2 Kɔrintebi 7:2 - EBƆRƐ BE KAWƆL

² Men shin nɛ an be asheŋ e baa wɔ men be ŋgbene to. Anyi maŋ wora esa kikɛ kulubi, anyi maŋ jija esa kama, anyi alɛ maŋ naŋ ta esa kama n nyalɛ.

2 Kɔrintebi 7:2 ပူးပေါင်းရင်းမြစ်များ

Nɔmbɛs 16:15

Ndoŋ nna nɛ Mosis nya agbo ga nseŋ kaŋɛ Enyɛnpe Ebɔrɛ le: “Sa maŋ kaŋ sɔ sarga nɛ basa ere kɔ a bar fo ere. M maŋ wora bumo be ekama kulubi. Ma alɛ maŋ sɔ esa kama be kurma.”

Matiu 10:14

Nɛ kowu kama ŋko kade kama malɛ to nɛ men yɔ nɛ b maŋ sɔ menyi ŋko ŋ kini kenu men be kubɔya na, men lar ŋ gbaŋgbaŋ men be aya to be shishɛr n lɛ bumo.

Matiu 10:40

“Ekama nɛ e sɔ menyi, sɔ ma nna na. Nɛ ekama malɛ nɛ e sɔ ma, sɔ emo nɛ e shuŋi ma na nna na.

Luuk 10:8

Kade kama to nɛ men yɔ nɛ b sɔ menyi, men ji kusɔ kama nɛ b sa menyi

Ashuŋ Shunso 20:33

M maŋ yɛlga esa kama be gbiti ŋko shuwa ŋko asɔbuuso.

Romebi 16:18

Ŋkpal manɛ so, mannɛ an Nyɛnpe Yesu Kristo na nɛ loŋ be basa na bee shuŋ na, bumo gbagba be epunana nɛ baa shuŋ a sa. Kɔnɔ belbelso nɛ ŋkpaŋ fuloŋ nɛ b kɔ a fule basa nɛ b maŋ nyi asheŋ to.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 11:16

Men shin nɛ n naŋ lɔŋɛ ŋ kaŋɛ menyi fanɛ ekama e sa maŋ kaŋ tre ma ewulpo kikɛ. Nɛ ekama nɛ e tre ma loŋ gba, amodoŋwura e baa kɔ ma to loŋ, saŋɛ na so meeŋ nya ekpa gbrɛ m puchi.

2 Kɔrintebi 11:9

Saŋɛ nɛ n daa wɔ menyi kutɔ na nɛ k ba fanɛ n daa sha kusɔ ko, m maŋ dese menyi so, ŋkpal manɛ so, bekurgepo mo nɛ b daŋ shi Masɛdonia na e daa sa ma kumo. N daa maa sha fanɛ n dese menyi so ekpa kama so, ma alɛ maaŋ dese menyi so kikɛ.

2 Kɔrintebi 4:2

Naniere, an yige wulo to be asheŋ nɛ anishinyɔr be ekpaana. Anyi maa ta kafule a wora asheŋ, anyi alɛ maa chɛrga Ebɔrɛ be kamalga na. Ama kashenteŋ nɛ an lara n dii efuli. Loŋ malɛ, ekama be nfɛra fɛso beeŋ ŋini mo fanɛ an walɛ nna ashi Ebɔrɛ be anishito.

Filipaiebi 2:29

Amoso, men ta kagbenefuli kikɛ n sɔ mo fanɛ ekurgepo ashi Enyɛnpe to. Ekama malɛ nɛ e du fanɛ mo, men sa amodoŋwura bunyaŋ, ŋkpal manɛ so, a daŋ ka gbrɛbi nɛ e wu ŋkpal Kristo be kushuŋ na so.

Kɔlɔsiebi 4:10

Aristaakes nɛ ma nɛ mo kikɛ wɔ kabuti to nfe ere bee chɔrɔ menyi. Maak, Baanabas mo kurgepo na gba bee chɔrɔ menyi. N daŋ ŋini menyi kananɛ menyeeŋ wora mo. E kaŋ ba ndoŋ, men keni mo so nɛnɛ.

1 Tɛsalɔnikaebi 2:10

Menyi nɛ Ebɔrɛ e la an be eshɛdajipoana. An daa maŋ ta da lubi n tu menyi nɛ men yirda na, anyi be da daa du cheembi a kɔ kashenteŋ nna.

Failimɔn 1:12

Mee bɛta mo nna a bar fo a sha fo ka pin fanɛ ma ere kutɔ ŋ gbagba be kaba nɛ mee ta a shoŋi fo na.

Failimɔn 1:17

Amoso, nɛ fo baa nyi fanɛ ma nɛ fo la kukoŋwule nna, kumo ere fo sɔ mo fanɛ kananɛ fo daa beeŋ sɔ ma gbagba.

2 Jɔn 1:10

Esa kama nɛ e ba men kutɔ nsaa maŋ bar le be keŋini ere, men sa maŋ chɔrɔ mo ŋko n sɔ mo n wɔtɔ men peana,