2 Kɔrintebi 6:10 - EBƆRƐ BE KAWƆL

¹⁰ An wɔ kagbenejija to, ama an be ŋgbene malɛ baa fuli anyi nna saŋkikɛ. Betirpo e la anyi, ama saŋkikɛ anyi alɛ bee wɔtɔ basa dama to nna. Anyi maŋ kɔ shɛŋ, anyi alɛ nsaa kɔ asɔ kikɛ.

2 Kɔrintebi 6:10 ပူးပေါင်းရင်းမြစ်များ

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Aŋasa 13:7

Basa ko bee ta bumo be amu nna fanɛ damawuraana, ama bumo alɛ maŋ kɔ shɛŋ. Beko malɛ bee ta bumo be amu nna fanɛ betirpo, bumo alɛ nsaa la damawuraana kashenteŋto.

Aŋasa 16:16

Kanyiasheŋ nɛ kenyi bɔ shuwa nɛ gbiti.

Matiu 5:12

Men shin nɛ men be ŋgbene e baa fuli menyi ga a par menyi, ŋkpal manɛ so, tɔnɔ nɛ k jo menyi ebɔrɛso na shi ga. Loŋ koŋwule na nɛ basa daŋ tɔrɔ anebiana nɛ b daŋ juŋkpar menyi na.”

Matiu 5:4

Kagbenefuli la bekama nɛ baa shu nli na peya nna, ŋkpal manɛ so, baaŋ ba nya kagbenewushi.

Luuk 6:21

Kagbenefuli la menyi nɛ akoŋ kɔ naniere peya nna, ŋkpal manɛ so, menyeeŋ ba moɛ. Kagbenefuli la menyi nɛ menyee shu naniere peya nna, ŋkpal manɛ so, menyeeŋ ba mushe.

Baru lela nɛ Jɔn kute na 16:22

To, loŋ nɛ k du n sa menyi alɛ gba. Naniere bre, men be ŋgbene jija menyi nna, ama a wora gbrɛ, meeŋ naŋ wu menyi nɛ menyi be ŋgbene e fuli menyi nɛ esa kikɛ malɛ maaŋ tiŋ n lara loŋ be kagbenefuli na ashi menyi to.

Ashuŋ Shunso 16:25

Kumo be kamɔnchɛ be kiidiso Pɔɔl nɛ Sailas ka bee kule Ebɔrɛ nsaa boŋ nshɛ a di Ebɔrɛ epaŋ nɛ bumo braana nɛ b wɔ kabuti na to na bee nu.

Ashuŋ Shunso 3:6

Nɛ Pita kaŋɛ mo: “M maŋ kɔ kubo, ama meeŋ sa fo kusɔ nɛ ŋ kɔ. Nazarɛt be Yesu Kristo be eleŋ to so, niŋi to n nite!”

Ashuŋ Shunso 5:41

Nɛ beshuŋipo na lar nshɛrwuraana na kutɔ nɛ kagbenefuli ŋkpal Ebɔrɛ ka shin nɛ bumo alɛ tiŋ n ji awurfoŋ ŋkpal Yesu be ketre na so so.

Romebi 11:12

Juwebi be alubi so nɛ durnyaebi nya nɛfa gboŋgboŋi nɛ bumo be kabɔrɛŋana wuso malɛ gba bar nnyamase nɛfa gboŋgboŋi. Nɛ kananɛ k la loŋ ere, nɛ Juwebi kikɛ na ba ti so, kumo ere nɛfa nɛ k beeŋ ba na beeŋ ba kaa shi pasaa.

Romebi 12:15

Men baa tu bumo nɛ bumo be ŋgbene fuli a shin nɛ menyi be ŋgbene e baa fuli nsaa tu bumo nɛ baa shu malɛ a shu.

Romebi 15:13

Ebɔrɛ nɛ e bee sa anyi tama na e shin nɛ kagbenefuli nɛ kagbenewushi e bɔlɔ menyi to ashi menyi be keyirda mo ere to, saŋɛ na so menyi be tama beeŋ bɔla Kiyoyu Cheeŋ na be eleŋ to m bɔlɔ menyi to felɛlɛ n ya kaa wurge.

Romebi 8:32

Esa nɛ e maŋ mɔn anyi mo gbagba Pibinyɛn nseŋ ta mo m bɔɔ basa enɔ ŋkpal anyi kikɛ so na, manɛ nna nɛ e maaŋ bugi kagbene n sa anyi kusɔ kikɛ n ti mo Pibi so?

Romebi 9:2

Asɔ nɛ mee kaŋɛ na nde: Kagbenejija damta nɛ ebesa nɛ k maŋ kɔ ekar e bɔlɔ ma to ŋkpal ma basa so.

1 Kɔrintebi 1:5

Ŋkpal manɛ so, mo so nɛ men bɔla n nya nɛfa ashi ekpa kama so a tiŋ a malga mbe mmalga nsaa nya kanyiasheŋ damta.

2 Kɔrintebi 2:4

Tɔrɔgboŋ nɛ kagbenejija to nɛ n daa wɔ n ta anishichubi damta n sibɛ menyi kawɔl na nɛ n shin nɛ men pin kananɛ mee sha menyi kikɛ nɛnɛ, mannɛ fanɛ n jija menyi be ŋgbene.

2 Kɔrintebi 4:15

Menyi alɛ be kechɛto so nɛ ade malɛ kikɛ du loŋ na, saŋɛ na so Ebɔrɛ malɛ be kuwɔr be kakɛ beeŋ baa salga to a tu basa damta a ti so nɛ b baa kɔ kechɔrɔ be kabɔrɛkule damta a ti so a sa Ebɔrɛ nɛ e nya kemaŋkura.

2 Kɔrintebi 4:7

Ama anyi, bumo nɛ an kɔ le be kanya ere du fanɛ mba nna a ŋini fanɛ eleŋ nɛ k chɔ kekama na la Ebɔrɛ peya nna, mannɛ anyeya.

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

Ɛfesesebi 3:16

Mee kule mo fanɛ e keni mbe kemaŋkura damta nɛ e kɔ na to m bɔla mbe Kiyoyu na to a ta eleŋ n leŋ menyi to ashi men be ŋgbeneana to

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

Filipaiebi 2:17

Nɛ fanɛ b lara ma ŋklaŋ ere ma to n chulgi amo n wurge n ti men be yirda nɛ men kɔ a deŋi Ebɔrɛ so fanɛ sarga na so gba, k par ma. Ma alɛ beeŋ tu menyi a kɔ kagbenefuli.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.

Kɔlɔsiebi 1:24

Naniere ma kagbene fuli ma ŋkpal awurfoŋ nɛ mee ji ŋkpal menyi so na so. Awurfoŋ nɛ Yesu Kristo kaŋɛ fanɛ meeŋ ji na be tɔrɔ nɛ mee ji a bɔlɔ mbe tɔrɔ na so na ŋkpal mbe asɔriebi, bumo nɛ baa tre Yesu Kristo be eyur na so.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

1 Tɛsalɔnikaebi 1:6

Men kute anyi nɛ Enyɛnpe na to, ŋkpal manɛ so, men sɔ kubɔya na awurfoŋ damta to nɛ kagbenefuli nɛ k shi Kiyoyu Cheeŋ na kutɔ.

1 Tɛsalɔnikaebi 5:16

Men baa kɔ kagbenefuli saŋkama

1 Timoti 4:8

Ŋkpal manɛ so, esa be kebaakeni mbe eyur so la kusɔ lela nna, ama esa baa ŋini mbe kumu abɔrɛsheŋ be kebaawɔtɔ, loŋ e bɔ, ŋkpal manɛ so, k beeŋ tiŋ n chɛ mo to durnya ere to nfe nseŋ naŋ chɛ mo to saŋɛ nɛ e beeŋ yɔ ebɔrɛso na.

1 Timoti 6:18

Ŋini bumo fanɛ b baa wora kelela nsaa la basa a bugi ŋgbene a sa basa bumo be asɔ na be ako.

Hibruwebi 10:34

Men daŋ tu basa nɛ b ti ebuana n ji awurfoŋ nɛ saŋɛ nɛ b daŋ ba suge menyi be asɔ na gba, men daŋ ta kagbenefuli n nyiti loŋ be kesheŋ na gba ŋkpal men ka daa nyi fanɛ men kɔ kusɔ nɛ k chɔ asɔ na ga nsaa maŋ kɔ ekar na so.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

1 Pita 4:13

Ama men shin nɛ men be ŋgbene e baa fuli menyi parr fanɛ men ka bee ji Yesu be tɔrɔ na be ako, saŋɛ na so men be ŋgbene beeŋ fuli menyi saŋɛ nɛ mbe kemaŋkura beeŋ lar efuli na.

Kelaraŋŋini 2:9

N nyi men be etɔrɔ nsaa nyi men be ketir be asheŋ, ama kashenteŋ bre, damawuraana e la menyi. Ma alɛ kraŋ naa nyi mmalga lubi mo nɛ basa nɛ baa tre bumo be amu Juwebi, bumo alɛ ŋkaa maŋ la na bee malga a gbiti menyi, ama bumo alɛ la Setani be katuŋ to be basa nna.

Kelaraŋŋini 21:7

Ekama nɛ e kɔ m pɔɔ so beeŋ nya ade kikɛ, nɛ m baa la amodoŋwura be Ebɔrɛ nɛ mo alɛ e baa la m pibi.