2 Kɔrintebi 5:8 - EBƆRƐ BE KAWƆL

⁸ Anyi maa pɔ aba kikɛ nsaa sha ga fanɛ nɛ an daŋ nya nna an daa beeŋ lar anyi be eyur ere nɛ k la anyi pe ere to nseŋ daŋ ya kaa wɔ epe ashi an Nyɛnpe na kutɔ.

2 Kɔrintebi 5:8 ပူးပေါင်းရင်းမြစ်များ

Nshɛ 16:11

Fo shin nɛ m pin fo ŋkpa be ekpa na. Fo kebaawɔ ma kutɔ, e naa shin nɛ ma kagbene bee fuli ga saŋkama.

Nshɛ 17:15

Meeŋ ba fo anishito, ŋkpal manɛ so, m maŋ wora kulubi kikɛ. M baŋ tiŋi nseŋ wu fanɛ fo wɔ ma kutɔ, ma kagbene beeŋ fuli nna.

Aŋasa 14:32

Belubiworapo gbagba be asheŋ lubi e naa mur bumo, ama belelaworapo bre be alela e naa kuŋ bumo.

Matiu 25:21

Nɛ mo nyɛnpe kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, naniere meeŋ ta asɔ damta m bɔɔ fo enɔ. Ba tu ma, fo nyɛnpe a nu ma kuwura to be ebel.’

Matiu 25:23

Nɛ mo nyɛnpe na kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, meeŋ ta asɔ damta m bɔɔ fo enɔ. Ba tu ma, fo nyɛnpe n nu ma kuwura to be ebel.’

Luuk 2:29

“Enyɛnpe, naniere bre fo shin nɛ fo kɔnɔ naseso na bɔla ekpa. Amoso, nɛ k par fo, fo shin nɛ fo kenya e lar basa to nɛ kagbenewushi,

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Baru lela nɛ Jɔn kute na 14:3

Ma alɛ kaŋ yɔ n ya lɔŋɛ kaboŋ na n yili menyi n loge, meeŋ naŋ bɛta m ba keta menyi n yɔ ŋ kutɔ, saŋɛ na so kakpa nɛ n wɔ, menyi alɛ gba beeŋ ya kaa wɔ ndoŋ.

Baru lela nɛ Jɔn kute na 17:24

“Etuto, mee sha fanɛ bumo nɛ fo ta m bɔɔ ma enɔ na e ba kaa wɔ kakpa nɛ meeŋ ya kaa wɔ na n tiŋ n wu ma kemaŋkura nɛ fo sa ma ŋkpal fo ka fara a sha ma pɔɛŋ nɛ durnya jɔŋɛ na so.

Ashuŋ Shunso 21:13

Nɛ e bishi bumo: “Manɛ so nɛ menyee wora le ere nsaa shu le a jija ma kagbene? Ŋkpal Enyɛnpe Yesu so meeŋ shuli fanɛ b mɔ ma ashi Jerusalɛm to gba, a bishi kekre ma ndoŋ.”

2 Kɔrintebi 5:6

Amoso, saŋkikɛ anyi maa pɔ aba, ŋkpal manɛ so, an nyi fanɛ an ka baa wɔ epe ashi anyi be eyur ere to ere, anyi nɛ Enyɛnpe na wɔ kufɔ.

2 Kɔrintebi 5:9

Ama kusɔ nɛ an baŋ yili e la fanɛ anyeeŋ baa wora mbe aparsheŋ. K maŋ tir ŋko an wɔ epe nfe ashi anyi be eyur ere to ŋko an wɔ kufɔ nna.

1 Jɔn 3:2

N teri shasoana, naniere an la Ebɔrɛ be mbia nna na, ama kananɛ anyeeŋ ba kaa du kachako so bre e maŋ naŋ lar efuli. Kusɔ nɛ an baa nyi kikɛ e la fanɛ Kristo kaŋ ba lar efuli, anyeeŋ baa du fanɛ mo gbagba nna, ŋkpal manɛ so, anyeeŋ wu mo kananɛ e baa du.

Kelaraŋŋini 22:3

Kusɔ kama nɛ Ebɔrɛ so kɔnɔ maaŋ naa wɔ ndoŋ. Ebɔrɛ nɛ Kpakpafɔlbi na be kuwurputi e naaŋ baa wɔ ndoŋ nɛ mbe anya e baa maŋ mo so.