2 Kɔrintebi 7:10 - EBƆRƐ BE KAWƆL

¹⁰ Ŋkpal manɛ so, kagbenejija mo nɛ k bee par Ebɔrɛ bee bar kagbenechɛrga nna a yɛr esa kumɔlga to, k maa bar ‘n daa nyi’. Ama durnya ere to be kagbenejija bre bee bar luwu nna.

2 Kɔrintebi 7:10 ပူးပေါင်းရင်းမြစ်များ

Jɛnesis 30:1

Jemanɛ ere so kikɛ nɛ Reechel bre maŋ naŋ nya mbia n sa Jeekɔb, amoso e daa kɔ mo da Lia kukɔrkɔ nna nseŋ kaŋɛ Jeekɔb le: “Sa ma alɛ gba mbia, nɛ mannɛ aloŋ, meeŋ wu.”

2 Samuɛl 12:13

Ndoŋ nna nɛ ewura Deevid kaŋɛ Neetan le: “N wora kulubi ŋ gbiti Enyɛnpe Ebɔrɛ.” Nɛ Neetan kaŋɛ le: “Enyɛnpe Ebɔrɛ gba ta fo alubi m paŋ fo, amoso fo maaŋ wu.

2 Samuɛl 13:4

Amoso le nɛ Jonadab daŋ kaŋɛ Amnɔn: “Ewura pibi e la fo, ama mee wu fo saŋkama fanɛ fo maŋ kɔ kagbenefuli. Manɛ e kɔ fo?” Nɛ Amnɔn kaŋɛ le: “N da Absalɔm mo sipoche Tamaa nɛ mee sha.”

2 Samuɛl 17:23

Ahitofɛl ka wu fanɛ b maŋ bɛ mbe kasotoji na so na, nɛ e dii n chena mbe kurma so n yɔ mbe kade to Gilo. E ka koli mbe laŋ to be kusɔ kama abar so n loge, nɛ e ya chɛ efɔl. Kakpa nɛ b puli mo nananyɛnana na nɛ b daŋ puli mo alɛ gba.

1 Bewura 21:4

Nɛ ewura Ahab nya agbo m bɛta n yɔ epe nɛ kagbenejija ŋkpal kusɔ nɛ Nabɔf kaŋɛ mo na so. E ka ba epe nɛ e ba dese ŋ kilgi mbe anishito n shoŋi egbal nseŋ kini keji ajibi.

Nshɛ 38:18

Ŋ kaŋɛ fo ma alubi kikɛ, nɛ kananɛ n tuba n lar amo to.

Aŋasa 15:13

Esa nɛ mbe kagbene fuli maa gbir kenishito, ama kagbenejija bre bee shin nɛ esa be ŋkpa bee barga mo to nna.

Aŋasa 15:15

Kebaawɔtɔ kpakpaso to nɛ betirpo wɔ saŋkama, ama esa nɛ asheŋ bee bɔlɔ kenishi bre be kebaawɔtɔ du fanɛ esa nɛ e bee ji kejigboŋ saŋkama nna.

Aŋasa 17:22

Kebaa du wasawasa bee teŋi esa be ŋkpa so nna; ama saŋkama be kenishitogbir bee ku esa be ŋkpa so manaŋ manaŋ nna.

Aŋasa 18:14

Kagbenefuli bee chɛ to nna a sa esa alenfia ashi kulɔ to; fo baŋ paŋ kumo, kumo ere fo tama loge.

Kaŋinichiŋgeliŋ 7:3

Kagbenejija bɔ emushe, k bee jija anishiakpa ama kumo alɛ be loŋ bee shin nɛ esa bee fɛ nfɛra.

Jɛremaya 31:9

Ma basa beeŋ ta kushu kabɔrɛkule nna a ba, saŋɛ nɛ n juŋkpar bumo m bɛta a ba epe na. Meeŋ juŋkpar bumo m bɔla ekpa nɛ k walɛ nɛ b maaŋ fiti kumo so n yɔ mbombi be nchu ase. Ŋkpal manɛ so, ma e la Israɛl mo tuto nɛ Efrayim malɛ la m pibinyɛn wurkoŋ.”

Ezikɛl 7:16

Bekama nɛ baaŋ ji efute na malɛ beeŋ shile n yɔ abee so fanɛ kufu ka pɛ elepɔ nɛ a firgi n shi ketaŋɛ to n yɔ kebee so na. Ndoŋ nɛ baaŋ ya shu ŋkpal bumo be alubi so.

Jona 3:10

Ebɔrɛ ka wu kusɔ nɛ b wora na nɛ kananɛ b yige bumo be asheŋ lubi nɛ kebaawɔtɔ lubi na, nɛ e wu bumo kuwɔr nsaa maŋ naŋ shin nɛ b mur fanɛ kananɛ e daŋ yili na.

Jona 3:8

Edimɛdi kikɛ e buu kagbenejijaso be asɔbuuso nseŋ shu n tre Ebɔrɛ kenishipreso. Ekama e yige asheŋ lubi be kewora nɛ kebaawɔ kebaawɔtɔ lubi to.

Jona 4:9

Nɛ Ebɔrɛ bishi mo le: “Manɛ so nɛ fo kpal kefeelebi na so a nya agbo?” Nɛ Jona kaŋɛ: “Ŋ kpal kumo so n nya agbo, hale a sha fanɛ n wu gba nna na.”

Matiu 26:75

Epul na to nɛ koshinyɛn boŋ nɛ Pita nyiŋi kusɔ nɛ Yesu daŋ kaŋɛ mo fanɛ: “Pɔɛŋ nɛ koshinyɛn e boŋ, feeŋ chɛ ale asa ŋ kaŋɛ fanɛ fo maŋ nyi ma.” Ndoŋ nna nɛ e lar kowu n ya shu ga.

Luuk 15:10

To, ma e kaŋɛ menyi na fanɛ nɛ esa koŋwule baŋ lar mbe alubi to, Ebɔrɛ be emalaika be ŋgbene beeŋ fuli bumo ga.”

Luuk 18:13

Ndoŋ nna nɛ lamposɔpo na malɛ ya yili kufɔ ŋ kur kumu n yuu kasawule nseŋ bri mbe kagbene so ŋ kaŋɛ: ‘Ebɔrɛ, n la alubiworapo nna, wu ma kuwɔr.’ ”

Ashuŋ Shunso 11:18

B ka nu kamalga na nɛ b yige bumo be kebaraso na nseŋ di Ebɔrɛ epaŋ ŋ kaŋɛ: “Kumo ere, Ebɔrɛ sa nnyamase gba ekpa nɛ b tiŋ n lar bumo be alubi to n nya ŋkpa na.”

Ashuŋ Shunso 3:19

Amoso, men lar menyi be alubi to nseŋ bɛta m ba Ebɔrɛ kutɔ nɛ e kpra menyi be alubi kikɛ n lɛ.

2 Kɔrintebi 12:21

Mee lɔ kufu nna fanɛ ŋ kaŋ ba, ma Ebɔrɛ beeŋ shin nɛ m bar ma kumu kaseto men be anishito nɛ ma kagbene e jija ma ŋkpal basa damta nɛ b wora alubi dra dra na kikɛ nsaa maŋ lar bumo be loŋ be kesakalea be asheŋ na to nɛ kusɔ jigaya be kulubi na to nɛ bumo be eyurpishuŋ nɛ b daŋ wora na kikɛ to so.

2 Kɔrintebi 7:9

Ama naniere ma kagbene fuli ma nna, mannɛ men be ŋgbene ka daŋ jija na so, ama ma kagbene fuli ma nna ŋkpal men be kagbenejija na ka shin nɛ men lar men be alubi to so. Amoso, men be kagbenejija na daa la kusɔ nɛ Ebɔrɛ yili nna, amoso, menyi maŋ paŋ shɛŋ ashi ekpa kama so ŋkpal anyi so.

Hibruwebi 12:17

Menyi alɛ gba nyi fanɛ kumo be kaman e ka daa naa sha kesɔ nɛfa na ashi mo tuto kutɔ, e daa maŋ naŋ nya kumo, ŋkpal manɛ so, e daŋ kɔ kenishipereso nɛ e nya ekpa n chɛrga ashi kusɔ nɛ e daŋ wora na to, ama e daa maŋ naŋ nya kumo be loŋ be ekpa.

1 Samuɛl 30:6

Ndoŋ nna nɛ kagbenejija tɔr Deevid so, nɛ mbe basa be ŋgbene kikɛ kaa bumo ŋkpal b ka paŋ bumo be mbia so. Nɛ baa kaŋɛ fanɛ baaŋ kpa Deevid ajembu m mɔ nɛ Enyɛnpe Ebɔrɛ nɛ e la mbe Ebɔrɛ na leŋ mo to ga.