2 Kɔrintebi 8:23 - EBƆRƐ BE KAWƆL

²³ Taites bre, m barkasa nna nɛ ma nɛ mo bee shuŋ nɛ an chɛ menyi to. Ama bekurgepo mo nɛ b tu mo a yɔ na bre, asɔriana na be katelamu to nɛ b yil a yɔ menyi kutɔ na a sa Kristo na kemaŋkura.

2 Kɔrintebi 8:23 ပူးပေါင်းရင်းမြစ်များ

Luuk 5:10

Loŋ koŋwule na nɛ Jeems nɛ Jɔn, Zɛbedi be mbia nɛ b daa la Saimɔn mo braana na gba daŋ ŋini. Nɛ Yesu kaŋɛ Saimɔn: “Sa maa lɔ kufu, ŋkpal manɛ so, yili kabre a yɔ menyeeŋ baa keta basa a ba ma kutɔ.”

Luuk 5:7

Nɛ b wora bumo braana nɛ b daa wɔ ekuloŋ mo na to na enɔ nɛ b ba chɛ bumo to. B ka ba chɛ bumo to n lara ekɔrɔtɔ na ashewu na to n wɔtɔ ekuloŋ anyɔ na to nɛ a bɔlɔ a shin nɛ a muni.

Baru lela nɛ Jɔn kute na 13:16

Kashenteŋ nɛ mee ji menyi na fanɛ kenya maŋ chɔ mo nyɛnpe, kabɔ kama malɛ maŋ chɔ esa nɛ e shuŋi mo na.

1 Kɔrintebi 11:7

A maŋ daga enyɛn bre ka ta kusɔ ko m buu mbe kumu so, ŋkpal manɛ so, e la Ebɔrɛ be kaduli nɛ Ebɔrɛ be kemaŋkura nna. Ama eche bre la enyɛn be kemaŋkura nna.

2 Kɔrintebi 12:18

Taites nɛ n daŋ kule fanɛ e yɔ menyi kutɔ nseŋ shuŋi ekurgepo mo na fanɛ e shuŋi mo n yɔ. To, menyee fɛ fanɛ Taites e daŋ ji menyi so nna ŋko nuso? Ma nɛ Taites kikɛ maŋ kɔ nfɛra koŋwule nɛ kebaawɔtɔ koŋwule nna a?

2 Kɔrintebi 7:6

Ama Ebɔrɛ nɛ e bee wushi kagbenejijawuraana na, wushi anyi be ŋgbene ŋkpal Taites ka ba so.

2 Kɔrintebi 8:16

Mee chɔrɔ Ebɔrɛ ga ŋkpal e ka ta kagbene koŋwule be kasha mo nɛ an kɔ a sa menyi na n wɔtɔ Taites be kagbene to so.

2 Kɔrintebi 8:18

Esa nɛ anyee shuŋi n ti mo so e la ekurgepo mo nɛ e kɔ ketre ashi asɔriana na kikɛ to ŋkpal mbe baru lela na be kebɔ so.

2 Kɔrintebi 8:19

Ade malɛ be kaman mo nɛ asɔriana na kikɛ lara fanɛ e tu anyi n nite anyi be kasha be kushuŋ be enite nɛ anyee nite ere to nɛ an maŋkura Enyɛnpe gbagba na nseŋ naŋ ŋini ekama kananɛ an bugi kagbene a chɛ basa to.

2 Kɔrintebi 8:22

Esa nɛ an naŋ shuŋi n ti bumo so e la an kurgepo mo nɛ an wora ale damta ŋ keni n wu fanɛ e kɔ kagbene koŋwule be kasha ashi asheŋ damta to nna. Mo alɛ be loŋ be kagbene koŋwule be kebaawɔtɔ na naŋ wora keshi nna n ti so ŋkpal mbe yirdagboŋ nɛ k wɔ menyi so na so.

2 Kɔrintebi 8:6

Amoso, an kule Taites mo nɛ e teŋ fara le be kushuŋ ere na ga nna fanɛ e baa kraa wɔ kumo to loŋ a chɛ menyi to n ya loge men be le be kasha be kushuŋgboŋ ere.

Filipaiebi 2:25

Mee fɛ nna fanɛ a daga fanɛ n naŋ shin nɛ Epafrodaites e bɛta n yɔ menyi kutɔ. E la ŋ kurgepo nɛ m barkasa eshumpo nɛ m barkasa ekɔpo nɛ mo koŋwule na naa la men be kabɔ nɛ men shuŋi mo fanɛ e ba kaa chɛ ma to ashi ma asheŋ tirso to na.

Filipaiebi 4:3

Mee kule fo, ma kagbene koŋwuleso be echɛtopo fanɛ fo chɛ bumo beche anyɔ na to, ŋkpal manɛ so, b chɛ ma to n shuŋ baru lela na be kebɔ be kushuŋ na ga. Bumo nɛ Klɛment nɛ m braana beshumpo nɛ bumo be atre wɔ Ebɔrɛ be ŋkpa be kawɔl na to na kikɛ nna.

Kɔlɔsiebi 1:7

Epafras, an barkasa kebɔrɛnya shaso ŋini menyi kananɛ Ebɔrɛ kɛ basa mbe kuwɔr be kakɛ na. Mo e la Yesu Kristo be eshumpo kagbene koŋwuleso a yil an be katelamu to nna.

1 Tɛsalɔnikaebi 2:2

Men nyi kananɛ b tɔrɔ anyi n tege anyi ashi Filipai pɔɛŋ nɛ an ba menyi kutɔ ashi Tɛsalɔnika. Kɔnɔgberge damta daa wɔtɔ, ama anyi be Ebɔrɛ sa anyi kenyɛn nɛ an bɔ kubɔya lela nɛ k shi mo kutɔ na n sa menyi.

2 Timoti 4:10

Diimas bre luri durnya to be ayɛlgasɔ to nseŋ shile ma n yɔ Tɛsalɔnika. Krɛsent yɔ Galeesha nɛ Taites malɛ yɔ Dalmeesha.

Taites 1:4

Mee sibɛ kawɔl ere nna a sa fo Taites, m pibi kashenteŋto ashi yirda koŋwule nɛ an kɔ na to. Ebɔrɛ be kuwɔr be kakɛ nɛ kagbenewushi nɛ a shi Ebɔrɛ Etuto nɛ an be Emɔlgapo Kristo Yesu kutɔ na e baa wɔ fo to.

Failimɔn 1:17

Amoso, nɛ fo baa nyi fanɛ ma nɛ fo la kukoŋwule nna, kumo ere fo sɔ mo fanɛ kananɛ fo daa beeŋ sɔ ma gbagba.

Failimɔn 1:24

Maak gba nɛ Aristaakes nɛ Diimas nɛ Luuk nɛ bumo kikɛ la m braana beshumpo na bee chɔrɔ fo.

3 Jɔn 1:8

Amoso, loŋ be basa e daga fanɛ anyi alɛ e baa chɛ bumo to, saŋɛ na so anyi nɛ bumo beeŋ baa chɛ abar to kashenteŋ be keŋini be kushuŋ na to.