2 Kɔrintebi 6:17 - EBƆRƐ BE KAWƆL

¹⁷ Amoso ma, Enyɛnpe na e naa yɛ menyi na fanɛ men lara men be amu ashi bumo to a kɔr to. Men sa maŋ kaa beta kusɔ kama nɛ k kɔ eyurpi nɛ n sɔ menyi.

2 Kɔrintebi 6:17 ပူးပေါင်းရင်းမြစ်များ

Ɛzra 10:11

Amoso, men tuba n lar men be alubi to ashi men nananyɛnana be Ebɔrɛ na be anishito nseŋ fara a wora mbe aparsheŋ. Men lar basa pɔtɛ nɛ b wea men to ere be asheŋ to nseŋ yige befɔche nɛ men ta a kil na.”

Ɛzra 6:21

Basa nɛ b chena m mata Israɛlebi na nseŋ lara bumo be amu ashi nnyamase nɛ bumo be agbirsheŋ to nseŋ ta bumo be amu n sa Israɛl be Ebɔrɛ na e tu Israɛlebi na n ji kejigboŋ na.

Aŋasa 9:6

Men lar basa nɛ b maa pin asheŋ to manaŋ manaŋ na be katuŋ to nseŋ ji efute. Men shin nɛ asheŋ be kepin to e baa ŋini menyi ekpa.”

Aizaaya 52:11

Menyi kikɛ nɛ menyee sulɔ bɔrɛlambu na to be asɔ na, e lar kadegboŋ nɛ baa tre Babilɔn na to. Men sa maŋ kaŋ beta keyurpisɔ kikɛ n wora eyurpi daŋkare be ekpa so. Menyi alɛ e bɛr nchu a du farfarbi pɔɛŋ nseŋ lar ndoŋ.

Jɛremaya 15:17

N daa maŋ jija ma saŋɛ n tu basa pɔtɛ a mushe a ji ma kumu. Ama n nawule e daa wɔtɔ fanɛ kananɛ fo kaŋɛ na, nɛ kanya agbo wɔ ma kagbene to.

Jɛremaya 51:6

Men shile n lar Babilɔn be efuli so m mɔlga menyi be efute! Men sa maŋ shin nɛ b mɔ menyi ŋkpal Babilɔn be basa be alubi so. Bumo be kusɔ nɛ b wora na be kasogberge nɛ k daga bumo nɛ mee sa bumo a tal to na.

Nɔmbɛs 16:21

“Men barga men be amu ashi basa na kutɔ saŋɛ na so, meeŋ mɔ bumo epul ere to.”

Nɔmbɛs 16:26

Nɛ Mosis kpele basa na kusoe ŋ kaŋɛ le: “Men loŋi basa lubi ere be ewajɛbu ase. Men sa maŋ beta bumo be kusɔ kama, nɛ manɛ aloŋ menyi nɛ bumo kikɛ beeŋ wu ŋkpal bumo be alubi so.”

Nɔmbɛs 16:45

“Men shile basa ere kutɔ nɛ m ba mɔ bumo epul ere to!” Epul na to nɛ Mosis nɛ Ɛɛrɔn gbir ŋ kurgi amu n yuu to ŋ kule Ebɔrɛ,

Ashuŋ Shunso 2:40

Kesheŋ ere nɛ Pita daŋ kaŋɛ bumo nseŋ ta le be mmalga ŋ kaŋɛ bumo kenishipereso: “Men mɔlga menyi be amu ashi kasogberge nɛ k bee ba le be basa lubi ere so na to.”

Romebi 15:7

To, men baa sɔ abar fanɛ kananɛ Kristo sɔ menyi na nɛ Ebɔrɛ e nya kemaŋkura.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Ditɛronɔmi 14:6

Menyeeŋ tiŋ n ji asɔbɔya kama nɛ emo be alotobi barga to nɛ a bee gbu apla.

Kelaraŋŋini 18:4

N daŋ naŋ nu ebɔl ko ka shi ebɔrɛso ŋ kaŋɛ: “Ma basa, men lar mbe asheŋ to, saŋɛ na so men maaŋ tu mo n luri mbe alubi na to, saŋɛ na so men maaŋ nya mbe etɔrɔ na be kekama.