2 Kɔrintebi 7:13 - EBƆRƐ BE KAWƆL

¹³ To, kusɔ nɛ k baŋ leŋ anyi to ga nna na. Ama kusɔ nɛ k ti anyi be keleŋto ere so e la fanɛ anyi be ŋgbene fuli anyi ga ŋkpal Taites be kagbenefuliso Mbe kagbene baŋ fuli mo nna ŋkpal men kikɛ ka daŋ wushi mo kagbene so.

2 Kɔrintebi 7:13 ပူးပေါင်းရင်းမြစ်များ

Romebi 12:15

Men baa tu bumo nɛ bumo be ŋgbene fuli a shin nɛ menyi be ŋgbene e baa fuli nsaa tu bumo nɛ baa shu malɛ a shu.

Romebi 15:32

Saŋɛ na so nɛ k la Ebɔrɛ be kepar nɛ m ba menyi kutɔ nɛ kagbenefuli, nɛ ma nɛ menyi kikɛ be keba abar so e leŋ anyi to.

1 Kɔrintebi 12:26

Eyur na be kaba koŋwule baa wu ebesa, eyur na kikɛ bee wu ebesa nna, kaba koŋwule malɛ baa nya bunyaŋ, mba na kikɛ bee nya kagbenefuli nna.

1 Kɔrintebi 16:13

Men baa da so a yil men be yirda na to kpakpa a kɔ kenyɛn nseŋ naa kɔ eleŋ.

1 Kɔrintebi 16:18

Ŋkpal manɛ so, b leŋ ma to nseŋ leŋ menyi alɛ gba to loŋ. Loŋ be basa na daga fanɛ men baa sa bumo bunyaŋ.

2 Kɔrintebi 2:13

Ama ma kagbene daa maŋ dese ma kuraa ŋkpal ŋ ka daa maŋ tu an kurgepo Taites na so. Amoso, n daŋ kela ndoŋebi na nna nseŋ yɔ Masɛdonia.

2 Kɔrintebi 2:3

N daŋ sibɛ kawɔl na n sa menyi nna, saŋɛ na so, ŋ kaŋ ba, menyi basa nɛ baaŋ shin nɛ ma kagbene e fuli ma na maaŋ jija ma kagbene, ŋkpal manɛ so, m baa kɔ menyi kikɛ be yirda fanɛ ma kagbenefuli la menyi kikɛ be kagbenefuli nna.

2 Kɔrintebi 7:14

N daŋ ji men be njɔŋ n sa mo, kashenteŋto malɛ, men maŋ ta anishinyɔr m mɔ ma. Men nyi fanɛ saŋkikɛ kashenteŋ nɛ anyee malga a sa menyi. Kumo koŋwule na nɛ njɔŋ mo nɛ n ji n sa Taites na bɔla ekpa na.

2 Kɔrintebi 7:15

Mo gbagba malɛ be kasha nɛ e kɔ a sa menyi baa ti so nna ŋkpal kananɛ e bee nyiŋi menyi kikɛ be kasonu so nɛ kananɛ men daŋ ta kufu nɛ kechicha chicha n sɔ mo na so.

2 Kɔrintebi 7:6

Ama Ebɔrɛ nɛ e bee wushi kagbenejijawuraana na, wushi anyi be ŋgbene ŋkpal Taites ka ba so.

Filipaiebi 2:28

Amoso, naniere k baa wɔ ma kagbene to nna nɛnɛ n ti so fanɛ n shin nɛ e ba menyi kutɔ. Saŋɛ na so, men kaŋ wu mo, men be ŋgbene beeŋ naŋ dese menyi nɛ ma alɛ gbagba be kafɔŋ e lar ma to.

2 Timoti 1:16

Enyɛnpe e baa wu Onɛsifɔres be kowu to ebi kuwɔr, ŋkpal manɛ so, e leŋ ma to ale damta. E daa maŋ wora ma kabuti ere be anishinyɔr kikɛ,

Failimɔn 1:20

Amoso, ekurgepo, jande kpal Enyɛnpe na so n wora ma kelela. Leŋ ma to fanɛ fo kurgepo ashi Kristo to.

Failimɔn 1:7

Ekurgepo, kasha nɛ fo kɔ na leŋ ma to ga n shin nɛ ma kagbene fuli ma ga, ŋkpal manɛ so, fo leŋ beyirdapoana na to.

1 Pita 3:8

Kusɔ nɛ k baa wɔtɔ kikɛ e la fanɛ men kikɛ e baa kɔ kɔnɔkoŋwule a wɔ abar so. Men baa shu abar so a kɔ keniopibi be kasha a sha abar nsaa la basa nseŋ naa bar men be amu kaseto.