2 Kɔrintebi 7:1 - EBƆRƐ BE KAWƆL

¹ N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

2 Kɔrintebi 7:1 ပူးပေါင်းရင်းမြစ်များ

2 Kronikɛls 19:9

Le be asheŋ ere nɛ e daŋ kaŋɛ bumo: “Men ba wora men be ashuŋ nɛnɛ ashi kabɔrɛŋana nɛ kashenteŋji be ekpa so.

Nshɛ 119:9

Kebaawora fo kamalga kasonu e naaŋ shin nɛ mbifɔlbi be kebaawɔtɔ e baa walɛ nseŋ niŋi.

Nshɛ 19:9

Kabɔrɛŋana walɛ nna, nsaa beeŋ baa wɔtɔ mbaanaayɔ. Enyɛnpe be mbra na la kashenteŋ nna. Amo alɛ maa wora a foe ekpa.

Nshɛ 51:10

Shin nɛ n nya nfɛra niŋiso nseŋ shin nɛ n naa ji kashenteŋ.

Aŋasa 16:6

Fo baa kɔ kasonu nɛ kashenteŋji, Ebɔrɛ beeŋ ta fo alubi m paŋ fo. Kabɔrɛŋana e naa shin nɛ esa bee ŋana kulubi.

Aŋasa 20:9

Wanɛ e naŋ tiŋ m puchi ŋ kaŋɛ fanɛ mbe nfɛra walɛ nɛ e maŋ wora kulubi?

Aŋasa 30:12

Beko malɛ bee fɛ fanɛ baa wora asheŋ nɛ a niŋi nna ama alubi damta e bɔlɔ bumo to.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Kaŋinichiŋgeliŋ 11:10

Sa maŋ shin kusɔ kama e baa fɔŋ fo ŋko a tɔrɔ fo ashi fo kagbene to, ŋkpal manɛ so, kebifɔlbiya nɛ kumo be asheŋ woraso maa chɛr nsaa choŋ.

Aizaaya 1:16

Men fɔr menyi be eyurana so n nyalɛ so nseŋ yige asheŋ lubi nɛ mee wu menyi kaa bee wora na. Kashenteŋto, men yige alubi be kewora

Aizaaya 55:7

Kumu kpakpasowuraana, men lar menyi be asheŋ lubi to nseŋ chɛrga menyi be nfɛra lubi nɛ menyee fɛ na. Men bɛta m ba Enyɛnpe anyi be Ebɔrɛ na kutɔ, mo e la ewɔrwupo nsaa nya manaŋ a ta alubi a paŋ na.

Jɛremaya 13:27

Ŋkpal manɛ so, e wu fo basa ka wora asheŋ nɛ e kishi nna. Kumo e la fanɛ e wu menyi nɛ menyee shuŋ nnyamase be agbirana ashi abee so nɛ adɔsawule to fanɛ kananɛ enyɛn ko bee yɛlga mo barkasa be eche nsaa shil a chɔ mo so na ŋko fanɛ kananɛ gbaŋɛ nyɛnso bee ju a bɛ gbaŋɛ cheso so na. Asheŋ maaŋ nyalɛ n sa menyi, Jerusalɛm to be basa ere! Jemanɛ mo nɛ menyeeŋ naŋ nyalɛ so a maaŋ naa kɔ eyurpi menyi so?

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Levitikɔs 13:58

Nɛ fanɛ e ka fɔr kumo na, kapuu na maŋ naa wɔ kusɔbuuso na ŋko kechɛbi na ŋko kusɔbɔya be kawɔl na so, e beeŋ naŋ laŋɛ n fɔr kumo nɛ k nyalɛ so daŋkare be ekpa so.”

Matiu 12:33

“Nɛ fo baŋ shuli fanɛ kedibi walɛ, kumo ere kumo be asɔrso gba walɛ, ama nɛ fo baŋ shuli fanɛ kedibi maŋ walɛ, kumo ere kumo be asɔrso gba maŋ walɛ, ŋkpal manɛ so, kedibi kama be asɔrso nɛ baa ta a pin kumo.

Matiu 5:48

A daga fanɛ menyi ere e baa du cheembi fanɛ kananɛ men Tuto Ebɔrɛ nɛ e wɔ ebɔrɛso na du na.

Matiu 5:8

Kagbenefuli la bekama nɛ kulubi kama maŋ wɔ bumo be ŋgbene to na peya nna, ŋkpal manɛ so, baaŋ wu Ebɔrɛ.

Ashuŋ Shunso 9:31

Kumo be kaman nɛ asɔriebi nɛ b daa wɔ Judiya na nɛ Galili nɛ Samɛria na lar bumo be etɔrɔ na to n nya kagbenewushi gbrɛ. Kiyoyu Cheeŋ na e daŋ shin nɛ b daŋ yɔ anishito nseŋ wora keshi n ti so a wɔ Enyɛnpe be kebunyaŋ be kebaawɔtɔ to.

Romebi 5:20

Ebɔrɛ bar mbra na nna nɛ basa be alubi e wora keshi n ti so, ama kanaŋkamaso malɛ nɛ alubi bee wora keshi a ti so, saŋɛ na so nɛ Ebɔrɛ malɛ bee shin nɛ mbe kuwɔr be kakɛ bee wora keshi a ti so a chɔ loŋ.

1 Kɔrintebi 6:20

Ŋkpal manɛ so, kukɔ damta nɛ Ebɔrɛ ka n tɔ menyi. Amoso, men ta men be eyurana ere a maŋkura Ebɔrɛ.

2 Kɔrintebi 1:20

Ŋkpal manɛ so, Ebɔrɛ be nnɔ naseso baa sha a baa shi kanaŋkamaso, amo kikɛ la mm be mmalga nna ashi Kristo to. Amoso, mo so nɛ anyee bɔla a shuli ‘Amɛn’ a ta kemaŋkura a sa Ebɔrɛ.

Ɛfesesebi 2:3

Loŋ malɛ nɛ anyi kikɛ gba daa du saŋko a wɔ amo to a wora anyi be kapɔr lubi ere be aparsheŋ nsaa wora kumo be ayɛlgasɔ a fɛ kumo be nfɛra. Ŋkpal anyi be kapɔr lubi ere so anyi alɛ gba daa du fanɛ ekama nna a wɔ Ebɔrɛ be demuji be agbo to.

1 Tɛsalɔnikaebi 3:13

Loŋ nɛ e beeŋ shin nɛ yirda kpakpaso e baa wɔ men be ŋgbene to nɛ men maaŋ baa kɔ kulubi kikɛ, ama menyeeŋ baa du cheembi ashi an be Ebɔrɛ Etuto na be anishito saŋɛ nɛ an Nyɛnpe Yesu Kristo nɛ bumo nɛ b la mo peya na kikɛ beeŋ ba na.

1 Tɛsalɔnikaebi 4:7

Ebɔrɛ maŋ tre anyi nna nɛ an ba kaa wɔ amɔmɔshiasheŋ to, e tre anyi nna nɛ an ba kaa wɔ kebaawɔtɔ cheembi to.

1 Tɛsalɔnikaebi 5:23

Ebɔrɛ nɛ e bee sa kagbenewushi na e wora menyi cheembi n shin nɛ menyi be amu kikɛ nɛ kiyoyu nɛ kagbene nɛ eyur e lar kulubi kikɛ to jemanɛ nɛ anyi nɛ Enyɛnpe Yesu Kristo beeŋ ya ba na.

Hibruwebi 12:23

Men ba Ebɔrɛ be ewurkoŋ nyɛnsoana nɛ Ebɔrɛ sibɛ bumo be atre n nase ebɔrɛso na be kagbenefuliso be nshɛr to nna na. Men ba Ebɔrɛ nɛ e la basa kikɛ be demujipo na kutɔ nna nseŋ naŋ ba belelapo nɛ e ta bumo be ayoyu ŋ ki cheembi na kutɔ nna na.

Hibruwebi 12:28

Amoso, men shin nɛ an baa chɔrɔ Ebɔrɛ ŋkpal an ka beeŋ nya kuwura mo nɛ k maaŋ tiŋ ŋ gbuŋgbuŋ to na n luri to so. Men shin nɛ an baa bɔla ekpa mo nɛ k bee par Ebɔrɛ so a ta kabɔrɛŋana nɛ kufu a bunyaŋ mo.

Hibruwebi 4:1

Amoso, ŋkpal Ebɔrɛ be kewushi na to be keluri be kɔnɔ naseso na ka kraa dese so, men shin nɛ an baa da so nɛ kumo be saŋɛ kaŋ fo, b maaŋ wu anyi be ekama ka paŋ keluri kumo to.

Hibruwebi 6:9

Ŋ kurgepo shasoana, kashenteŋ nna nɛ anyee kaŋɛ le be asheŋ ere, ama menyi ere, an kɔ yirda fanɛ asheŋ lela wɔ menyi to.

Jeems 4:8

Men firgi n taga to Ebɔrɛ nɛ e firgi n taga to menyi. Alubiworapoana nɛ nfɛraanyɔnyɔwuraana ere, men lara men be enɔana nɛ ŋgbene ashi alubi be kewora to.

1 Pita 1:15

Ama men baa du cheembi kusɔ kama nɛ menyee wora to fanɛ kananɛ emo nɛ e tre menyi na du na.

1 Pita 1:17

Ŋkpal men ka bee tre esa nɛ e bee ji dimɛdi kikɛ be aworbi demu ŋkaa maa kpɛa mo to na men Tuto ere so, a daga fanɛ men baa wɔ durnya ere to fanɛ befɔ a ŋana Ebɔrɛ.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

1 Jɔn 1:7

Ama nɛ fanɛ an baa na kefulto to fanɛ kananɛ e wɔ kefulto to na bre, kumo ere anyi nɛ an braana beeŋ baa kɔ kɔnɔkoŋwule be kebaawɔtɔ nɛ mo Pibinyɛn Yesu be ŋklaŋ nɛ a lar saŋɛ nɛ e wu na e baa fɔr kulubi kikɛ nyam ashi anyi be ŋgbene to.

1 Jɔn 1:9

Ama nɛ fanɛ an bugi to ŋ kaŋɛ Ebɔrɛ anyi be alubi bre, e la esa nɛ e niŋi nna nɛ anyeeŋ tiŋ n yirda mo nɛ e ta anyi be alubi kikɛ nyam m paŋ anyi nseŋ fɔr kulubi kikɛ nyam ashi anyi be ŋgbene to.

1 Jɔn 3:3

Esa kama nɛ e kɔ le be tama ere ashi Kristo to bee keni mbe kumu so nna a du cheembi fanɛ kananɛ Kristo du cheembi na.