2 Kɔrintebi 6:16 - EBƆRƐ BE KAWƆL

¹⁶ Manɛ be ŋkre e wɔ Ebɔrɛ be lambu nɛ agbirana be nferinto? Ŋkpal manɛ so, anyi e la Ebɔrɛ nɛ e wɔ ŋkpa to na be lambu. Kumo be asheŋ nɛ Ebɔrɛ malɛ gba kaŋɛ na fanɛ: “Meeŋ baa wɔ bumo to nsaa na bumo to a la bumo be Ebɔrɛ nɛ bumo alɛ e baa la ma basa.

2 Kɔrintebi 6:16 ပူးပေါင်းရင်းမြစ်များ

1 Bewura 18:21

Nɛ anebi Elaija yɔ basa na kutɔ n ya kaŋɛ bumo le: “Nchɛ afanɛ nɛ men yɛ men ta n yili men be kagbene kukoŋwule? Nɛ Enyɛnpe na e la Ebɔrɛ, men baa shuŋ mo! Nɛ Baal malɛ e la Ebɔrɛ kumo ere men baa shuŋ mo alɛ gba!” Ama basa na daa maŋ tuge shɛŋ.

Nshɛ 90:1

O Enyɛnpe Ebɔrɛ, fo kutɔ e la anyi pe, jemanɛ kikɛ.

Ɛksodɔs 20:3

Men sa maŋ kaŋ bunyaŋ kegbir n naŋ ti ma so.

Ɛksodɔs 23:13

Men wora kasonu n sa kusɔ kama nɛ ma, Enyɛnpe Ebɔrɛ kaŋɛ menyi ere kikɛ. Menyi alɛ e sa maŋ kaŋ shuŋ kegbir kama ŋko a ti kegbir kama be ketre.”

Ɛksodɔs 25:8

Ade be kaman nɛ fo shin nɛ basa na e yuu wajɛbu cheembi n sa ma, saŋɛ na so, meeŋ ba kaa wɔ bumo to.

Ɛksodɔs 29:45

Saŋɛ na so, nɛ ŋ gbelge m baa kaa wɔ Israɛlebi na to a la bumo be Ebɔrɛ.

Ɛksodɔs 34:14

Men sa maŋ kaŋ shuŋ kegbir kama, ŋkpal manɛ so, ma e la Enyɛnpe Ebɔrɛ, nɛ ma nɛ shɛŋ shɛŋ maa ji kechamana na.

Jɛremaya 24:7

Meeŋ naŋ sa bumo ŋgbene nɛ e beeŋ baa sha kebaanyi ma, Enyɛnpe Ebɔrɛ na. Kumo be kaman nɛ b pin fanɛ b la ma basa nna nɛ ma alɛ la bumo be Ebɔrɛ. Ŋkpal manɛ so, baaŋ laŋɛ bumo be ŋgbene kikɛ m bɛ ma so.

Jɛremaya 31:1

Enyɛnpe Ebɔrɛ na yɛ: “Jemanɛ ko bee ba nɛ m baa la Israɛl be eyiriana na kikɛ be Ebɔrɛ, nɛ bumo alɛ e baa la ma basa.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Jɛremaya 32:38

Saŋɛ na so baaŋ baa kraa la ma basa nɛ ma alɛ e baa kraa la bumo be Ebɔrɛ.

Ezikɛl 11:20

Ndoŋ nɛ baaŋ bɛ ma mbraana so nsaa wora asɔ nɛ mee ŋini bumo na. Baaŋ baa la ma basa nɛ ma alɛ e baa la bumo be Ebɔrɛ.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Ezikɛl 36:28

Saŋɛ na so nɛ men chena kasawule nɛ n ta n sa men nananyɛnana na so nsaa la ma basa nɛ ma alɛ e baa la menyi be Ebɔrɛ.

Ezikɛl 43:7

“Dimɛdi pibi, Ezikɛl, ma kuwurputi be kakpa nna na. Meeŋ baa wɔ Israɛl be basa nɛ b la ma basa ere to a ji kuwura bumo so hale mbaanaayɔ. Israɛl be basa ŋko bumo be bewuraana maaŋ naŋ shuŋ agbirana ŋko n wora kanyiŋi be asɔ nɛ a bee ŋaba ma ketre cheembi na n yili nfe n sa bumo be bewura nɛ b wu na.

Ezikɛl 43:9

Naniere a daga fanɛ b yige kagbirshuŋ nseŋ lara bumo be bewuraana nɛ b wu na be kanyiŋi be asɔ nɛ b pɔr n yili na. Nɛ b wora loŋ, meeŋ ba ka wɔ bumo to mbaanaayɔ.”

Hoziya 14:8

Meeŋ nu ma basa Israɛlebi nɛ b maŋ naa shuŋ agbir na be kabɔrɛkule nsaa keni bumo so. Meeŋ shin nɛ b purge fanɛ kedibi nɛ kumo be afantaŋ maa gbaŋgbaŋ na. Ma so nɛ baaŋ bɔla n nya bumo be enɛfa kikɛ.”

Hoziya 2:23

Meeŋ chɛ ma basa to nɛ b chena kasawule ere so n dii dama. Meeŋ ŋini bekama nɛ b maa sha na ma kasha. Nseŋ shin nɛ bekama nɛ b yɛ b maŋ la ma basa na e ki ma basa, nɛ bumo alɛ e shuli so a tre ma bumo be Ebɔrɛ.”

Levitikɔs 26:12

Meeŋ baa wɔ menyi to nsaa la men be Ebɔrɛ, nɛ menyi alɛ e baa la ma basa.

Zefanaiya 1:5

Ma alɛ beeŋ mur bekama nɛ baa dii achoŋi so n ya kaa jɔŋɛ epeŋi nɛ kufɔl nɛ achɛkpabi ase a bunyaŋ amo na. Kumo be kaman nɛ n mur bekama nɛ baa bunyaŋ ma a kaŋɛ fanɛ ma e wɔ bumo, ama nsaa ta kegbir nɛ baa tre Mɔlɛk na be ketre a bɔ ntaŋ na gba.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Zakareya 8:8

nseŋ bɛta bumo m ba chena Jerusalɛm to. Baaŋ ba kaa la ma basa nɛ ma alɛ e baa la bumo be Ebɔrɛ nsaa ji kuwura bumo so kashenteŋ nɛ kumo be ekpa so.”

Matiu 16:16

Nɛ Saimɔn Pita kaŋɛ: “Fo e la Kristo, Ebɔrɛ nɛ e wɔ ŋkpa to Pibinyɛn na.”

Matiu 6:24

Esa koŋwule maaŋ tiŋ a shuŋ a sa benyɛnpe anyɔ. Nɛ e baŋ maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.

Luuk 5:36

Kamalga ere be kaman nɛ Yesu bɔ bumo keŋasa ere: “Basa maa kaa ku kusɔbuuso popɔr a tɛ kusɔbuuso dra. Nɛ b wora loŋ baaŋ kpɛa kepopɔr na to. Kechɛbi popɔr na nɛ kedra na malɛ maaŋ kukwe abar to.

Baru lela nɛ Jɔn kute na 14:23

Nɛ Yesu kaŋɛ mo le: “Esa kama nɛ e bee sha ma beeŋ ta ma mmalga n wɔtɔ mbe kagbene to. N Tuto malɛ gba beeŋ baa sha mo nɛ ma nɛ n Tuto na kikɛ e ba mo kutɔ m ba ta mo ŋ ki anyi be kowu.

Baru lela nɛ Jɔn kute na 6:56

Esa kama malɛ nɛ e we ma eyur ere nseŋ nuu ma ŋklaŋ wɔ ma to nna nɛ ma alɛ gba wɔ mo to.

Romebi 8:11

Nɛ Ebɔrɛ nɛ e tiŋi Yesu ashi luwu to na be Kiyoyu baa wɔ menyi to bre, kumo ere mo koŋwule nɛ e tiŋi Kristo ashi luwu to na gbagba beeŋ naŋ bɔla mbe Kiyoyu nɛ e wɔ menyi to na so n sa menyi be eyurana nɛ a beeŋ kaŋ wu kachako ere ŋkpa.

Romebi 8:9

Ama naniere bre, mannɛ asɔ nɛ menyi be kapɔr lubiana bee ŋini menyi na to nɛ men wɔ, asɔ nɛ Kiyoyu Cheeŋ na bee ŋini menyi na to nɛ men wɔ nɛ Ebɔrɛ be Kiyoyu na baa wɔ menyi to nna na, ŋkpal manɛ so, esa kama nɛ e maŋ kɔ Kristo be Kiyoyu na maŋ la Kristo na peya.

Romebi 9:26

“Kakpa nɛ ma Ebɔrɛ daŋ kaŋɛ bumo le: ‘Mannɛ ma basa e la menyi’ na koŋwule na nɛ meeŋ naŋ tre bumo ma, Ebɔrɛ nɛ n wɔ ŋkpa to na be mbia.”

1 Kɔrintebi 10:21

Men maaŋ tiŋ n nuu asɔnuuso ashi Enyɛnpe be kawiebi na to nseŋ naŋ tiŋ n nuu alizinaana peya to. Men maaŋ tiŋ n nya kakpa n chena Enyɛnpe be ejikpa n ji nseŋ naŋ nya kakpa n chena alizinaana be ejikpa n ji.

1 Kɔrintebi 6:19

Men maŋ nyi fanɛ men be eyur ere la Kiyoyu Cheeŋ mo nɛ Ebɔrɛ ta mo n sa menyi nɛ e wɔ menyi to na be lambu nna a? Men maŋ wɔ men gbagba be amu nna.

Ɛfesesebi 2:20

Men du fanɛ egbal be kaba nna nɛ kumo be kifi la beshuŋipo nɛ anebiana na, nɛ Kristo Yesu malɛ gbagba la kumo be gbaltɔlase.

Ɛfesesebi 2:22

Menyi alɛ gba, baa pɔr menyi nna a wɔtɔ mo to nɛ men ba ki ebu nɛ Ebɔrɛ beeŋ bɔla Kiyoyu na to a wɔ to na.

Ɛfesesebi 3:17

nɛ Kristo e tiŋ m bɔla men be yirda so a wɔ men be ŋgbeneana to. Ma alɛ nseŋ naa kule mo fanɛ e shin nɛ men tɔl to m pɛ kasha to a yil kpakpa fanɛ nliŋi na.

Ditɛronɔmi 5:7

Men sa maŋ kaa shuŋ Ebɔrɛ kikɛ n ti ma so.

1 Timoti 3:15

saŋɛ na so ŋ kaŋ maŋ naŋ tiŋ m ba manaŋ, kawɔl ere beeŋ ŋini fo kebaawɔtɔ nɛ k daga fanɛ anyi nɛ an la Ebɔrɛ be kanaŋ to ebi nɛ baa tre ŋkpa to be Ebɔrɛ be asɔri na ka wora. Asɔri na e kɔ kashenteŋ be keŋini na to nsaa keni kumo so.

2 Timoti 1:14

Baa kɔ asheŋ lela nɛ Kiyoyu Cheeŋ nɛ e wɔ anyi to na ta m bɔɔ fo enɔ na to kpakpa.

Hibruwebi 3:6

Ama Kristo bre bugi kagbene nna fanɛ Ebɔrɛ Pibinyɛn a keni Ebɔrɛ be kowu to ebi so. Nɛ anyi alɛ baa kɔ anyi be kenyɛn na nɛ tama nɛ anyee puchi kumo so na to kpakpa, kumo ere an la Ebɔrɛ na be kowu to ebi nna na.

Hibruwebi 8:10

Ma, Enyɛnpe na naŋ kaŋɛ: Amo be saŋɛ na be kaman le be kɔnɔ naseso ere nɛ meeŋ nase n sa Israɛlebi fanɛ: Meeŋ ta ma mbraana n wɔtɔ bumo be nfɛraana to nseŋ sibɛ amo n deŋi bumo be ŋgbeneana so. Meeŋ baa la bumo be Ebɔrɛ nɛ bumo alɛ e baa la ma basa.

Jeems 4:5

Ŋko menyee tama fanɛ abɔrɛsibɛ na ka bee kaŋɛ fanɛ: “Ebɔrɛ be kenishi pere kiyoyu nɛ e ta n wɔtɔ anyi to na so ga na,” maŋ kɔ kifi nna a?

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Jɔn 4:12

Esa kama maŋ naŋ wu Ebɔrɛ kenishiso, ama nɛ an baa sha abar bre, kumo ere Ebɔrɛ wɔ anyi to nɛ mbe kasha malɛ bɔlɔ anyi to felɛlɛ kashenteŋto.

1 Jɔn 4:15

Ekama nɛ e bee bugi to a kaŋɛ basa fanɛ Yesu e la Ebɔrɛ Pibinyɛn na, Ebɔrɛ e wɔ amodoŋwura to nɛ mo alɛ gba wɔ Ebɔrɛ to.

Kelaraŋŋini 2:1

E yɛ: “Sibɛ kawɔl ere n sa Ɛfeses be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ achɛkpabi ashunu mbe enɔjiso to nsaa na shuwa be kefitilatɔl ashunu na to na kutɔ nna.

Kelaraŋŋini 21:3

Kumo be kaman nɛ n nu ebɔl ko awɔrso ka shi kuwurputi na akpa ŋ kaŋɛ: “Naniere bre, basa to e ki kakpa nɛ Ebɔrɛ ba nɛ e ba kaa wɔ. Mo nɛ basa beeŋ ba kaa wɔtɔ nɛ b baa la mbe basa. Ebɔrɛ gbagba e naaŋ ba kaa wɔ bumo to a la bumo be Ebɔrɛ.

Kelaraŋŋini 21:7

Ekama nɛ e kɔ m pɔɔ so beeŋ nya ade kikɛ, nɛ m baa la amodoŋwura be Ebɔrɛ nɛ mo alɛ e baa la m pibi.