2 Kɔrintebi 8:1 - EBƆRƐ BE KAWƆL

¹ To, an kurgepoana, naniere anyee sha fanɛ men pin kuwɔr be kakɛ mo nɛ Ebɔrɛ sa Masɛdonia be asɔriana na be asheŋ nna.

2 Kɔrintebi 8:1 ပူးပေါင်းရင်းမြစ်များ

Matiu 25:22

Ndoŋ nna nɛ emo nɛ e daŋ nya ebɔtɛ anyɔ na malɛ lar m ba kaŋɛ: ‘Enyɛnpe, ebɔtɛ anyɔ nɛ fo ta m bɔɔ ma enɔ. Keni, n naŋ nya ebɔtɛ anyɔ n ti so.’

Ashuŋ Shunso 11:23

E ka ba ndoŋ m ba wu kananɛ Ebɔrɛ nɛfa basa na nɛ mbe kagbene fuli mo ga nɛ e leŋ bumo kikɛ to fanɛ b bugi bumo be ŋgbene kikɛ kashenteŋto a nu a sa Enyɛnpe na.

Ashuŋ Shunso 16:9

Kumo be kamɔnchɛ be kanyɛso nɛ Pɔɔl ku bɔrɛdare ko n wu Masɛdonia be kanyɛn ko ka yil a kule mo: “Dii a ba Masɛdonia nfe m ba chɛ anyi to!”

Ashuŋ Shunso 24:17

Ŋ ka lar Jerusalɛm kumo be nfɛ damta nde kabre, nɛ n naŋ bɛta n ta amansherbi nɛ n ya kɛ ma basa nseŋ lara sarga.

Romebi 15:26

Masɛdonia nɛ Akaya be efuliana so be asɔriana e yili kumo bumo gbagba be keparso n to amansherbi be toto nɛ n ta n ya sa Ebɔrɛ be basa nɛ b la betirpo a wɔ Jerusalɛm be asɔri to na.

1 Kɔrintebi 15:10

Ama ŋkpal Ebɔrɛ be kuwɔr be kakɛ so nɛ n du kananɛ n du ere na, mo alɛ be kuwɔr be kakɛ mo nɛ k ba ma so ere maŋ la jiga nna. Ama nɛ fo keni to, ma e shuŋ ga a chɔ bumo kikɛ, mannɛ ma gbagba bre, Ebɔrɛ be kuwɔr be kakɛ na e wɔ ma to a shuŋ.

2 Kɔrintebi 11:9

Saŋɛ nɛ n daa wɔ menyi kutɔ na nɛ k ba fanɛ n daa sha kusɔ ko, m maŋ dese menyi so, ŋkpal manɛ so, bekurgepo mo nɛ b daŋ shi Masɛdonia na e daa sa ma kumo. N daa maa sha fanɛ n dese menyi so ekpa kama so, ma alɛ maaŋ dese menyi so kikɛ.

2 Kɔrintebi 9:12

Ŋkpal manɛ so, kushuŋ nɛ menyee wora ere maa sa Ebɔrɛ be basa asɔ nɛ a daga bumo nawule nna, ama ekpa damtaana so gba nɛ k bee shin nɛ basa bee bɔla a chɔrɔ Ebɔrɛ.

2 Kɔrintebi 9:2

Ŋkpal manɛ so, n nyi kananɛ men bugi kagbene a sha kechɛto, ma alɛ bee ji men be loŋ be njɔŋ a sa Masɛdoniaebi a kaŋɛ bumo fanɛ kafɛnde kikɛ nɛ menyi nɛ men wɔ Akaya ere fara n wora shiriya. Loŋ be kagbene koŋwule be kushuŋ malɛ sa galeŋga nfɛra nɛ b fara a wora kusɔ ko.

2 Kɔrintebi 9:4

Ŋkpal manɛ so, nɛ mannɛ aloŋ nna nɛ Masɛdoniaebi ko tu anyi m ba men kutɔ m ba wu fanɛ men maŋ wora shiriya, anishinyɔr beeŋ pɛ anyi ga ŋkpal an ka ji men be njɔŋ ga le so, esa malɛ maŋ naa ji menyi gbagba be anishinyɔr be asheŋ.

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

Kɔlɔsiebi 1:29

Kede so nɛ m baa mɔ ma kumu a ta eleŋ nɛ Yesu Kristo bee sa ma a shuŋ na.

1 Tɛsalɔnikaebi 4:10

Kashenteŋ nɛ menyee ŋini beyirdapo nɛ b wɔ Masɛdonia kikɛ na men be kasha. Amoso, an kurgepoana, men pere kenishi n nya kasha nɛ k beeŋ baa chɔ kumo nɛ men kɔ ere.