɛ k daga hale a chɔ kananɛ mee sha gba. Ŋ ka wu men be kakɛ nɛ Epafrodaites bar na, a bɔlɔ ma kenishi tain. K du fanɛ sarga lela nna, nɛ k bee par Ebɔrɛ nɛ kumo be efɛa wɔ ebel ga.

1 Pita 4:10

Kiyoyu Cheeŋ be kakɛ kama nɛ ekama kɔ, e baa ta loŋ be kakɛ na a shuŋ mo braana fanɛ kenya lela nɛ b ta Ebɔrɛ be kuwɔr be kakɛ damtaana m bɔɔ mo enɔ.