2 Kɔrintebi 6:11 - EBƆRƐ BE KAWƆL

¹¹ Kɔrintebi, an bugi to nna m malga asheŋ ere n sa menyi na nɛ anyi alɛ be ŋgbene malɛ baŋ bugi n sa menyi.

2 Kɔrintebi 6:11 ပူးပေါင်းရင်းမြစ်များ

Job be kawɔl 32:20

M maŋ nya m malga, maaŋ nya ma kumu, a daga ŋ ka malga.

Nshɛ 119:32

N wora shiriya kenishipereso nna nɛ ŋ wora fo mbraana kasonu, ŋkpal manɛ so, feeŋ chɛ ma to nɛ n nya kepinto n ti so.

Nshɛ 51:15

Enyɛnpe Ebɔrɛ, bugi ma kɔnɔ nɛ n fur fo.

Aizaaya 60:5

Menyi alɛ beeŋ wu loŋ nɛ men be ŋgbene e fuli menyi ga. Kagbenefuli be ga beeŋ shin nɛ men baa chicha. Baaŋ sulɔ efuli pɔtɛana nɛ awɔ teku be kaba ndoŋ na be asɔ lela nɛ kanya m ba sa menyi.

Ezikɛl 33:22

Pɔɛŋ nɛ esa na ba ma kutɔ na be kaaseso, Enyɛnpe Ebɔrɛ na be eleŋgboŋ daŋ gbelge ma so nna nɛ e shin nɛ ma kɔnɔ bugi nɛ n tiŋ m malga pɔɛŋ nɛ kanyɛn na ba ma kutɔ kumo be ŋklade kachipurso na.

Habakuk 2:5

Kedamaya bre bee fule esa nna. Kejimuniwuraana bee wu bumo be amu nna ga, bumo alɛ maa wushi kikɛ. B du fanɛ luwu nɛ k maa mɔ a moɛ nna. Amoso b baŋ kɔ m pɔɔ efuli ko so n sɔ kumo, b naa yɔ kenyɔsopo so nna.

Ashuŋ Shunso 18:1

Kede be kaman nɛ Pɔɔl lar Atens n ta n yɔ Kɔrint.

Ashuŋ Shunso 18:8

Nshɛrbu na be enimu nɛ b daa tre Krispes na nɛ mbe laŋ to ebi daŋ yirda Enyɛnpe na nɛ Kɔrintebi be basa damta gba nu kubɔya na n yirda nɛ b bɛr bumo kabɔrɛbɛr.

2 Kɔrintebi 12:15

Amoso, meeŋ baa sha kemɔ ma kumu n wora kusɔ kama n sa menyi nseŋ tiŋ n shin nɛ b mɔ ma n sa menyi. Nɛ kananɛ m baa sha menyi ga le ere, a daga fanɛ men be kasha nɛ men kɔ a sa ma e baa duga so a?

2 Kɔrintebi 2:4

Tɔrɔgboŋ nɛ kagbenejija to nɛ n daa wɔ n ta anishichubi damta n sibɛ menyi kawɔl na nɛ n shin nɛ men pin kananɛ mee sha menyi kikɛ nɛnɛ, mannɛ fanɛ n jija menyi be ŋgbene.

Galeeshaebi 3:1

Ama menyi Galeeshaebi paŋ nfɛra pasaa! Wanɛ e wora menyi bre? To, men be anishito gbagba nɛ b bugi Yesu Kristo be kewu kedibi largato na so na be asheŋ n sa menyi. To nɛ mannɛ nna?

Galeeshaebi 4:12

Ŋ kurgepoana, mee kule menyi nna fanɛ men baa du fanɛ ma, ŋkpal manɛ so, ma alɛ gba baŋ ba ki fanɛ menyi nna. Dra na men daa maŋ wora ma kulubi kama, ama naniere bre menyee wora.

Ɛfesesebi 6:19

Men baa kule Ebɔrɛ a sa ma alɛ gba fanɛ saŋkama nɛ m bugi kɔnɔ nɛ m malga abɔrɛsheŋ na, Ebɔrɛ beeŋ sa ma mmalga nɛ m bugi baru lela na be wulo na to be asheŋ kenyɛnso n sa basa.

Ɛfesesebi 6:8

a nyi fanɛ kelela kama nɛ esa wora, Enyɛnpe na beeŋ sa mo kumo be tɔnɔ, nɛ amodoŋwura wɔ mbe kumu ŋko e la kenya gba, k maŋ tir.

Filipaiebi 1:8

Ŋ ka kaŋɛ fanɛ men kikɛ be asheŋ wɔ ma kagbene to ere, Ebɔrɛ e la ma shɛdajipo fanɛ kasha damta nɛ ŋ kɔ a sa menyi na kikɛ la Kristo Yesu be kasha nna.

Filipaiebi 4:15

Menyi Filipaiebi malɛ gba baa nyi geeŋ fanɛ ŋ ka lar Masɛdonia be efuli so, saŋɛ nɛ n daŋ baŋ fara a bɔ baru lela na a sa basa na, menyi nawule e daa la asɔriebi nɛ b daŋ chɛ ma to ashi kesa nɛ kesɔ to.

Kelaraŋŋini 22:12

E yɛ: “Keni nfe, m maaŋ naŋ chɛr nseŋ ba. Ma alɛ kɔ ma kakɔka nna a ba nɛ m ba yili kanaŋkama nɛ ekama shuŋ so ŋ ka mo.

1 Samuɛl 2:1

Ndoŋ nna nɛ Haana boŋ kashɛ ŋ kaŋɛ le: “Enyɛnpe Ebɔrɛ shin nɛ ma kagbene fuli ma. Ma kagbene fuli ma ga ŋkpal Ebɔrɛ ka mɔlga ma nseŋ sa ma eleŋ so. Ŋkpal kusɔ nɛ Ebɔrɛ wora n sa ma ere so meeŋ mushe ma doŋana.