2 Kɔrintebi 4:9 - EBƆRƐ BE KAWƆL

⁹ Baa tɔrɔ anyi, ama Ebɔrɛ maa kini anyi. Baa ŋmɛa anyi a lɛ, ama anyi alɛ maa mur.

2 Kɔrintebi 4:9 ပူးပေါင်းရင်းမြစ်များ

Job be kawɔl 22:29

Nɛ beko tɔr kebaawɔtɔ to gba, nɛ fo kule Ebɔrɛ n sa bumo e beeŋ nu fo kekule nseŋ maŋ bumo so.

Nshɛ 129:2

“Ma kebia to kikɛ, bedoŋ baa kɔrfɛ ma nna! Ama bumo alɛ maŋ tiŋ m pɔ ma so.

Nshɛ 22:1

Ma Ebɔrɛ, manɛ nna nɛ fo kplaŋ ma so? Manɛ nna nɛ fo wɔ kufɔ loŋ? Fo maaŋ nu ma kebɔltofinfin be kushuto, nseŋ ba mɔlga ma a?

Nshɛ 37:28

Ŋkpal manɛ so, Enyɛnpe Ebɔrɛ na bee sha bekama nɛ baa wora asheŋ nɛ amo be ekpa so na nna. Mo alɛ maaŋ kplaŋ bekama nɛ baa ji kashenteŋ so. Enyɛnpe na beeŋ baa kuŋ bumo, ama e beeŋ mur belubiworapo bre be kaman to ebi.

Nshɛ 42:11

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so. Fo e la ma Ebɔrɛ.

Nshɛ 42:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so.

Nshɛ 9:10

Bumo nɛ b nyi fo na beeŋ ta bumo be yirda n deŋi fo so; Ŋkpal manɛ so, fo Enyɛnpe Ebɔrɛ na maŋ naŋ pal kama n sa bekama nɛ baa fin fo kikɛ.

Aŋasa 24:16

Basa niŋiso bee tɔr alɛ damta nsaa koso ama tɔrɔ baŋ ba alubiworapo bre so nɛ e tɔr kela koŋwule gba e maaŋ naŋ tiŋ n niŋi to kikɛ.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Aizaaya 62:4

Fo ketre maaŋ naa la Kini n lɛ. Efuli na gba be ketre maaŋ naa la Eche nɛ b kini n lɛ. Ama fo ketre popɔr e naaŋ baa la Ebɔrɛ be Kagbene fuli mo so. Efuli na malɛ peya e naaŋ baa la Kagbenefuli be kakil. Ŋkpal manɛ so, Enyɛnpe Ebɔrɛ na be kagbene beeŋ fuli fo so; mo alɛ beeŋ baa la fanɛ ekul n sa fo efuli na.

Maika 7:8

N doŋana, men sa maŋ shin nɛ menyi be ŋgbene e fuli nɛ men baa ji njɔŋ ma so. Hale nɛ n tɔr gba, ŋ kraa beeŋ koso. Nɛ n chena tentembiri to gba, Enyɛnpe Ebɔrɛ na e la ma kefulto.

Habakuk 3:17

Hale nɛ figi be ndibi maŋ sɔr gba, nɛ afeelebi nɛ baa tre greeps na maŋ kɔ asɔrso; hale nɛ ɔlif be ndibi maŋ sɔr shɛŋ, nɛ adɔsawule maŋ wora ajibi gba; hale nɛ kubolpɔ koŋwule gba maŋ naa wɔtɔ, nɛ kena koŋwule maŋ naa wɔ kenalu to gba,

Baru lela nɛ Jɔn kute na 15:20

Men baa nyiŋi kananɛ n daŋ kaŋɛ menyi na fanɛ: ‘Kenya maŋ chɔ mo nyɛnpe’. Nɛ durnya ere to ebi baŋ tɔrɔ ma, kumo ere baaŋ tɔrɔ menyi alɛ gba. Nɛ b baŋ ta ma mmalga n wɔtɔ bumo be ŋgbene to, baaŋ ta menyi alɛ gba peya n wɔtɔ bumo be ŋgbene to.

Romebi 8:35

To, manɛ e naaŋ tiŋ n lara kasha nɛ Kristo kɔ a sa anyi ashi anyi so? Tɔrɔ ŋko awurfoŋ ŋko basa be kekɔrfɛ anyi ŋkpal anyi be yirda so ŋko akoŋ ŋko ketir ŋko kenishipere ŋko luwu bre e naaŋ tiŋ n lara mbe kasha ashi anyi so?

2 Kɔrintebi 7:6

Ama Ebɔrɛ nɛ e bee wushi kagbenejijawuraana na, wushi anyi be ŋgbene ŋkpal Taites ka ba so.

2 Timoti 3:12

Kashenteŋto, esa kama nɛ e bugi kagbene a sha kebɛ Kristo Yesu so, baaŋ tɔrɔ amodoŋwura.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”