2 Kɔrintebi 5:14 - EBƆRƐ BE KAWƆL

¹⁴ Ŋkpal manɛ so, Kristo be kasha e kɔ anyi a wora asheŋ ŋkpal an ka baa nyi geeŋ fanɛ esa koŋwule e yili ekama be katelamu to n wu so so. Kumo e la fanɛ ekama malɛ e wu.

2 Kɔrintebi 5:14 ပူးပေါင်းရင်းမြစ်များ

1 Kronikɛls 11:18

Nɛ benapo lempo asa na ŋana n yɔ Filistiebi na be keeyi to n ya jɔ ketirbu nɛ k wɔ Bɛtlɛhɛm be kabunagboŋ na ase na be nchu m bar Deevid nɛ e kini amo be kenu nseŋ chulgi amo n wurge kasawule fanɛ sarga n sa Enyɛnpe Ebɔrɛ,

Job be kawɔl 32:18

Ŋkpal manɛ so, asɔ damta nɛ ŋ kɔ nɛ ŋ kaŋɛ, amoso m maaŋ tiŋ n lo ma kɔnɔ.

Sɔlɔmɔn 1:4

Keta ma nɛ an nya manaŋ n yɔ; Ma ewura, keta ma n yɔ fo ebu to manaŋ. Ndoŋ nɛ anyi be ŋgbene beeŋ fuli anyi, nɛ an nuu nsa nseŋ ji anyi be amu. Nɛ beche bee sha fo, kumo be ekpa so nna.

Aizaaya 53:6

Anyi kikɛ daa du fanɛ mbolpɔ nɛ b yeŋ n foe n luri to nna. Ekama daŋ sɔ mbe ekpa nna a yɔ. Ama Enyɛnpe Ebɔrɛ na daŋ shin nna nɛ anyi be kasogberge ba mbe kenya so.

Matiu 20:28

fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”

Luuk 15:24

ŋkpal manɛ so, ma kebia ere daŋ wu nna, ama e naŋ ba ŋkpa to, e daŋ foe nna, ama e naŋ wu epe be ekpa m ba.’ Ndoŋ nna nɛ b fara a ji bumo be amu.

Luuk 15:32

Nɛ kananɛ fo sipo ere ba le ere, a daga fanɛ an ji anyi be amu kagbenefuliso, ŋkpal manɛ so, fo sipo ere daŋ wu nna nseŋ naŋ ba ŋkpa to, e daŋ foe nna, ama an naŋ wu mo.’ ”

Luuk 24:29

Nɛ basa anyɔ na kule mo ŋ kaŋɛ: “Sa maŋ yɔ, ba luri anyi be laŋ to, ŋkpal manɛ so, epeŋi teŋ tɔr nɛ kaboŋ bee jija to.”

Baru lela nɛ Jɔn kute na 1:29

Asheŋ ere ka wora ŋ klade nɛ Jɔn wu Yesu ka bee ba mo kutɔ nɛ e kaŋɛ basa le: “Men keni, Ebɔrɛ be Kpakpafɔlbi nɛ k bee lara durnyaebi be alubi ashi bumo to a lɛ na.

Baru lela nɛ Jɔn kute na 11:25

Nɛ Yesu kaŋɛ mo: “Ma e la esa nɛ e bee tiŋi basa ashi luwu to a sa bumo ŋkpa na, nɛ esa kama nɛ e yirda ma beeŋ nya ŋkpa hale nɛ e wu gba.

Baru lela nɛ Jɔn kute na 5:25

Ma e kaŋɛ menyi kashenteŋto na fanɛ saŋko beeŋ ba fo, saŋɛ na teŋ fo gba fanɛ bubuni beeŋ nu ma, Ebɔrɛ Pibinyɛn na be ebɔl, ekama malɛ nɛ e nu kumo beeŋ nya ŋkpa a wɔtɔ.

Ashuŋ Shunso 18:5

Sailas nɛ Timoti ka shi Masɛdonia m ba nɛ Pɔɔl yige kusɔ kama nsaa wɔtɔ a bɔ kubɔya na a bugi kumo to nɛnɛ a kaŋɛ Juwebi na fanɛ Yesu e la Kristo na.

Romebi 2:2

Nɛ Ebɔrɛ bre bee ji basa nɛ baa wora asheŋ ere demu, an nyi e ka bee ji asheŋ kashenteŋ be ekpa so.

Romebi 5:15

Kashenteŋ nna fanɛ ŋkpal esa koŋwule na be kulubi na so, basa damta wu. Ama le be basa anyɔ ere kɔr abar to, ŋkpal manɛ so, Ebɔrɛ be kagbene koŋwuleso be kakɛ na nɛ Adam be kulubi na kɔr abar to. Ebɔrɛ be kuwɔr be kakɛ na chɔ Adam be kulubi na ga. Loŋ koŋwule na nɛ mbe kagbene koŋwuleso be kakɛ nɛ e bee bɔla esa koŋwule Yesu Kristo be kuwɔr na so a sa basa damta na gba chɔ kumo.

Romebi 6:13

Menyi alɛ e sa maŋ naa shin nɛ menyi be eyurana be mba kama malɛ gba e naa wora kulubi nɛ men baa kɔ loŋ be kaba na a wora edalubisheŋ. Kusɔ nɛ k daga fanɛ men wora e la fanɛ men ta menyi be amu m bɔɔ Ebɔrɛ enɔ fanɛ basa nɛ b shi luwu to m ba luri ŋkpa to. Men ta menyi be eyurana kikɛ m bɔɔ mo enɔ nɛ e ta n shuŋ ashuŋ lela.

Romebi 6:6

Anyi alɛ nyi fanɛ anyi be kebaawɔtɔ dra na nɛ Yesu nɛ b daŋ mɔ kedibi largato na so na, saŋɛ na so alubi be eleŋ nɛ k bee ji da dra na so eleŋ na beeŋ mur nɛ an sa maŋ naa la alubi be anya.

1 Kɔrintebi 16:22

Ekama nɛ e maa sha Enyɛnpe na, kɔnɔso e baa wɔ amodoŋwura na so. An Nyɛnpe e naaŋ bɛta m ba.

1 Kɔrintebi 2:14

Durnya ere to be esa bre maaŋ tiŋ n nya asɔ nɛ a bee shi Ebɔrɛ be Kiyoyu na kutɔ. Kashenteŋto, a la kawulisheŋ nna n sa mo nɛ e maaŋ tiŋ m pin amo to kikɛ, ŋkpal manɛ so, Kiyoyu na nawule e naaŋ tiŋ ŋ ŋini mo amo be asheŋ.

2 Kɔrintebi 3:7

B daŋ sibɛ mbra na n deŋi ajembu so nna. Saŋɛ nɛ anebi Mosis daŋ ta amo n sa Israɛlebi na nɛ Ebɔrɛ be kemaŋkura lar efuli hale n shin nɛ Mosis be anishiakpa daa kpa edɛ nɛ Israɛlebi daa maŋ tiŋ ŋ keni mo. Nɛ kumo be kekpa edɛ na malɛ ka daa beeŋ ba loge gba nde!

2 Kɔrintebi 3:9

Nɛ fanɛ kushuŋ nɛ k bee ji a bri basa baa kɔ kemaŋkura kumo to, kumo ere, kushuŋ nɛ k bee ji a mɔlga basa na beeŋ baa kɔ kemaŋkura a chɔ loŋ.

Galeeshaebi 2:20

Ma nɛ Kristo nɛ b daŋ gbir m mata kedibi largato so, amoso, mannɛ ŋ gbagba e naa wɔtɔ, Kristo e wɔ ma to. Kebaawɔtɔ nɛ ŋ kɔ a wɔtɔ ere, keyirda Ebɔrɛ Pibinyɛn nɛ e sha ma n ta mbe kumu n sa ma na to nɛ n wɔ.

Ɛfesesebi 6:24

Ebɔrɛ be kuwɔr be kakɛ e baa wɔ bekama nyam nɛ b kɔ kasha nɛ k maa loge a sha an Nyɛnpe Yesu Kristo na so.

Kɔlɔsiebi 2:13

Men ka daŋ wu ŋkpal men be alubi nɛ men be kebaawɔtɔ lubi na so, jemanɛ nɛ men daa maŋ nyi Ebɔrɛ na, Ebɔrɛ tiŋi menyi nɛ Yesu Kristo na luwu to n sa menyi ŋkpa n ta anyi be alubi m paŋ anyi.

Kɔlɔsiebi 3:3

Ŋkpal manɛ so, naniere men du fanɛ basa nɛ b wu nna nɛ bumo be shɛŋ maŋ naa wɔ asheŋ jiga to nɛ Yesu Kristo nɛ mo nɛ Ebɔrɛ la kukoŋwule na e wɔ men be ŋkpa popɔr a keni so.

1 Timoti 2:6

Mo e ta mbe kumu n sɔ basa kikɛ n yige. Kumo e naa ŋini kumo be jemanɛ na gbagba chap fanɛ Ebɔrɛ bee sha basa kikɛ ka nya kumɔlga.

1 Timoti 5:6

Ama ekulpoche nɛ e ta mbe nfɛra n wɔtɔ ebel be keji to wu nna nsaa wɔ basa to na.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Hibruwebi 2:9

Ama Yesu bre, an wu b ka ta kemaŋkura nɛ bunyaŋ m buu mo fanɛ kuwura. Ama saŋɛ gbrɛbi ko Ebɔrɛ daŋ shin nɛ emalaika daa chɔ mo nna ŋkpal luwu be awurfoŋ nɛ e ji na so, saŋɛ na so, e beeŋ wu n sa basa kikɛ ŋkpal Ebɔrɛ be kakɛ so.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.

1 Jɔn 5:19

Anyi alɛ naa nyi fanɛ an ka la Ebɔrɛ peya, ama durnya ere bre kikɛ wɔ alubipo na be enɔ to nna.