2 Kɔrintebi 5:9 - EBƆRƐ BE KAWƆL

⁹ Ama kusɔ nɛ an baŋ yili e la fanɛ anyeeŋ baa wora mbe aparsheŋ. K maŋ tir ŋko an wɔ epe nfe ashi anyi be eyur ere to ŋko an wɔ kufɔ nna.

2 Kɔrintebi 5:9 ပူးပေါင်းရင်းမြစ်များ

Jɛnesis 4:7

Fo maŋ nyi fanɛ fo daŋ wora nɛnɛ nna asheŋ daŋ beeŋ nyalɛ n sa fo a? Ama ŋkpal fo ka maŋ wora nɛnɛ so, kulubi du fanɛ buluŋ nna a tɛ fo nɛ k jija fo, amoso wora ania m pɔɔ kumo so.”

Aizaaya 56:7

“Meeŋ bar menyi ma kebee cheembi nɛ baa tre Zayɔn nɛ k wɔ Jerusalɛm na so m ba sa menyi kagbenewushi ashi ma bɔrɛlambu to. Ma alɛ beeŋ sɔ menyi be esarga nɛ menyeeŋ lara ashi ma bɔrɛsure so. Ma bɔrɛlambu beeŋ baa la kabɔrɛkule be kakpa n sa efuli kama so be basa.”

Baru lela nɛ Jɔn kute na 6:27

Men sa maa kɔ a fin ajibi nɛ a bee jija ere, men baa kɔ a fin ajibi nɛ a bee sa ŋkpa nɛ k maŋ kɔ ekar na. Ma, Nyiŋgbasa Pibinyɛn e naa sa loŋ be ajibi na, ŋkpal manɛ so, Ebɔrɛ Etuto na e ŋini fanɛ mbe kenyi wɔ ma so.”

Ashuŋ Shunso 10:35

Esa kama nɛ e bee ŋana mo nsaa wora asɔ nɛ a bee bɔla ekpa nɛ e bee sɔ.

Romebi 14:18

Ŋkpal manɛ so, ekama nɛ e bee shuŋ Kristo le be ekpa so be kebaawɔtɔ bee par Ebɔrɛ nna nɛ basa pɔtɛ gba e ji mbe kebaawɔtɔ lela na be shɛda n sa abar.

Romebi 14:8

Amoso, nɛ an baa wɔ ŋkpa to ŋko an wu gba, an wɔ Enyɛnpe na be enɔ to nna.

Romebi 15:20

Kusɔ nɛ m baŋ yili ma kagbene to fanɛ meeŋ baa wora e la fanɛ saŋkikɛ m baa bɔ baru lela na a sa basa nɛ b wɔ mboŋ nɛ ndoŋebi maŋ naŋ nu Kristo na be asheŋ kikɛ na, saŋɛ na so, m maaŋ baa du fanɛ esa nɛ e bee pɔr egbal a yuu esa pɔtɛ ko be gbaltɔlase so.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

2 Kɔrintebi 5:6

Amoso, saŋkikɛ anyi maa pɔ aba, ŋkpal manɛ so, an nyi fanɛ an ka baa wɔ epe ashi anyi be eyur ere to ere, anyi nɛ Enyɛnpe na wɔ kufɔ.

2 Kɔrintebi 5:8

Anyi maa pɔ aba kikɛ nsaa sha ga fanɛ nɛ an daŋ nya nna an daa beeŋ lar anyi be eyur ere nɛ k la anyi pe ere to nseŋ daŋ ya kaa wɔ epe ashi an Nyɛnpe na kutɔ.

Ɛfesesebi 1:6

Men shin nɛ an baa di Ebɔrɛ epaŋ ŋkpal mbe le be mamachi be kuwɔr be kakɛ nɛ e bɔla mo Pibinyɛn shaso so n ta ŋ kɛ anyi na so.

Kɔlɔsiebi 1:10

Loŋ nɛ menyeeŋ baa kɔ kebaawɔtɔ nɛ k daga Enyɛnpe na be basa ka kɔ nɛ men be asheŋ e baa par mo nɛnɛ nɛ men baa wora kelela be yiri kikɛ m baa pin Ebɔrɛ nɛnɛ a ti so.

Kɔlɔsiebi 1:29

Kede so nɛ m baa mɔ ma kumu a ta eleŋ nɛ Yesu Kristo bee sa ma a shuŋ na.

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.

1 Tɛsalɔnikaebi 4:11

Ekama e pere kenishi a fin kananɛ e beeŋ baa du boeŋ a maa luri basa be asheŋ to nsaa keni mbe kumu so fanɛ kananɛ an daŋ kaŋɛ menyi na.

1 Timoti 4:10

Anyee shuŋ ga a maŋ kɔ kachena ŋkpal an ka ta anyi be yirda n wɔtɔ Ebɔrɛ nɛ e kɔ ŋkpa nsaa la basa kikɛ be Emɔlgapo, fɔnfɔŋ bumo nɛ b yirda mo na to so.

Hibruwebi 12:28

Amoso, men shin nɛ an baa chɔrɔ Ebɔrɛ ŋkpal an ka beeŋ nya kuwura mo nɛ k maaŋ tiŋ ŋ gbuŋgbuŋ to na n luri to so. Men shin nɛ an baa bɔla ekpa mo nɛ k bee par Ebɔrɛ so a ta kabɔrɛŋana nɛ kufu a bunyaŋ mo.

Hibruwebi 4:11

Amoso, men shin nɛ an wora ania ga n luri kewushi na to nɛ esa kama maaŋ ta kasomaanu m bɛ bedarapo na be aya so n foe ekpa.

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.