2 Kɔrintebi 5:17 - EBƆRƐ BE KAWƆL

¹⁷ Amoso, nɛ esa kama baa wɔ Kristo na to, kepɔrso popɔr e la mo, asheŋ dra na kikɛ choŋ nɛ asheŋ popɔr ba.

2 Kɔrintebi 5:17 ပူးပေါင်းရင်းမြစ်များ

Nshɛ 51:10

Shin nɛ n nya nfɛra niŋiso nseŋ shin nɛ n naa ji kashenteŋ.

Aizaaya 45:17

Ama Enyɛnpe Ebɔrɛ na mɔlga Israɛl be basa bre, nɛ b kɔ m pɔɔ so mbaanaayɔ. Bumo be basa malɛ maaŋ ŋaba kikɛ.

Ezikɛl 11:19

Meeŋ lara bumo be ŋgbene nɛ a du kpakpa fanɛ ajembu na bumo to nseŋ sa bumo ŋgbene nɛ nfɛra popɔr, nɛ b maaŋ naa sha keshuŋ agbirana.

Ezikɛl 18:31

Men lar men be asheŋ lubi na to nseŋ fara a fɛ asheŋ lela be kewora be asheŋ menyi be ŋgbene to. Menyi alɛ e baa ji kashenteŋ a sa ma. Men sa maŋ shin nɛ menyi be alubi e mɔ menyi.

Ezikɛl 36:26

Ade be kaman, nɛ n lara menyi be ŋgbene kpakpaso fanɛ kejembu na nseŋ sa menyi ŋgbene popɔr nɛ a beeŋ shin nɛ men baa wora ma kasonu.

Matiu 12:33

“Nɛ fo baŋ shuli fanɛ kedibi walɛ, kumo ere kumo be asɔrso gba walɛ, ama nɛ fo baŋ shuli fanɛ kedibi maŋ walɛ, kumo ere kumo be asɔrso gba maŋ walɛ, ŋkpal manɛ so, kedibi kama be asɔrso nɛ baa ta a pin kumo.

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!

Luuk 5:38

Kashenteŋto, nsa popɔr daga asɔ popɔr to be keluri nna!

Baru lela nɛ Jɔn kute na 14:20

Kachɛ na kaŋ fo, menyeeŋ pin ŋ ka wɔ n Tuto na to nɛ menyi alɛ wɔ ma to nɛ ma alɛ gba wɔ menyi to.

Baru lela nɛ Jɔn kute na 15:2

Keyabi kama nɛ k chɔɔ ma so ŋkaa maa sɔr shɛŋ, e bee ku kumo nna a lɛ nɛ keyabi kama malɛ nɛ k bee sɔr e bee lɔŋɛ kumo so nna nɛ k tiŋ n sɔr ga n ti so.

Baru lela nɛ Jɔn kute na 15:5

Ma e la kedibi sɔrso na nɛ menyi alɛ la kumo be ayabi. Nɛ esa baa wɔ ma to nɛ ma alɛ gba baa wɔ mo to, amodoŋwura beeŋ nya asɔrso damta, ama nɛ m baa maa wɔ men be asheŋ to, men maaŋ tiŋ n wora shɛŋ.

Baru lela nɛ Jɔn kute na 17:23

Nɛ m baa wɔ bumo to nɛ fo alɛ baa wɔ ma to, saŋɛ na so, baaŋ baa la kukoŋwule chap, nɛ durnya ere e pin fanɛ fo e shuŋi ma nseŋ naŋ pin fanɛ kananɛ fee sha ma na nɛ fee sha loŋ be basa na gba.

Baru lela nɛ Jɔn kute na 3:3

Ndoŋ nna nɛ Yesu kaŋɛ mo le: “Kashenteŋ nɛ mee kaŋɛ fo na fanɛ, nɛ esa baa maŋ nya kakurge nyɔsopo na, e maaŋ wu Ebɔrɛ be kuwura na kikɛ.”

Baru lela nɛ Jɔn kute na 3:5

Nɛ Yesu kaŋɛ mo: “Kashenteŋ nɛ mee kaŋɛ fo na fanɛ nɛ b baa maŋ bɔla nchu nɛ Kiyoyu na so ŋ kurge esa, e maaŋ tiŋ n luri Ebɔrɛ be kuwura na to.

Romebi 16:10

Mee chɔrɔ Apɛles nɛ e kpal Kristo so n luri kechɔŋkeni to nseŋ tiŋ n lar a yil na. Mee chɔrɔ Aristɔbules be kowu to ebi gba.

Romebi 16:11

Mee chɔrɔ n niopibi Juwnyɛn nɛ baa tre Hɛrodiɔn na nseŋ naa chɔrɔ Naasises be kowu to ebi nɛ b la Enyɛnpe peya na.

Romebi 16:3

Mee chɔrɔ Prisila nɛ Akwila nɛ b la m braana Kristo be beshumpo na.

Romebi 16:7

Mee chɔrɔ Andrɔnikes nɛ Junias nɛ b la n niopibi Juwebiana nɛ ma nɛ bumo daa wɔ kabuti to na. B la basa nɛ b kɔ ketre nna ashi beshuŋipoana na to, bumo alɛ pin Kristo nna pɔɛŋ nɛ m ba pin mo.

Romebi 16:9

Mee chɔrɔ Ebaanes nɛ e la m barkasa Kristo be eshumpo na nsaa chɔrɔ n teri lela Staakis gba.

Romebi 7:6

Ama naniere bre mbra na maŋ naa ji kuwura anyi so, ŋkpal manɛ so, kusɔ nɛ k daŋ nyaŋ anyi a wɔtɔ na be kaplɛa so, an wu nna naniere. Anyi maŋ naa shuŋ ekpa dra nɛ k la mbra nɛ b sibɛ n nase na, ekpa popɔr nɛ k la Kiyoyu Cheeŋ na peya na nɛ an naa shuŋ.

Romebi 8:1

Bumo nɛ b wɔ Kristo Yesu to naniere bre, kejimbri be kasogberge maŋ naa wɔ bumo so.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

1 Kɔrintebi 13:11

Ŋ ka daa la kebia, n daa malga fanɛ kebia nna a fɛ nfɛra fanɛ kebia a pin asheŋ to fanɛ kebia. Ama ŋ ka ba ki enimu nɛ n yige mbibisheŋ ma asheŋ to.

2 Kɔrintebi 12:2

N nyi Kristo be kanyɛn ko ka daa wɔ Kristo to nɛ b maŋ mo so n yɔ ebɔrɛso be kakpa sasopo na. Kumo be nfɛ kuduana kabre. Ma alɛ maŋ nyi ŋko e daa wɔ eyur ere to nna nɛ loŋ wora ŋko e daŋ lar eyur ere to nna pɔɛŋ nɛ loŋ wora, Ebɔrɛ nawule e nyi.

2 Kɔrintebi 5:16

Amoso, naniere mannɛ dimɛdi be kaplɛa so nɛ an naa bɔla so a keni kananɛ esa du. Saŋko bre, loŋ nɛ an daa keni Kristo na, ama naniere bre anyi maŋ naa keni mo loŋ.

2 Kɔrintebi 5:19

Kumo e la fanɛ Kristo so nɛ Ebɔrɛ daŋ bɔla ŋ kplaŋ durnya be alubi so nseŋ shin nɛ mo nɛ basa naŋ nyalɛ. Ama kananɛ e bee shin nɛ mo nɛ basa bee nyalɛ be kubɔya nɛ e ta m bɔɔ anyi enɔ.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Galeeshaebi 6:15

Nɛ esa maŋ kɔ kusholi ŋko e kɔ, k maŋ tir kuraa, kusɔ nɛ k tir e la kebaakɔ kebaawɔtɔ popɔr na.

Ɛfesesebi 2:10

Ŋkpal manɛ so, an la mbe apɔrso nna nɛ e sa anyi kebaawɔtɔ popɔr ashi Kristo Yesu to nseŋ ta anyi n wɔtɔ kelela be asheŋ nɛ mo ere Ebɔrɛ na yili kumo dra dra na kikɛ to fanɛ an ba kaa shuŋ na.

Ɛfesesebi 2:15

E ta mbe kumu ŋ kpra Juwebi be mbra na nɛ kumo be ntaŋana nɛ loŋ e shin nɛ basa yiri ntuŋ anyɔ na e ba abar so m ba ki basa koŋwule, saŋɛ na so e beeŋ bar kagbenewushi bumo to.

Filipaiebi 4:21

Mee chɔrɔ Ebɔrɛ be basa nɛ b la Kristo Yesu peya na kikɛ. Bekurgepo nɛ b wɔ ŋ kutɔ nfe ere bee chɔrɔ menyi.