2 Kɔrintebi 5:1 - EBƆRƐ BE KAWƆL

¹ Ŋkpal manɛ so, an baa nyi fanɛ eyur mo nɛ k du fanɛ wajɛbu nɛ an wɔ kumo to durnya ere to ere baŋ jija, an kɔ kowu ashi Ebɔrɛ kutɔ, ebu nɛ b maŋ ta enɔ m pɔr kumo nɛ k wɔ ebɔrɛso mbaanaayɔ.

2 Kɔrintebi 5:1 ပူးပေါင်းရင်းမြစ်များ

Jɛnesis 3:19

Kashenteŋto feeŋ baa nyɛa kebleŋ damta nna pɔɛŋ nsaa ji, hale loŋ nɛ fo naŋ ya bɛta n yɔ shishɛr to, ŋkpal manɛ so, shishɛr na nɛ b ta n pɔr fo. Fo la shishɛr nna, amo alɛ to nɛ feeŋ naŋ bɛta n yɔ.”

Job be kawɔl 30:22

E shin nɛ bɔrɛfugboŋ ba fuu ma nna n lɛ, nɛ n tɔr a gbelti.

Job be kawɔl 4:19

Edimɛdi nɛ b maa chɛr nsaa wu fanɛ kananɛ kapuya maa chɛr nsaa bure na nɛ e beeŋ tiŋ n yirda a?

Nshɛ 56:9

Saŋkama nɛ m baŋ kule fo ndoŋana bee bɛta kaman nna. Kumo be loŋ e shin nɛ m pin fanɛ fo wɔ ma kutɔ.

Aizaaya 38:12

Ma ŋkpa daŋ ku so nna nseŋ fo ekar, fanɛ mbolpɔkpapo be wajɛbu nɛ e bɔɔ na, ŋko fanɛ wajɛ nɛ b kraa lue nseŋ ku kumo so ashi kɔrɛ to na. N daa fɛ fanɛ Ebɔrɛ shin nɛ ma ŋkpa loge nna.

Maak 14:58

“An nu e ka kaŋɛ fanɛ: ‘Meeŋ bure bɔrɛlambu nɛ nyiŋgbasa pɔr ere n lɛ nɛ kumo be nchɛ asa to nɛ m pɔr kumo nɛ enyiŋgbasa kikɛ maaŋ tiŋ m pɔr.’ ”

Ashuŋ Shunso 7:48

Ama Enyɛnpetale Ebɔrɛ pe maŋ la nyiŋgbasa be nwu pɔrso fanɛ kananɛ anebiana kaŋɛ fanɛ Ebɔrɛ kaŋɛ na:

1 Kɔrintebi 3:9

Ebɔrɛ mo braana beshumpo e la anyi nɛ menyi alɛ du fanɛ mbe kasawule nseŋ naa du fanɛ mbe ebu nɛ e bee pɔr.

2 Kɔrintebi 4:7

Ama anyi, bumo nɛ an kɔ le be kanya ere du fanɛ mba nna a ŋini fanɛ eleŋ nɛ k chɔ kekama na la Ebɔrɛ peya nna, mannɛ anyeya.

2 Kɔrintebi 5:4

Ŋkpal manɛ so, an ka kraa wɔ eyur mo nɛ k du fanɛ wajɛbu ere to bre, anyee shu to nna nsaa wɔ kafɔŋ to, ŋkpal manɛ so, an maa sha fanɛ an delge so. Anyee sha fanɛ an buu anyi be ebɔrɛso be kusɔbuuso nna, saŋɛ na so ŋkpa beeŋ mur kusɔ nɛ k beeŋ wu na kikɛ nyam.

Kɔlɔsiebi 2:11

Ŋkpal menyi nɛ Yesu Kristo ka la kukoŋwule na so, e ku menyi be kebaawɔtɔ lubi ashi menyi so, ama mannɛ enɔ be kushuŋ nna fanɛ kananɛ baa ta enɔ a ku kututu ŋkpal eyurpi so na.

2 Timoti 1:12

Kumo alɛ so nɛ mee ji le be awurfoŋ ere na. Ama kumo alɛ maŋ kɔ ma anishinyɔr, ŋkpal manɛ so, n nyi esa nɛ n yirda, ma alɛ maa ji kumo emɔrɔ fanɛ e beeŋ tiŋ ŋ keni kusɔ kama nɛ e ta m bɔɔ ma enɔ so hale n ya fo kachɛ na.

Hibruwebi 11:10

Ŋkpal manɛ so, e daa jo kadegboŋ nɛ k kɔ egbaltɔlase lempo nɛ kumo be epɔrpo nɛ esa nɛ e yili kumo kananɛ k daga fanɛ b pɔr kumo na la Ebɔrɛ gbagba na nna.

Hibruwebi 9:11

Ama naniere bre Kristo ki alelasheŋ nɛ a ba na be bɔrɛmatapo nimuso nna. E bɔla lambu nɛ k shibi a chɔ wajɛlambu dra na to nna m ba. Kede bre, mannɛ nyiŋgbasa e pɔr kumo, kumo e la fanɛ mannɛ durnya ere to be kusɔ e la kumo.

Hibruwebi 9:24

Ŋkpal manɛ so, mannɛ lambu cheembi nɛ dimɛdi gbagba daŋ wora nɛ k daŋ duli lambu cheembi gbagba na to nɛ Kristo daŋ luri. Ebɔrɛso gbagba nɛ e daŋ luri n ya kaa yil naniere anyi be katelamu to a shuŋ Ebɔrɛ be anishito.

1 Pita 1:4

Kede e shin nɛ an kɔ tama nɛ k maa chɛrga nseŋ naa keni enɛfa damta nɛ Ebɔrɛ kɔ a jo mbe basa na ekpa. Ebɔrɛso nɛ e kɔ amo a jo menyi, kakpa nɛ a maaŋ tiŋ m bɛ ŋko n jija ŋko ŋ kpeŋ kikɛ na.

2 Pita 3:11

Nɛ kananɛ asɔ kikɛ ka beeŋ ba mur le ere, nuso be basa a daga fanɛ men baa du? A daga fanɛ men baa kɔ kebaawɔtɔ cheembi a wɔ kabɔrɛŋana be kebaawɔtɔ to

1 Jɔn 3:14

Esa kama nɛ e maa sha mo braana kraa wɔ luwu to nna na. Ama anyi ere nyi fanɛ an lar luwu to m ba luri ŋkpa to nna, ŋkpal manɛ so, anyee sha an niopibiana.

1 Jɔn 3:19

Loŋ nɛ anyeeŋ pin an ka wɔ kashenteŋ na to nɛ saŋkama malɛ nɛ an be ŋgbene bee ji a bri anyi, anyeeŋ wushi amo ashi Ebɔrɛ be anishito.

1 Jɔn 3:2

N teri shasoana, naniere an la Ebɔrɛ be mbia nna na, ama kananɛ anyeeŋ ba kaa du kachako so bre e maŋ naŋ lar efuli. Kusɔ nɛ an baa nyi kikɛ e la fanɛ Kristo kaŋ ba lar efuli, anyeeŋ baa du fanɛ mo gbagba nna, ŋkpal manɛ so, anyeeŋ wu mo kananɛ e baa du.