2 Kɔrintebi 5:4 - EBƆRƐ BE KAWƆL

⁴ Ŋkpal manɛ so, an ka kraa wɔ eyur mo nɛ k du fanɛ wajɛbu ere to bre, anyee shu to nna nsaa wɔ kafɔŋ to, ŋkpal manɛ so, an maa sha fanɛ an delge so. Anyee sha fanɛ an buu anyi be ebɔrɛso be kusɔbuuso nna, saŋɛ na so ŋkpa beeŋ mur kusɔ nɛ k beeŋ wu na kikɛ nyam.

2 Kɔrintebi 5:4 ပူးပေါင်းရင်းမြစ်များ

Aizaaya 25:8

Enyɛnpetale Ebɔrɛ na beeŋ mur luwu mbaanaayɔ! E beeŋ kpra anishichubi ashi ekama be anishito nseŋ lara ŋaba nɛ mbe basa ji ashi durnya kikɛ to na ashi bumo so. Enyɛnpe Ebɔrɛ na gbagba e kaŋɛ.

Aizaaya 38:12

Ma ŋkpa daŋ ku so nna nseŋ fo ekar, fanɛ mbolpɔkpapo be wajɛbu nɛ e bɔɔ na, ŋko fanɛ wajɛ nɛ b kraa lue nseŋ ku kumo so ashi kɔrɛ to na. N daa fɛ fanɛ Ebɔrɛ shin nɛ ma ŋkpa loge nna.

Romebi 8:23

Mannɛ asɔtoso na gba nawule, anyi nɛ an nya Kiyoyu nɛ e la Ebɔrɛ be kakɛ juŋkparso na gba bee shu to nna nsaa jo saŋɛ nɛ Ebɔrɛ na beeŋ ta anyi ŋ ki mbe mbia n shin nɛ an nya anyi be amu kikɛ nyam na.

1 Kɔrintebi 15:51

Men keni nɛ ŋ kaŋɛ menyi wulo to be kesheŋ ko fanɛ mannɛ anyi kikɛ e naaŋ wu, ama anyi kikɛ beeŋ chɛrga.

2 Kɔrintebi 5:2

Naniere bre an wɔtɔ nna a shu to nsaa jo anyi be ebɔrɛso be kowu nɛ baaŋ ta m buu anyi fanɛ kusɔbuuso na kenishipereso.

2 Kɔrintebi 5:3

Ŋkpal manɛ so, nɛ an baŋ buu kusɔbuuso na, an maaŋ naŋ delge so a wɔtɔ.

2 Pita 1:13

Ŋkpal manɛ so, mee fɛ fanɛ ŋ ka kraa wɔ eyur ere to ere bre, a daga fanɛ m baa nyiŋi menyi asheŋ na kikɛ a leŋ menyi to.