2 Kɔrintebi 8:5 - EBƆRƐ BE KAWƆL

⁵ B wora m baŋ kusɔ nɛ an daa tama so, ŋkpal manɛ so, kusɔ nɛ k juŋkpar e la fanɛ b ta bumo be amu n sa Enyɛnpe na nseŋ naŋ bɔla Ebɔrɛ be eleŋ so n ta bumo be amu m bɔɔ anyi alɛ gba enɔ.

2 Kɔrintebi 8:5 ပူးပေါင်းရင်းမြစ်များ

1 Kronikɛls 12:18

Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

2 Kronikɛls 30:12

Ebɔrɛ daŋ shuŋ mbe kushuŋ ashi Juda nna nseŋ leŋ basa na to nɛ b nya kɔnɔkoŋwule a wora ania a wora mo kasonu nsaa bɛ ewura na nɛ mbe benimuana na malɛ be mbra so.

2 Kronikɛls 30:8

Menyi ere e sa maŋ wora amu kpakpaso fanɛ kananɛ men nananyɛnana daŋ wora na, ama men baa nu a sa Enyɛnpe Ebɔrɛ na. Men ba men Nyɛnpe Ebɔrɛ be bɔrɛlambu cheembi nɛ k wɔ Jerusalɛm na to m ba bunyaŋ mo saŋɛ na so e maaŋ naŋ nya agbo n wɔtɔ menyi.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Romebi 6:13

Menyi alɛ e sa maŋ naa shin nɛ menyi be eyurana be mba kama malɛ gba e naa wora kulubi nɛ men baa kɔ loŋ be kaba na a wora edalubisheŋ. Kusɔ nɛ k daga fanɛ men wora e la fanɛ men ta menyi be amu m bɔɔ Ebɔrɛ enɔ fanɛ basa nɛ b shi luwu to m ba luri ŋkpa to. Men ta menyi be eyurana kikɛ m bɔɔ mo enɔ nɛ e ta n shuŋ ashuŋ lela.

1 Kɔrintebi 1:1

Kawɔl ere shi ma Pɔɔl nɛ Ebɔrɛ kpal mo gbagba be keparso n tre ma fanɛ m ba ki Kristo Yesu be eshumpo na nɛ an kurgepo Sɔstenis kutɔ nna a yɔ Ebɔrɛ be asɔriebi nɛ b wɔ Kɔrint be kade to na kutɔ.

2 Kɔrintebi 4:5

Ŋkpal manɛ so, mannɛ anyi gbagba be asheŋ be baru nɛ anyee bɔ, Yesu Kristo be baru nɛ anyee bɔ a kaŋɛ fanɛ mo e la Enyɛnpe na nɛ anyi alɛ la men be beshumpo ŋkpal Yesu so.

2 Kɔrintebi 8:1

To, an kurgepoana, naniere anyee sha fanɛ men pin kuwɔr be kakɛ mo nɛ Ebɔrɛ sa Masɛdonia be asɔriana na be asheŋ nna.

1 Samuɛl 1:28

Amoso mee ta mo nna a sa Enyɛnpe Ebɔrɛ nɛ e ba la mo ere Enyɛnpe Ebɔrɛ be kayɛrbi mbe ŋkpa to kikɛ.” Ndoŋ nna nɛ b bunyaŋ Enyɛnpe Ebɔrɛ na.