2 Kɔrintebi 8:12 - EBƆRƐ BE KAWƆL

¹² Ŋkpal manɛ so, nɛ esa baŋ bugi kagbene n yili kumo fanɛ e beeŋ sa, kumo ere kusɔ nɛ amodoŋwura kɔ so nɛ Ebɔrɛ beeŋ yili n sɔ loŋ be kakɛ na, mannɛ kusɔ nɛ e maŋ kɔ so.

2 Kɔrintebi 8:12 ပူးပေါင်းရင်းမြစ်များ

2 Kronikɛls 6:8

ama le nɛ Enyɛnpe Ebɔrɛ na daŋ kaŋɛ mo: ‘Fo ka yɛ feeŋ pɔr bɔrɛlambu n sa ma ere, k kɔ ekpa ga,

Ɛksodɔs 25:2

“Kaŋɛ Israɛlebi na fanɛ b bar ma ŋkɛ ashi bumo be kagbene to nɛ fo sɔ amo n sa ma.

Ɛksodɔs 35:24

Bekama malɛ nɛ b daa beeŋ tiŋ n nya gbiti ŋko danyaŋ daŋ bar amo m ba sa Enyɛnpe Ebɔrɛ fanɛ bumo be kakɛ, ekama malɛ nɛ e daa kɔ akasiadibi nɛ k beeŋ tiŋ n shuŋ kushuŋ na gba daŋ bar kumo.

Ɛksodɔs 35:29

Israɛlebi na be benyɛn nɛ beche nɛ b daa sha nɛ b chɛ kushuŋ na to na, daa bar bumo be ŋkɛ nna fanɛ b ta n shuŋ Enyɛnpe Ebɔrɛ na be kushuŋ nɛ e ta n sa Mosis na.

Ɛksodɔs 35:5

‘Men lara kusɔ kama be kakɛ m bar Enyɛnpe Ebɔrɛ na. Esa kama nɛ e yili kumo mbe kagbene to fanɛ e beeŋ bar Enyɛnpe Ebɔrɛ kakɛ, e bar shuwa ŋko gbiti ŋko danyaŋ

Aŋasa 19:22

Kusɔ nɛ dimɛdi bee fin e la kashenteŋji; K baa la etirpo bɔ k baa la efɛpo.

Matiu 25:17

Loŋ koŋwule nɛ emo nɛ e daŋ nya ebɔtɛ anyɔ na gba daŋ wora n nya ebɔtɛ anyɔ n ti so.

Matiu 25:22

Ndoŋ nna nɛ emo nɛ e daŋ nya ebɔtɛ anyɔ na malɛ lar m ba kaŋɛ: ‘Enyɛnpe, ebɔtɛ anyɔ nɛ fo ta m bɔɔ ma enɔ. Keni, n naŋ nya ebɔtɛ anyɔ n ti so.’

Luuk 16:10

Esa nɛ feeŋ tiŋ n yirda n ta kusɔbi n sa mo nɛ e tiŋ ŋ keni kumo so la esa nɛ e beeŋ tiŋ ŋ keni kusɔgboŋ gba so nna. Esa kama malɛ nɛ e kɔ kebirkɔnshi kusɔbi to, beeŋ baa kɔ kebirkɔnshi kusɔgboŋ gba to.

2 Kɔrintebi 8:11

To, naniere mee sha fanɛ men baa kɔ to nna n ya loge kumo. Kananɛ men baŋ bugi kagbene n yili kumo fanɛ menyeeŋ wora kesheŋ na, men naŋ ta loŋ be kagbene n loge kumo. Kusɔ kama malɛ nɛ men kɔ, men ta n wora kumo.

2 Kɔrintebi 8:13

Men baa nyi fanɛ mannɛ fanɛ anyee sha ketɔrɔ menyi nna n shin nɛ beko bre e nu ebel. Ayai, kusɔ nɛ anyee sha e la fanɛ menyi kikɛ e baa sasa.

2 Kɔrintebi 8:19

Ade malɛ be kaman mo nɛ asɔriana na kikɛ lara fanɛ e tu anyi n nite anyi be kasha be kushuŋ be enite nɛ anyee nite ere to nɛ an maŋkura Enyɛnpe gbagba na nseŋ naŋ ŋini ekama kananɛ an bugi kagbene a chɛ basa to.

2 Kɔrintebi 9:7

Kanaŋkama nɛ ekama fɛ mbe kagbene to fanɛ e beeŋ sa, e sa nsaa maa shin nɛ k naa besa mo ŋko a wora fanɛ b kaa bee tintiŋ mo na, ŋkpal manɛ so, esa nɛ e bee sa kagbenefuliso nɛ Ebɔrɛ bee sha.

1 Pita 4:10

Kiyoyu Cheeŋ be kakɛ kama nɛ ekama kɔ, e baa ta loŋ be kakɛ na a shuŋ mo braana fanɛ kenya lela nɛ b ta Ebɔrɛ be kuwɔr be kakɛ damtaana m bɔɔ mo enɔ.