2 Kɔrintebi 6:14 - EBƆRƐ BE KAWƆL

¹⁴ Men sa maŋ shin nɛ menyi nɛ bumo nɛ b maŋ la bebɛsopo e baa gama a wora asheŋ fanɛ men kurgepoana, ŋkpal manɛ so, manɛ e wɔ kelela nɛ kulubi be nferinto? Ŋko nuso nɛ kefulto nɛ tentembiri bee wora asheŋ abar so?

2 Kɔrintebi 6:14 ပူးပေါင်းရင်းမြစ်များ

Jɛnesis 24:3

ashi Enyɛnpe nɛ e la esoso nɛ kasawule so kikɛ be Ebɔrɛ na be ketre to fanɛ fo maaŋ ta eche ashi Keenanebi nɛ n wɔ bumo to nfe ere n sa m pibinyɛn Aizek.

1 Bewura 18:21

Nɛ anebi Elaija yɔ basa na kutɔ n ya kaŋɛ bumo le: “Nchɛ afanɛ nɛ men yɛ men ta n yili men be kagbene kukoŋwule? Nɛ Enyɛnpe na e la Ebɔrɛ, men baa shuŋ mo! Nɛ Baal malɛ e la Ebɔrɛ kumo ere men baa shuŋ mo alɛ gba!” Ama basa na daa maŋ tuge shɛŋ.

2 Kronikɛls 19:2

Nɛ anebi Jehu nɛ e la Hanani pibinyɛn na yɔ mo kutɔ n ya kaŋɛ mo le: “Fee fɛ fanɛ fo ka chɛ ewura Ahab esa lubi nɛ e kishi Enyɛnpe Ebɔrɛ to ere walɛ a? Kusɔ nɛ fo wora ere shin nɛ Enyɛnpe Ebɔrɛ nya agbo n wɔtɔ fo ga.

Ɛzra 10:19

Bumo kikɛ daŋ nase nnɔ nna fanɛ baaŋ yige eyiri pɔtɛ nɛ b kɔ a kil na. Kumo be kaman nɛ bumo be ekama na ta kpakpa n lara sarga ŋ kule alubi be ketampaŋ.

Nshɛ 106:35

Ama b daŋ ji bumo keteri nna hale a wora asheŋ nnyamase na be edaŋkare be ekpa so.

Nshɛ 119:63

Ekama nɛ e bee shuŋ fo ŋko a wora fo mbraana kasonu na la n teri nna.

Nshɛ 16:3

Enyɛnpe Ebɔrɛ fo basa la basa cheembi nna. Ma kagbene beeŋ fuli ma ga fanɛ n ti bumo so.

Ɛksodɔs 34:16

Men baŋ ta kasawule na so be mbichesobi n sa men be mbinyɛnsobi loŋ be mbichebi nɛ baa bɛ agbir so na beeŋ shin nɛ men be mbinyɛnsobi na gba e shuŋ bumo be agbir na.

Aŋasa 22:24

Saa maa ji basa nɛ baa nya agbo manaŋ manaŋ kenekpa,

Aŋasa 29:27

Basa nɛ baa wora asheŋ nɛ a niŋi kishi belubiworapo ga. Nɛ belubiworapo malɛ gba kishi basa nɛ ba wora asheŋ nɛ a niŋi.

Levitikɔs 19:19

Men baa wora ma mbraana kasonu. Men sa maŋ shin nɛ asɔbɔya pɔtɛ a baa dii asɔbɔya pɔtɛ a kurge. Men sa maa duu asɔduuso pɔtɛ a wea abar to kasawule koŋwule so. Men sa maa buu asɔbuuso nɛ b ta achɛbi pɔtɛana n wea abar to m ba.

Malakai 2:11

Menyi Judaebi na kikɛ maŋ ji kashenteŋ n sa Ebɔrɛ, menyi alɛ nseŋ naŋ wora ekishisheŋ ashi Jerusalɛm nɛ efuli na kikɛ so. Men wora mbushusheŋ a jija bɔrɛlambu nɛ Enyɛnpe Ebɔrɛ bee sha ga na. Men be benyɛn ta beche nɛ baa shuŋ efuli pɔtɛ so be agbir.

Malakai 2:15

Ebɔrɛ maŋ ta menyi nna m ber abar so nɛ men ki kukoŋwule a? Manɛ so nɛ e wora loŋ? E daŋ wora loŋ nna saŋɛ na so menyeeŋ kurge mbia nɛ b la Ebɔrɛ be basa kashenteŋto. Amoso k maŋ daga ekama ka kini mbe eche.

Baru lela nɛ Jɔn kute na 7:7

Durnya maaŋ tiŋ ŋ kishi menyi ere, ama ma ere, k kishi ma nna ŋkpal ŋ ka bee kaŋɛ fanɛ kumo be asheŋ woraso maŋ walɛ so.

Ashuŋ Shunso 4:23

Basa na ka baŋ yige Pita nɛ Jɔn nɛ b bɛta n yɔ bumo braana beyirdapoana na kutɔ n ya kaŋɛ bumo kusɔ nɛ bɔrɛmatapoana na nɛ benimuana na kaŋɛ bumo.

1 Kɔrintebi 10:21

Men maaŋ tiŋ n nuu asɔnuuso ashi Enyɛnpe be kawiebi na to nseŋ naŋ tiŋ n nuu alizinaana peya to. Men maaŋ tiŋ n nya kakpa n chena Enyɛnpe be ejikpa n ji nseŋ naŋ nya kakpa n chena alizinaana be ejikpa n ji.

1 Kɔrintebi 15:33

Men sa maŋ kaŋ fule men be amu. Beteri lubi e naa jija da lela.

1 Kɔrintebi 5:9

Kawɔl mo nɛ n daŋ juŋkpar n sibɛ menyi na to, ŋ kaŋɛ menyi fanɛ menyi nɛ basa kama nɛ b kɔ kesakalea be kebaawɔtɔ e sa maa to jina kikɛ.

1 Kɔrintebi 6:6

Ama ekurgepo ko bee ta mo barkasa nna a yɔ demujikpa nɛ b ya yili basa nɛ b maa bɛ Yesu so na be anishito a?

1 Kɔrintebi 7:39

Eche kilpo mo kul baa wɔ ŋkpa to, e maŋ wɔ mbe kumu enyɛn na be kaman, ama nɛ enyɛn na baŋ wu bre e kɔ ekpa nɛ e kil enyɛn kama nɛ e bee sha, ama a daga fanɛ amo be kanyɛn na e baa la Enyɛnpe na peya.

Filipaiebi 2:15

Saŋɛ na so esa kama maaŋ wu kulubi kikɛ menyi so, ama menyeeŋ baa du cheembi a la Ebɔrɛ be mbia lela nɛ b wea nfɛralubiwuraana nɛ asheŋlubiwuraana to a wɔ durnya ere to. Men baa wɔ bumo to loŋ a du fanɛ achɛkpabi a fuli to a nyɛkpɛ a sa bumo,

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.