2 Kɔrintebi 7:3 - EBƆRƐ BE KAWƆL

³ M maŋ malga kesheŋ nɛ m malga ere nna nɛ n wu menyi kulubi, ŋkpal manɛ so, n teŋ kaŋɛ menyi fanɛ men be asheŋ wɔ anyi be ŋgbene to ga, amoso, anyeeŋ tiŋ a wɔtɔ ŋko n wu n sa menyi.

2 Kɔrintebi 7:3 ပူးပေါင်းရင်းမြစ်များ

2 Kɔrintebi 11:11

Manɛ e ba nɛ ŋ kaŋɛ loŋ ere? Ŋ ka maa sha menyi so a? Ayai, Ebɔrɛ gba nyi ŋ ka bee sha menyi!

2 Kɔrintebi 12:15

Amoso, meeŋ baa sha kemɔ ma kumu n wora kusɔ kama n sa menyi nseŋ tiŋ n shin nɛ b mɔ ma n sa menyi. Nɛ kananɛ m baa sha menyi ga le ere, a daga fanɛ men be kasha nɛ men kɔ a sa ma e baa duga so a?

2 Kɔrintebi 13:10

Amoso nɛ m maŋ wɔ menyi kutɔ nsaa sibɛ menyi na, saŋɛ na so, ŋ kaŋ ba, m maaŋ ta ma eleŋ nɛ Enyɛnpe ta n sa ma fanɛ n ta a chɛ menyi to nɛ men baa yɔ anishito na, mannɛ fanɛ n ta kumo n jija menyi a ŋmenyaŋ menyi na.

2 Kɔrintebi 3:2

Menyi gbagba e la anyi be kawɔl nɛ b sibɛ n deŋi an be ŋgbeneana so nɛ basa kikɛ e baa wu nsaa kraŋ amo.

2 Kɔrintebi 7:12

Amoso, kashenteŋ nna nɛ n sibɛ menyi kawɔl na, ama mannɛ esa nɛ e wora n da so na so ŋko esa nɛ b wora n da mo so na so nɛ n daŋ sibɛ kumo, n daŋ sibɛ kumo nna nɛ men pin ashi Ebɔrɛ be anishito fanɛ kananɛ men be ŋgbene wɔ anyi so.

Filipaiebi 1:7

Saŋkama men be asheŋ baa wɔ ma kagbene to nna, amoso, k baŋ dii efuli nna fanɛ meeŋ baa fɛ le be nfɛra ere a yɔ men be kaplɛa so. Ŋkpal manɛ so, men kikɛ tu ma nna n nya kuwɔr be kakɛ nɛ Ebɔrɛ sa ma naniere ashi ma kabuti ere to nɛ saŋɛ nɛ n daa wɔ ma kumu a wɔtɔ a kɔ a fin baru lela na be kelela nseŋ naa malga a ŋini basa fanɛ kashenteŋ wɔ Kristo to na.

1 Tɛsalɔnikaebi 2:8

Mannɛ fanɛ baru lela nɛ k shi Ebɔrɛ kutɔ na nawule nɛ an daŋ bugi kagbene n sa menyi, ama an daŋ ta an be amu kikɛ gba nna n sa menyi kashaso, ŋkpal manɛ so, men be asheŋ daa wɔ an be ŋgbene to ga.