2 Kɔrintebi 5:12 - EBƆRƐ BE KAWƆL

¹² To, kede bee ŋini fanɛ an naa sha kekpaŋ anyi be amu nna n sa menyi ŋko? Ayai, kusɔ nɛ anyee wora e la fanɛ anyee sa menyi ekpa nna nɛ men kpal anyi so n ji njɔŋ. Saŋɛ na so, menyeeŋ tiŋ n nya kusɔ ko ŋ kaŋɛ basa nɛ baa keni dimɛdi be eyilikpa nawule so a ji njɔŋ nsaa maa keni kusɔ nɛ k wɔ kagbene to na.

2 Kɔrintebi 5:12 ပူးပေါင်းရင်းမြစ်များ

Aŋasa 27:2

Shin nɛ basa pɔtɛ e baa kpaŋ fo, fo gbagba e sa maa kpaŋ fo kumu.

2 Kɔrintebi 1:14

Kumo e la fanɛ menyeeŋ pin fanɛ menyeeŋ tiŋ ŋkpal anyi so n ji njɔŋ fanɛ kananɛ anyeeŋ kpal menyi so n ji njɔŋ Enyɛnpe Yesu be kachɛ na.

2 Kɔrintebi 10:12

Mannɛ fanɛ anyee nya kagbene nna a kaŋɛ fanɛ anyi nɛ bumo nɛ baa maŋ bumo be amu so gba na e sa. Anyi alɛ maa ta anyi be amu nna a ber bumo. Kananɛ b kɔ abar a keni kananɛ b sasaana ere nsaa kɔ abar a ber abar le ere e naa ŋini fanɛ b maŋ nyi asheŋ.

2 Kɔrintebi 10:18

Ŋkpal manɛ so, mannɛ esa nɛ e bee chɔrɔ mbe kumu e kɔ ekpa, ama esa nɛ Enyɛnpe bee chɔrɔ e kɔ ekpa.

2 Kɔrintebi 10:7

Asheŋ be kaman nɛ menyi ere bee keni, ama esa kama nɛ e baa nyi geeŋ fanɛ e la Kristo peya nna, amodoŋwura na e baa nyi fanɛ kananɛ e baa la Kristo peya na, loŋ nɛ anyi alɛ gba la mo peya.

2 Kɔrintebi 10:8

Hale nɛ m puchi eleŋ nɛ Enyɛnpe sa anyi fanɛ an ta a chɛ menyi to nɛ men baa yɔ anishito, mannɛ fanɛ an ta n jija menyi na so n ti so gba, k maaŋ pɛ ma anishinyɔr kikɛ.

2 Kɔrintebi 12:11

Mee wora asheŋ fanɛ ewulpo nna, ama menyi e shin nɛ ŋ ki loŋ. Menyi e daŋ daga fanɛ men baa chɔrɔ ma. Ŋkpal manɛ so, nɛ m maŋ la shɛŋ gba, beshuŋipo nɛ menyee tre beshuŋipogboŋ ere maŋ bɔ ma.

2 Kɔrintebi 3:1

To, kede bee ŋini fanɛ an naŋ fara nna a kpaŋ anyi be amu nna ŋko? Ŋko a daga fanɛ anyi alɛ gba ka naŋ nya eleŋ be nwɔl nna nɛ an ta n yɔ men kutɔ fanɛ kananɛ beko bee wora na a?

2 Kɔrintebi 6:4

Ama kusɔ kama nɛ anyee wora, anyee ta kanyitigboŋ nna a nyiti etɔrɔ nɛ kebaawɔtɔ kpakpaso nɛ kekɔrfɛ ŋkpal an ka la Ebɔrɛ be beshumpo na so.

Filipaiebi 1:26

Saŋɛ na so, ŋ ka naŋ ba men kutɔ menyeeŋ bɔla Kristo Yesu so n nya ekpa m puchi n ti so ŋkpal ma so.