2 Kɔrintebi 4:8 - EBƆRƐ BE KAWƆL

⁸ Saŋɛ damta baa nyaŋ anyi nna, ama anyi alɛ maa bɛa to. Saŋko anyee wulto to, ama anyi alɛ maa wulto to cheche.

2 Kɔrintebi 4:8 ပူးပေါင်းရင်းမြစ်များ

Nshɛ 129:2

“Ma kebia to kikɛ, bedoŋ baa kɔrfɛ ma nna! Ama bumo alɛ maŋ tiŋ m pɔ ma so.

Nshɛ 37:33

Ama Enyɛnpe Ebɔrɛ na wɔ basa lela kutɔ nna; nsaa beeŋ malga n sɔ bumo n yige; saŋɛ nɛ baŋ bar bumo demujikpa na.

Aŋasa 14:26

Esa kama nɛ e bee ŋana Ebɔrɛ, mo nɛ mbe mbia beeŋ nya Ebɔrɛ be kekuŋ.

Aŋasa 18:10

Enyɛnpe Ebɔrɛ du fanɛ ketempreŋ kuŋso nna nɛ basa nɛ baa wora asheŋ niŋiso bee shile a yɔ mo kutɔ n ya kaa nya kekuŋ.

Aizaaya 40:31

Ama bekama nɛ b yirda Enyɛnpe Ebɔrɛ na beeŋ nya eleŋ popɔr. Baaŋ ber atɛ to ŋ koso n firgi n yɔ awɔlto fanɛ ejɔnɔkoso; bumo alɛ beeŋ shile ga, ama b maaŋ gben a chul to; baaŋ nite ekpa tenteŋ, ama b maaŋ gben m bɛlɛ.

Habakuk 3:17

Hale nɛ figi be ndibi maŋ sɔr gba, nɛ afeelebi nɛ baa tre greeps na maŋ kɔ asɔrso; hale nɛ ɔlif be ndibi maŋ sɔr shɛŋ, nɛ adɔsawule maŋ wora ajibi gba; hale nɛ kubolpɔ koŋwule gba maŋ naa wɔtɔ, nɛ kena koŋwule maŋ naa wɔ kenalu to gba,

Baru lela nɛ Jɔn kute na 14:18

M maaŋ yige menyi n to fanɛ amunibi. Meeŋ naŋ ba menyi kutɔ.

1 Kɔrintebi 10:13

Kechɔŋkeni kama nɛ k ba menyi so la kusɔ nɛ k bee kaa ba esa kama so nna. Ama Ebɔrɛ la esa nɛ e maaŋ yige anyi n to nna, e maaŋ shin nɛ men luri kechɔŋkeni mo nɛ k chɔ menyi be eleŋ so to. Nɛ men baŋ luri kechɔŋkeni to, mo alɛ beeŋ bugi ekpa n sa menyi nɛ men tiŋ n nya n yili to kpakpa.

2 Kɔrintebi 12:10

Amoso, ŋkpal Kristo so ma kagbene bee fuli ma kapɔshi to nna nɛ kategeana to nɛ kebaawɔtɔ kpakpasoana to nɛ etɔrɔana to nɛ ŋgbenejijaana to. Ŋkpal manɛ so, kapɔshi baa wɔ ma to, kumo ere ŋ kɔ eleŋ nna na.

2 Kɔrintebi 6:12

Anyi maa ta anyi be kasha a ŋana menyi so, menyi ere e naa ta menyeya a ŋana anyi so.

2 Kɔrintebi 6:4

Ama kusɔ kama nɛ anyee wora, anyee ta kanyitigboŋ nna a nyiti etɔrɔ nɛ kebaawɔtɔ kpakpaso nɛ kekɔrfɛ ŋkpal an ka la Ebɔrɛ be beshumpo na so.

2 Kɔrintebi 7:5

Hale an ka ba Masɛdonia, anyi be eyurana ere maŋ nya ewushi kikɛ. Anyi nɛ kekɔrfɛ e daa la kaplɛkama, anyi nɛ basa be nlu malɛ e daa la nɛ kufu malɛ daŋ bɔlɔ anyi be ŋgbene to.

Galeeshaebi 4:20

N daa wɔ menyi kutɔ nna naniere n tiŋ n chɛrga mmalga kpakpaso nɛ mee malga a sa menyi ere, k daa beeŋ par ma ga, ŋkpal manɛ so, men be asheŋ baŋ wul ma to nna.

1 Samuɛl 28:15

Nɛ Samuɛl kaŋɛ Sɔɔl le: “Manɛ nna nɛ fo tɔrɔ ma loŋ hale n shin nɛ n naŋ bɛta m ba?” Nɛ Sɔɔl yɛ: “N wɔ tɔrɔ damta to nna! Filisti be basa na bee kɔ ma kena nna nɛ Ebɔrɛ kplaŋ ma so. E maŋ naa bɔla edare ŋko anebiana so a malga a sa ma. Amoso nɛ n tre fo nɛ fo kaŋɛ ma kusɔ nɛ k daga ŋ ka wora.”

1 Samuɛl 30:6

Ndoŋ nna nɛ kagbenejija tɔr Deevid so, nɛ mbe basa be ŋgbene kikɛ kaa bumo ŋkpal b ka paŋ bumo be mbia so. Nɛ baa kaŋɛ fanɛ baaŋ kpa Deevid ajembu m mɔ nɛ Enyɛnpe Ebɔrɛ nɛ e la mbe Ebɔrɛ na leŋ mo to ga.

1 Samuɛl 31:4

Nɛ Sɔɔl kaŋɛ enapo nɛ e bee keta mbe akɔsɔ na le: “Ta fo tokobi m mɔ ma! Ŋkpal manɛ so, m maa sha Filistiebi, nnyamase ere ka mɛaŋ ma m mɔ.” Ama enapo na daŋ kini kewora loŋ nna ŋkpal kufu ka daŋ pɛ mo ga so. Ndoŋ nna nɛ Sɔɔl ta mo gbagba be tokobi be kumu ase n yuu kasawule nseŋ tɔr kumo so.