2 Kɔrintebi 4:3 - EBƆRƐ BE KAWƆL

³ Hale nɛ kusɔ kuŋso buu anyi be baru lela nɛ anyi bɔ ere so gba, k wora loŋ nna n sa basa nɛ baa mur bumo be alubi to na.

2 Kɔrintebi 4:3 ပူးပေါင်းရင်းမြစ်များ

Matiu 11:25

Jemanɛ na so nɛ Yesu kaŋɛ le: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so.

Romebi 2:16

To, loŋ malɛ nɛ baru lela nɛ mee bɔ na bee ŋini fanɛ asheŋ beeŋ ba kaa du kachɛ nɛ Ebɔrɛ beeŋ bɔla Yesu Kristo so n yili edimɛdi be wulo be nfɛraana so n ji bumo demu.

1 Kɔrintebi 1:18

Ŋkpal manɛ so, luwu mo nɛ Kristo wu kedibi largato so be kubɔya na la kawulisheŋ nna n sa basa nɛ b wɔ kemur be ekpa to na. Ama anyi nɛ an wɔ kumɔlga be ekpa to ere bre, loŋ be kubɔya na la Ebɔrɛ be eleŋ nna.

1 Kɔrintebi 2:6

Ama anyee kaa malga kanyiashenso be mmalga nna ashi bumo nɛ b kɔ kenimufɛra to bre, ama mannɛ kanyiasheŋ mo nɛ k shi durnya ere to nna. Kumo alɛ maŋ naa shi bumo nɛ b kɔ eleŋ durnya ere to nɛ a bee mur na kutɔ.

2 Kɔrintebi 2:12

Ŋ ka daŋ ba Trowas be kade to nɛ m ba bɔ Kristo be baru lela na, n wu fanɛ kashenteŋto Enyɛnpe bugi kushuŋ na be ekpa.

2 Kɔrintebi 3:14

Ama kashenteŋto bumo be ŋgbeneana daŋ ti nna a du kpakpa, hale kabre b baŋ kraŋ kɔnɔkoŋwule be ŋkre dra na, kusɔ kuŋso na kraa wɔtɔ nna, ŋkpal manɛ so, Kristo nawule so nɛ kusɔ kuŋso na bee lar ashi to.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

1 Tɛsalɔnikaebi 1:5

ŋkpal manɛ so, baru lela nɛ an bar menyi na maŋ la kafule be mmalga nna, ama amo nɛ eleŋ nɛ Kiyoyu Cheeŋ na nɛ kashenteŋ nɛ k maŋ kɔ yalayala kikɛ nna. Saŋɛ nɛ an daa wɔ menyi kutɔ na, men nyi kananɛ an be kebaawɔtɔ daa du. Menyi so nɛ an daa du loŋ na.

1 Timoti 1:11

Le nɛ nɛfa be Ebɔrɛ na be baru lela nɛ kemaŋkura wɔ kumo to nɛ b ta m bɔɔ ma enɔ na bee ŋini.