2 Kɔrintebi 5:19 - EBƆRƐ BE KAWƆL

¹⁹ Kumo e la fanɛ Kristo so nɛ Ebɔrɛ daŋ bɔla ŋ kplaŋ durnya be alubi so nseŋ shin nɛ mo nɛ basa naŋ nyalɛ. Ama kananɛ e bee shin nɛ mo nɛ basa bee nyalɛ be kubɔya nɛ e ta m bɔɔ anyi enɔ.

2 Kɔrintebi 5:19 ပူးပေါင်းရင်းမြစ်များ

Aizaaya 43:25

Ma, e naa ta menyi be alubi a paŋ menyi, ŋkpal esa nɛ e la ma so. Ma alɛ maŋ naa nyiŋi alubi nɛ men wora ŋ gbiti ma na.

Aizaaya 44:22

Ma e fuge menyi be alubi fanɛ afu ka ber kuwɔlpa n ya lɛ na nna. Men bɛta m ba ma kutɔ. Ma e la esa nɛ e bee mɔlga menyi.”

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Baru lela nɛ Jɔn kute na 14:20

Kachɛ na kaŋ fo, menyeeŋ pin ŋ ka wɔ n Tuto na to nɛ menyi alɛ wɔ ma to nɛ ma alɛ gba wɔ menyi to.

Baru lela nɛ Jɔn kute na 17:23

Nɛ m baa wɔ bumo to nɛ fo alɛ baa wɔ ma to, saŋɛ na so, baaŋ baa la kukoŋwule chap, nɛ durnya ere e pin fanɛ fo e shuŋi ma nseŋ naŋ pin fanɛ kananɛ fee sha ma na nɛ fee sha loŋ be basa na gba.

Romebi 11:15

Ŋkpal manɛ so, Ebɔrɛ ka daŋ kini bumo na so, durnyaebi nɛ b ka na nɛ Ebɔrɛ daŋ ba abar so nna. To, nɛ naniere Ebɔrɛ naŋ sɔ bumo, nuso nɛ asheŋ beeŋ baa du? Kumo ere bubuni beeŋ nya ŋkpa nna na.

1 Kɔrintebi 13:5

Esa nɛ e kɔ kasha maa fin mo gbagba nawule be kelela. Kasha wɔ esa to e maa nya agbo manaŋ manaŋ, mo alɛ maa ta alubi nɛ esa wora mo a wɔtɔ kagbene to.

Kɔlɔsiebi 2:9

ŋkpal manɛ so, Yesu Kristo na to nɛ Ebɔrɛ nɛ mbe kusɔ kama wɔ.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

1 Jɔn 4:10

Kede nɛ baa tre kasha gbagba na, mannɛ anyi gbagba be kasha nɛ an ta n sha Ebɔrɛ, mo e sha anyi nseŋ shuŋi mo Pibinyɛn fanɛ e ba wu m mata be luwu nɛ k shin nɛ an nya alubi be ketampaŋ.