2 Kɔrintebi 7:9 - EBƆRƐ BE KAWƆL

⁹ Ama naniere ma kagbene fuli ma nna, mannɛ men be ŋgbene ka daŋ jija na so, ama ma kagbene fuli ma nna ŋkpal men be kagbenejija na ka shin nɛ men lar men be alubi to so. Amoso, men be kagbenejija na daa la kusɔ nɛ Ebɔrɛ yili nna, amoso, menyi maŋ paŋ shɛŋ ashi ekpa kama so ŋkpal anyi so.

2 Kɔrintebi 7:9 ပူးပေါင်းရင်းမြစ်များ

Nshɛ 38:18

Ŋ kaŋɛ fo ma alubi kikɛ, nɛ kananɛ n tuba n lar amo to.

Kaŋinichiŋgeliŋ 7:3

Kagbenejija bɔ emushe, k bee jija anishiakpa ama kumo alɛ be loŋ bee shin nɛ esa bee fɛ nfɛra.

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Matiu 3:8

Men baa wora asheŋ nɛ a bee ŋini fanɛ men lar menyi be alubi to

Luuk 15:10

To, ma e kaŋɛ menyi na fanɛ nɛ esa koŋwule baŋ lar mbe alubi to, Ebɔrɛ be emalaika be ŋgbene beeŋ fuli bumo ga.”

Luuk 15:32

Nɛ kananɛ fo sipo ere ba le ere, a daga fanɛ an ji anyi be amu kagbenefuliso, ŋkpal manɛ so, fo sipo ere daŋ wu nna nseŋ naŋ ba ŋkpa to, e daŋ foe nna, ama an naŋ wu mo.’ ”

Luuk 15:7

To, ma e yɛ menyi na fanɛ nɛ esa koŋwule baŋ lar mbe alubi to, Ebɔrɛ be emalaika be ŋgbene beeŋ fuli mo so ga a chɔ basa adekpanu nɛ akpanu nɛ b kaŋɛ b la belelapo Ebɔrɛ be anishito a maŋ kɔ alubi nɛ b lar amo to na. Ŋko eche mo e naaŋ baa kɔ gbiti be ndarbi kudu nɛ kuko e foe nɛ e maaŋ chɔɔ fitila so nseŋ fige mbe ebu ŋ keni kakpa kikɛ nɛnɛ n fin kumo loŋ hale n ya wu kumo?

Ashuŋ Shunso 20:21

Juwebi nɛ nnyamase kikɛ nɛ n daŋ fiɛ so kpakpa fanɛ b lar bumo be alubi to a bɛ Ebɔrɛ so nseŋ yirda an Nyɛnpe Yesu.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 2:16

Bumo nɛ baa mur na, k la fanɛ kɔrtɔ lubi nna a mɔ, ama bumo nɛ baa nya kumɔlga na bre, k la fanɛ efɛa belbelso nna a bar ŋkpa. To, nɛ wanɛ e naaŋ tiŋ n wora le be kesheŋ ere?

2 Kɔrintebi 7:8

Hale nɛ kawɔl nɛ n sibɛ na daŋ jija men be ŋgbene gba, m maa kaŋɛ fanɛ n daa nyi m maŋ sibɛ kumo. Saŋko bre k daŋ wora ma kanaŋ ko, ŋkpal manɛ so, n wu fanɛ kawɔl na daŋ jija men be ŋgbene, kumo alɛ saŋɛ gbrɛbi ko nɛ k daŋ ta menyi.